فصلية مجنون

البارت الثالث

عريان يكول
     خلينه( ربع)
       مادامو العشاك.. #

#فصليه مجنون
#الكاتبه ام جنه

احلام ....عفته وطبيت للشركه  بس ابكلبي غصه حبي كله راح بغلطه مني
اوف اوف شريد اسوي قابل  هذا حضي ،
خلصت شغلي واباوع على سمير منزل عينه من يمي 
حرامات ضيعت حبي رجعت للبيت الوجوه مكلبه عليه  طبيت الغرفه بدلت وشفت الساعه وحده طبيت للمطبخ عسريع شفت مركبه عمتي تمن ومركه فاصوليه 
صبيت اليه والمحمد اكيد هسه جوعان ودوى هم لازم ينشرب بوقته 
جاي اصب بل اكل جان عمتي اطب
عمتي ......منوكلج اتمدين ايدج على الغده 
احلام ....عمه جاي اصب لمحمد 
عمتي.......محمد غديته وشربته علاجه 
احلام .....بس عمه ياعلاج شربتي اله  هوه علاجه الساعه ب٢ونص،،
عمتي ........شنو واني شربته ١٢
احلام.....اني شكتلج عمه موكتلج اني محمد مسئوليتي 
عمتي  ......اشوف٠ مهتمه بي كاضيتها شغل 
احلام ....ترخصت من يمها ورحت للغرفه كعدت بصفه مدنك راسه ويلعب ابصابعه  كتله  محمد شبيك متحجي وياي 
مجاوب
اني مامتقصده والله ائذيك،،،
اني جنت صح مامنتبها بس موبيدي مادري 
شو هذا عصب عليه وبيده كلاص مال مي من عصبيته كسره ضغط اني   فزيت  شنوهل عصبيه  هاي 
محمد اعصابك ياعيني انته لزكت روحي بي وضليت العب بشعره وبلحيته شبيك ممكن اتكلي زين انصير اني وياك اصدقاء ،
بس يباوع عليه تخبلت محجه وياي
مرت الايام واني طلعت من راسي سمير والتهيت بمحمد ائذوني بيت عمي  كلش خواته وامه مسمومات بس عمي زين  وياي ،
طلعت للكليدور خالين تلفون  اتصلت على اهلي
طلعت امي  بس سمعت صوتها كمت ابجي
الام  ،،،شبيج حبيبتي ليش هذا البجي يمه سمعيني صوتج منو مئذيج،
احلام .....يمه تعبانه محتاجه حضنج
تعبت لا هوه يحجي وياي كلمه ولا اهله خاليني بحالي موتتني عمتي حته ليل كله اشتغل بلبيت فيسبيل اروح الصبح للشغل 
الام اصبري يمه واتحملي بعد صرتي من ذاك البيت اكسبي رجلج موتكولين هوه هادءومو مخبل مثل مصورنه والله يابنتي انتي راح ترتاحين اذا تسمعين كلامي ومعليج بحجي عمتج هجامه ابيوت، يايمه،
احلام، ،،،انشالله يمه بس شنو اسوي اذا هوه ميحجي موكتلج،بس راح امشي بكلامج يله يمه سلميلي علئ بابا حروح عندي شغل،
سديته من امي ورحت غرفتي لكيته نايم وخال ايده علئ راسه،وكال
طفي الضوه راسي يئذيني،
اني ضليت صافنه معقوله حجه،
وياي،
محمد... شبيج صافنه ماتفهمين
احلام اي هسه صار
كمت طفيت الضوه وطلعت لكيت البيت هوسه اوووف شسوي، كمت نضفت المطبخ وكعدت احضر،غده طبت عليه اخته زهراء
زهراء،،،،،هوي امي تريدج ،تعالي،
احلام، ،،،،علئ فكره عندي اسم فهمتي،
زهراء ،،،،يله تعالي بساع
احلام، ،،،،عفتها ورحت حته اشوف عمتي، طبيت عليها،
ها عمه صحتيني،
عمتي، ،،،،اي تعالي بساع من شوكت دزيت عليج زهراء
