فصلية مجنون

البارت الاول

#رجعت وياكم بقصه
#فصليه مجنون
#البارت الاول
#الكاتبه ام جنه،

احلام، ،،،،،اعرفكم ابنفسي اسمي احلام خريجه هندسه وموضفه،
احجيلكم ابسنه ال90ع 91 جان عمري 20سنه
تعرفت علئ شاب ويايا جان بل جامعه واتخرجنه سويه اسمه سمير،
حلو وشخصيه، حبينه بعض،
احنه ابويه الله يحفضه عايش بعده،
اصلنه من الحله ، بس ساكنين بغداد، ابويه وامي
اتزوجو بغداد طبعن اني الوحيده الهم،
بس عندي عمام، 4واحد يمنه بغداد، والبقيه بل حله،
وعماتي كذالك هم بل حله، مزوجات ولد عمهم،
عدنه كياعين وحلال خير من الله،
يعني املاك بابا كلها اليه ،بابا مسجل هواي بيوت وكياعين ابئسمي،
حالتنه الماديه كلش زينه،
جنت يوميه اتوسل ا ابويه يشتريلي سياره جان يعارض،
وبذاك الزمن مومثل هسه مع احتراماتي للبعض هواي هس يستنقدون المره اذا صعدت سياره، عكس قبل جان كلشي عادي ومحد يجي يجرئ يحجي شي موزين، الناس كلمن ابحاله،
يوميه اقنع اب بابا ميقبل يكلي اخاف عليج،
يعني لو عندك ولد شاب موراح تشتريله سياره،
الاب، بابا والله انتي ماتعرفين اتسوقين انوبه اتسويلج حادث واني شلون اخسرج يابنتي اني اوديج واجيبج، بسيارتي،
احلام، ،،،،عفته وطبيت للستقبال  جريت التلفون اتصلت علئ سمير
جاوبني اعرفه هيج وقت هوه بلبيت،
سمير،،،،،هلو حبيبتي شلونج ،
احلام، ،،،زينه، موصبح جنه سويه ،
سمير،،،،،،حبيبتي تعرفين كل لحضه اشتاقلج،
احلام، ،،،،،راح انغر تره حبيبي والله ضايجه اقنع اب بابا ميقبل يجيبلي السياره الي احبها،
وضجت ،مقبل
سمير،،،،من نزوج ارقه سياره اجيبلج، بعد شتردين،
احلام،،،،،حبيبي السياره الي احلم بيها بس بابا يكدر يجيبها اليه،
سمير،،،،،شنو نوع السياره حبيبتي،
احلام، ،،،،،مارسدس،
سمير،،،،،حبيبتي متغله عليج،والله،
احلام، ،،،،شكرا حبيبي
ضليت احجي ويا اشويه، ورجعت التلفون بمكانه، اخاف احد يتصل علئ بابا،

مرت الايام واني اروح وارجع من لشغل واشوف سمير،
رجعت اليوم من الدوام طبيت للبيت اتلكتني ماما
ام احلام، ،،،هلو،بنتي تعالي تغدي
احلام، ،،،هسه ماما بس ابدل لعد بابا وين شو ماكو،
ام احلام،،،،،،بنتي،ابوج راح ويه ولد صديقه جاي من الحله يمكن ع مود الكياعين ماعرف شنو، وراحو بدربهم العمج،
احلام، ،،،ها ماشي ماما، صعدت فوك بدلت ملابسي ونزلت، اتغدينه اني وماما بس وحجيت وياها،
اكلج. ماما حبيبتي اقنعي بابا وخلي يجيبلي سياره عفيه،
ام احلام، ،،،،بنتي ميقبل اني شسويله ،مشفتي شكال الج،رافض نهائي
احلام ،،،،،ماما والله ضجت تره اني اعرف اسوق بس اجازه رايدلي وهو بس لشغل اروح بيها،
ام احلام، ،،،،انشالله اقنعه الج ،حبيبتي،
احلام، ،،،شكرا ياحلئ ام بدنيه،
بعد فتره، من الزمن،
رحت اني وسمير لشغل وكالي،
سمير،،،،حبيبتي شنو رئيج نطلع نتغده اليوم بمطعم او نكعد ع ابو نؤاس الجو حلو اليوم ،
احلام، ،،،،اي والله محتاجه هيج جو خلي نروح بس اشلون دقيقه قبل ماطلع خلي نخابر علئ ماما واكلها، بس شكلها متعرف بعلاقتي بسمير،
دخلت اتصلت عليها مجاوب مرتين يله جاوبت،
ام احلام، ،،،الو منو،
احلام، ،،،هلو ماما اليوم اتئخر لا يضل بالج عليه، طالعه ويا صديقاتي شويه وارجع،
ام احلام،،،،،،ماشي ماما بس لا تخلين بالي عليج رجعي من وقت،
احلام، ،،،انشالله ماما يله اني رايحه،
سديته التلفون وطلعت اني وسمير رحنه ع ابونؤاس افترينه ،كعدنه اتغدينه، سمج، وضل يسولف ع اهله وشلون حياته عايشها
هوه عايش ع الراتب يعني امكانيته، محدوده، مو كلش عنده، امه ربه بيت وابو متوفي اخوانه 2مزوجين ،وعدهم اطفال خوات مزوجات، هم، بس هوه حاله من حالهم، اخوانه يدفع مصرف وعيشت البيت يكلوله انته مامزوج احنه جهال ومصاريف،
زين، هوه خطيه. يجمع حته يريد نزوج، وميقبل اني اساعده بشي، خطيه يكول اني ماحب اخد من اي واحد اني اعتمد علئ نفسي،
ماجادله اني ماطول احبه اصبر عليه ميهمني عنده فلوس او لا اني مامعتازه، راتبي وابويه خير من الله عنده ،
باوعت علئ الساعه ،3عزا سمير اتئخرت اهواي لازم ارجع هسه مامه يضل بالها عليه،
رجعت للبيت شفت امي وابويه كاعدين ،بل استقبال، سلمت عليهم، وكعدت يمهم،
الاب، ،،،ها بنتي شو اتئخرتي،
احلام ،،،،بابا حبيبي جنت ويا بنات صديقاتي، رحت نفتر وعزمني ع غده، زميلات بل شغل،
الاب، ،،،اي بابا بلغتني امج،
احلام، ،،،،اترخصت منهم وصعدت اغري ملابسي ورحت ارتاح نمت شويه ،
كعدت المغرب سمعت صوت جوه، نزلت ،شفت بيت عمي، سلمت، عليهم، وكعدنه، نسولف شويه وراحو عدهم، سياره، همه،
كعدت يم اهلي وجاي يتفرجون مسلسل عراقي،
ضليت وياهم واكرز حب ونضحك، ايام حلوه، جانت، صح بس اني وامي وابويه، بس مجان اكو هم وحزن الناس مرتاحه امان الدنيه،
كمت انعس وباجر ورايه دوام ،كلت خلي اروح انام
كمت ساعه 9بابا كال،
الاب، ،،،هاي وين بنتي،
احلام، ،،،بابا رايحه انام عندي شغل باجر،
الاب، ،،،،ماشي بابا روحي،
احلام، ،،،تصبحون علئ خير،
الاب والام،تلاكين الخير بنتي،
احلام، ،،صعدت فوك حته انام،ضليت الوب اريد احجي ويا سمير هيج وقت كاعد بس اشلون، ياربي، اهلي جوه،
رحت بفراشي ومحس اله الصبح،
كمت بدلت، لبست تنوره وقميص رتبت شعري ونزلت صبحت علئ بابا وماما ورحت للدوام شفت سمير صباح. الخير حبيبي،
سمير،،،،صباح العافيه فدوه رحت الهذا الصباح،
احلام، ،،،،،كافي كتلك راح انغر والله،
سمير،،،،،انتي الي تنغرين وغيرج لاء
احلام، ،،،،هههههه يله حبيبي خلي نخلص شغلنا ميفيد الحجي،
رحت كملت الشغل ورجعت للبيت، شفت امي مبتسمه، شكو ماما اليوم تباعين عليه وضحكين،
الام، ،،،،،ماكوشي بنتي روحي ابوج يريدج،

