أوتار الكمان

البارت الثامن و الخمسون

البارت الثامن و الخمسون

وتين " نطقت بها توليب و هي تربت على كتفها لتقول الأخرى بإنتباه " :- هاه أيوة

توليب بإبتسامة ناعمة :- مالك يا حبيبتي واقفة بعيد كده ليه

تنهدت و هي تنظر للسماء بشرود لتقول بتردد :- بفكر شوية

توليب بمرح :- ينفع أسألك بتفكري في إيه ولا هتقولي عليا حشارية

وتين بنبرة قاتمة :- لأ أبداً بس إللي بفكر فيه و حساه ماحدش هيقدر يفهمه ولا يقدره كله بيبص من بعيد و بيحلل بمنطق كإن شعوري مسائل علمية محتاجه للمنطق بتاعهم

توليب بإهتمام زائد :- إيه الكلام الكبير دا و بعدين مين قالك إن ماحدش بيقدر مواقف غيره مش كل الناس تفكيرها نمطي و جامد " لتكمل بصدق من واقع تجربتها " في ناس بتحط نفسها في موقف غيرها عشان تحطله مبرر

وتين بحزن :- كان جوزي إللي أقرب ليا من أي حد على الأقل فهمني " لتكمل و قد رأت علامات التعجب تطل من عينين الأخرى لتبدأ تسرد لتوليب ما حدث معها في الماضي و كرهها لوالدها و ضغط أدهم عليها خلال الفترة الماضية لتغفر لوالدها و كونه لا يقدر ما مرت به "

نظرت لها توليب بتأثر لتبتسم بلطف و هي تقول بنبرة حانية :- بس أدهم معاه حق يا وتين

إحتقن وجهها لتقول بإنفعال و الدموع تسيل على وجينتيها :- لأ طبعا ليه أغفر لواحد كان السبب في موت أمي و ضربي و أنا عيلة دا خلاني يتيمة الأب و هو عايش يا توليب رماني في الشوارع كإني مش من لحمه و دمه و بعد دا كله عايزني أسامحه ليه

توليب و هي تمسح دمعة عالقة بعينها لتقول بتفهم :- عشان أبوكي يا وتين عشان مهما عمل لسه و هيفضل أبوكي .. وتين أدهم ما بيضغطش عليكي بس أدهم ما بيحبش الظلم مش هيحكم على أب يتحرم من بنته و يتحرق عليها لأ هيداوي جراحك و هيرجعك لحضن أبوكي أفهميني يا حبيبتي يمكن أنا و أدهم علاقتنا ببعض حامية حبتين بس أنا عارفاه كويس هو عمره ما هيظلمك بس برضو مش هيظلم غيرك دا طبعه و من قبل ما يقابلك كمان فمتظلميهوش هو كل إللي بيعمله إنه بيحاول يحسن علاقتك بوالدك

وتين بدموع :- طب و إللي عمله فيا و في أمي أسامحه عليه إزاي

توليب بلطف :- قبل ما تسامحيه إزاي لازم تعرفي هتسامحيه ليه ؟!

وتين بإنتباه :- يعني إيه مش فاهمة

توليب بإبتسامة هادئة :- أنا هاقولك و أوضحلك أول حاجة هتسامحيه ليه و دي عشان ربنا قال في كتابه العزيز " وَوَصَّيْنَا الْإِنسَانَ بِوَالِدَيْهِ إِحْسَانًا ۖ  " ربنا وصانا بيهم حتى لو غلطوا في حياتنا حتى لو صعبوا الدنيا علينا تخيلي إنه حتى أمرنا إننا نفضل معاهم و نطيعهم في كل حاجة ماعدا الشرك بالله  " وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ  "