احلام، ،،،،عمه جنت اسوي غده،
عمتي، ،،،،تعالي بيت اخويه راح يجون ماريدج تداومين هذا السبوع،
احلام، ،،،،واني شعليه بيهم شراح يضر دوامي علئ جيتهم ،
عمتي، ،،،،لعد منو راح يخدمهم
احلام،،،،مثلا شنو اني متعودين عليه مصالي شهر من اجيت تره،
عمتي، ،،لاتراددين متحترمين، اهلج مامعلميج علئ الحترام،ناقصه تربيه،
احلام، ،،،اني متربايه، واني مجاوزت عليج عمه، انتو ماعرف حاطين كوركم ويه كوري تره حته ابنكم مابي شي واني قبلت لئن حسيت بتئنيب الضمير
زهراء ،،،،ولج شومتحترمين امي،
احلام، ،،،،زهراء مناقصتج جاي احجي وشفت محمد وعمي فوك راسنه،
عمي، ،،،شكو هل عياط واصل لشارع،
احلام، ،،،،عمي والله مامسويه شي عمتي تكلي مامتربابه ،لئن كلتلها ماكدر اعوف الشغل تكول حيجي اخويه، زين اني ليش اعوف شغلي،
عمتي، ،،،،،،ابو رياض  جذابه كتلها يمه بس هذا السبوع راح يجون بيت اخويه، شو هاي استلمتني بل عياط وتكلي ماعوف الشغل، واخدم احد
عمي، ،،،،،اسكتي يمره وكافي فضحتونه،
احلام، ،،،اباوع علئ محمد حاط ايده علئ راسه وضل بس يعيط،
ركضت جبت الدوه من الغرفه مسكنات اريد انطي ميقبل انطي اله، ودفعني وكعت علئ الطبله ضهري تكسر،
اخ يمه والله الوجع موتني كمت ابجي صدك ياربي شسوي اني ماتحمل بعد صالي شهر شبعت ضيم،
عمي كومني وكال محد يحجي، بعد
كمت رحت الغرفتي ونمت علئ الجربابه، الوجع زاد الضربه جانت قويه كلش،
متحملتها والطبله كزاز همزين منكسرت بضهري،
شويه ونفتح الباب اريد اكوم ماكدر، طب محمد بس هادء ياربي شنو،هذا ماكو هيج شي،
ساعه عصاب وساعه ميحجي،
بس من يتعصب ميريد احد ويصير موبوعيه. يعني دفعته اليه اليوم جان صار بيه شلل من قوه الدفعه، الله ستر علئ ضهري موراسي جان تخبلت مثله،
ضليت اباوع عليه وهوه نايم. مغافي مبين بس سادعينه،
شو اني هم غفيت، كعدت المغرب بلا غده اني، ماكدر اكوم من الوجع،
كلت اكوم كوه عليه اسوي عشئ اليه وال محمد عنده علاج،
خليت اديه علئ ضهري وكمت طلعت. شفت حمايه واكف يحجي ويا سما،
كالت. ها عيني شلون صرتي والله. من اجيت من اهلي كالي رياض وهسه شلون صرتي،
الحمدلله زينه حبيبتي،
سما، ،،،ليش كمتي،لعد جان ارتاحيتي،
احلام، ،،،لا اريد اسوي عشئ لمحمد واني هم مامتغديه،
سما، ،،،حبيبتي سويت عشئ
احلام، ،،،،،زين لعد خلي اصب لمحمد،
سما تعالي اصبلج وديله
احلام، ،،رحت للمطبخ كوه امشي شفت عمتي، كاعده
وزهراء تشسور بشعرها واكفه بغرفه امها،
والله هل بينه مصيبه.
طلعت رحت للمطبخ. صبتلي سما وكعدت تسولف وياي،
سما، ،،،والله ياعيني اني هم قبلج اتبهذلت بلبيت وجانت زهراءبعدها صغيره
وعمتي متنجرع، يعني لا عبالج انتي سبب اب ابنهم.
احلام، ،،،،والله اني مامتعوده علئ هيج شي
سما، ،،،راح اكلج شي واخذيها من اختج الجبيره،