احلام، ،،طبيت علئ بابا سلمت عليه، وكتله ها بابا ردتني،
الاب، ،،،اي بنتي اريد اكلج ،شي ،
احلام،،،اي بابا كول،
الاب، ،،،،روحي جيبي هاي العلبه الي علئ الميز،
احلام،،،،،،،رحت شفت العلبه ونطيتها اله،
الاب، ،،،،،الا افتحيها،
احلام، ،،،،فتحت العلبه بيها سويج، مال سياره، وكتله، هاي شنو بابا
الاب، ،،،،هاي سيارتج مبروك بنتي، بس انتبهي زين، اني محبيت اكسر خاطرج وامج هم حاجتني فجبتها الج،
بنتي احذري زين،
احلام، ،،،،،شكد جنت احلم بسياره بس من شفتها بعيني مصدكت ركضت وحضنت بابا حبيبي شكرا عرفت مراح تخلي شي بنفسي،
الاب، ،،،،هههههه كافي بنتي بلخير عليج
احلام، ،،،،مامصدكه رجعت حضنته، احبك بابا احبك ياحلئ اب بدنيا.
الاب، هاي السويج هيج ،لعد لو شوفين السياره شسوين،
احلام، ،،،،وين خالها بابا. مشوقه اشوفها
الاب، ،،،اطلعي بره بل كراج الخارجي تلكيها،
احلام، ،،،،احنه بيتنه بي بيبان اثنين، اني دائمن اذخل من وره البيت الي يطل علئ الشارع الثاني،
رحت للكراج وشفت السياره مغطيها رفعت الغطه منها وشفتها جنن ياربي هيه هاي سيارتي ماصدك وسوده ايي 💃💃💃💃
رحت فتحته وكعدت بطنها بعدها. بجيسها جديده،
فرحانه كلش بييها،
ثاني يوم صعدت بيها بابا كالي لازم نروح نسويها ابسمج حته تاخذين اجازه سياقه،
رحت اني ويا وكملنا الجازه ورحت للدوام شافني سمير متعحب،
سمير،،،،،هاي شنو احلام ابوج جابلج سياره،
احلام،،،،،،،،اي حبيبي باركلي وكملها كلها والاجازه هم اخذتها هسه اكدر امشي بشارع بيها ،
سمير،،،بل عافيه حبيبتي تشوفين، كل الخير بيها،
احلام، ،،،،،طبييت للشركه، وكاعدين، اني وسمير كبالي كاعد ع مكتب مالته، واحد صافن علئ الاخ. الحد ماخلص الدوام،
ودعته وطلعت،
صعدت بسياره واني فرحانه وامشي بشارع كلها العالم اتباوع عليه برقتها، سياره حديثه موكل واحد يصعدها.
واني امشي وسارحه بخيالي بيها ماحس اله واحد كدامي انشال والطم بلكاع والعالم التمت عليه،
نزلت عسريع، شفت الولد شاب بعده ،غركان بدمه يمه عزا ماحس اله المرور واكفين فوك راسي اجتي سياره الاسعاف اخذت الولد واني اخذوني للمركز،

،،،،،،،،،،،،،،

يتبع، ،،،،
انتضروني بارت قادم راح يغير حياه احلام
راح اخلي النشر بين يوم ويوم بنات