Setting Fire on Roses (CNS#1)

Chapter 23

Chapter 23

Decision

Labag sa kalooban akong pumasok sa kotse ni Lycus. Wala naman na din akong magagawa. Naghintay ako ng halos kalahating oras na siguro pero hanggang ngayon ay wala pa ding Demeter na dumating kaya pumayag nalang ako sa gusto ni Lycus.

Tahimik ang naging byahe naming dalawa. Kinakabahan ako na hindi ko maintindihan. Medyo malayo pa man din ang pinang-galingan namin pabalik sa hotel kaya naman ang tagal ng byahe naming dalawa.

Talagang yare saakin si Demeter mamaya pag-uwi ko. Paano ba naman kasi, hindi ko maintindihan kung iniwan ba niya ako or sadyang ako ang nawala. Kung ganoon, sana manlang ay hinanap niya ako.

Naituro ko na kay Lycus ang daan patungong hotel namin kaya naman diretso nalang siya habang nagmamameho. Tahimik lang ako at wala akong balak na kausapin siya, lalo na at matapos no'ng mga sinabi ko sakanya kanina.

Mabuti ay hindi nagtagal, nakadating na din kami sa parking lot. Akmang bababa na sana ako nang makita kong bumaba din si Lycus kaya naman sandali akong natigilan.

"Don't tell me, hanggang sa loob ay ihahatid mo ako?" pangunguna ko sakanya sabay taas ng isang kilay dito.

He nodded softly. "Just to make sure you're safe." sabi nito habang nakatingin ng diretso sa mga mata ko.

Tumikhim ako ng mahina at umiwas ng tingin sakanya. "Ayos lang nga ako, hindi naman na ako mawawala d'yan." sabi ko sabay irap sakanya.

But he only smiled kaya naman mas lalo akong nainis sakanya. "Go on, ihahatid na kita." sabi nito sabay senyas saakin na bumaba na ng sasakyan.

Aangal pa sana ako pero ayoko na din namang patagalin ang usapan. Hindi na ako muling lumingon sakanya at bumaba na lamang sa sasakyan at naglakad patungong lobby, habang siya ay nakasunod saakin.

Muli ko siyang nilingon para pigilan ulit nang nasa elevator na kami. "Dito ka nalang, huwag ka ng papasok sa loob." sabi ko pa sakanya.

Hindi siya sumagot at nanatili ang tingin sa harapan. Ewan ko din ba sa sarili ko. Ayokong papasukin siya sa hotel kung saan ako nandoon, at hindi ko din alam kung bakit, basta ay ayoko lang.

Iritang lumabas kaming sabay sa elevator na iyon. Naiinis talaga ako sakanya sa sobrang daming dahilan. Una, ang kapal niyang ihatid ako hanggang sa mismong hotel ko talaga. Kahit na tinulungan niya ako kanina ay naiinis pa din ako.

Itinapat ko na ang card sa pinto at saktong bumukas naman iyon. Nagtataka nga ako kung bakit madilim at doon ko lang natantong wala pa pala dito si Demeter, kung ganoon ay nasaan siya?

"Mag-isa ka din dito?" tanong ng nasa likod kong si Lycus na sumunod pa talaga saakin papasok sa loob.

Hindi ko siya nilingon pero patago ko lang siyang inirapan. Binuksan ko ang switch at doon tumambad ang malawak sa silid. Agad naman akong tumakbo sa parteng kama dahil may naiwan pala akong bra do'n!

Narinig ko siyang mahinang humalakhak pero hindi ko nalang iyon pinansin at tinago nalang sa ilalim ng kama ang bra ko. Pagkatapos ay muli ko siyang nilingon na parang wala lang.

"Okay na. Na-hatid mo na ako, makaka-alis ka na." pagtataboy ko sakanya.

Napawi bigla ang ngiti niya at napalitan iyon ng seryosong mukha dahilan para medyo kabahan ako do'n. What's with that expression? Bakit parang galit nanaman siya saakin?

Agad siyang umiling. "Nope, sasamahan kita dito." walang pag-aalinlangang sinabi niya iyon.

Napatawa na lamang ako ng malakas, halos humawak pa ako sa aking tiyan sa sobrang tawa ko sakanya. Ang kapal naman ng mukha niya para sabihin iyon. Wala ba talaga siyang hiya? Parang wala lang sakanya ang mga lumalabas sa bibig niya.