احلام، ،،،،انشالله اختي والله ماعندي اني وحيده الاهلي، ،واهلي مدلليني هس اجيت اهنا شفت فرق، وين جنت وين صرت جنت اجي من الجامعه الكه الغده حاضر اتغده وانام ملابسي نضيفات ماعرف شوكت تنغسل
سما، ،،،،،حبيبتي، انتي بعد ازوجتي وتغيرت حياتج،
ومحمد كتلج كلبه طيب خوبن اني من ازوجت كله يصيحلي خيتي، مئدب بشكل، بس اتحملي ضربه قويه عليه، وتدرين، وين جان رايح، هوه، راح تتعجبين،
احلام ،،،،وين،
سما،،،،،،رايح يشوف حبيبته مريضه وخابرته علساس زواجهم، بعد متخلص جامعه،
احلام،،،،،،لعد ليش مخطبوها ليش اني جان احنه بس انطيناهم افلوس علاجه،
سما، ،،،،خلي اكملج، مو من سمعو انضرب وتخبل ع حجي الدكتور، اهلها مقبلو يزوجوها،
يكولون مخبل وهيه هم دزت خبر كالت ماخذ مخبل،
احلام، ،،،،،صار ابالي سمير يعني لو سمير هيج صارير بي، اني اتركه لا والله ابد بس هاي متحبه لو تحبه جان قبلت بي، احجي بكلبي،
سما، ،،،والي اطلبه منج ياعيني، تخلي زوجج يصير رسمي انتي بعد زوجته ومحد بعد يكدر يغير شي، قنعي اتقربي منه حسسي،انتي تهتميله لبسي شي خفيف خلي هوه يرغبلج ،
احلام، ،،،،،سما يعني شلون اذا هوه عقل ماعنده راح اصير زوجته شلون،
سما، ،،،حبيبتي مومخبل افهمي هوه عنده حاله نفسيه اول شي من وره حبيبته وضربه براسه حس نفسه خسر كلشي الي اطلبه منج واني مالي الحق ادخل بيكم، بس هذا احسن حل بلكت الله يتغير
احلام، ،،،اني مو متعبني محمد بل عكس بس اهله وخواته هاي زهراءورنا باله ميسون مشايفتها،
سما، ،،ميسون رجالها ميخليها تدخل اب احد
احلام،،،،،،تدرين الهوسه ليش صارت،
سما، ،،،مفتهمت ليش،
احلام،،،،،غير عمتي تكولي لادومين، وراح يجي اخويه
كتلها شعليه اني بشغلي شدخله، تكلي غير تخدمين،
سما، ،،،،،والله مثلج واكثر اني صاربيه واكول الخاطر رياض خطيه ،
احلام، ،،،انشالله اسوي مثل ماكلتي، وذكرت حجي امي، كلت خلي امشي بحجيهم شسوي قابل، اني
الله كريم، اخذت الصينه ورحت للغرفه لكيته كاعد

كعدت بصفه وخليت الصينه علئ الجربايه ،وكتله،
محمد تاكل انته لو اني اوكلك، تريد
رفع راسه عليه، محجه جر الخاشوكه وكعد ياكل شويه ودفع الصينه،
جبتله مي بل كلاص وجبت الدوه حته يشربه،
اخذه مني وشربه، اخذت الصينيه. وطلعت حته اغسلهم. ،

بعد مرور اسبوع اني مشيت بحجي سما، وكنت البس خفيف ومن اريد انام اخلي عطر واخلي مكياج وانام بصفه وهوه يباوع عليه، بس شنو ميحجي كلمه ومبدر منه شي واني احجي بكلبي اكول هاي،كله ماكو فايده يمكن مايكدر يتقرب المره او صدك عقله فقده ميعرف هيج شي او هوه ميريد اني بس مستسلمت ضليت يوميه هيج ،الحد يوم الي اجوي بي بيت خالهم،

يتبع، ،،،،،،،

بنات اسفه علئ التئخير والله شويه تعبانه مكدرت اكتب اكثر
انشالله ماقصر وياكم،
اتمنه تعجبكم، وراح تشوفون حياه احلام شلون راح تتغير ،
تحياتي الكم،
😍😍😍🥰