الاخوات السته جزء الثاني

البارت الخامس

الاخوت السته الجزه الثاني
مساءالخير

جنه..
حلوين كلش حلوين بس الوكت خرب ملامحنه..

ملك
ثكلان
حتى النفس مو جدمي بس ثكلان
وتعبان مو من حمل من الوكت تعبان
بعيوني لمعة دمع
ومنين ما التفت الكه العمر ذبلان
والحيرة ما تنوصف
لا جرحي طاب وتفظ ولا ميت وخلصان
وعزاز يا ما مشو واحد مشه بضحكته
واحد مشه وزعلان انه شكلت ونكره....

بقيت صافنه ومصدومه من رد ريما ابد ما توقعتها هيج. شلون تحجي هيج ياربي مادري شصاير وياها هاي ابد مو اختي ريما
رحت حاجيت عمه وكتلها علئ ريما ولي حجته
وكتلها اتحاول تحجي ويه ريما. حتئ تفهم شصاير وياها ما صاير وهم ما حجت ويه عمه وماكو فايده فضلت السكوت. ما قبلت تحجي وشكد حاولنه وياها
ضجت حيل من عليها حيل ضجت كعدت وبجيت
الدنيا دوم مبجيتنه ودنيا تمشي ويانا بالمكلوب تعبت حيل من هاي دنيا حيل تعبتنه شضامتنه بعد يا دنيا

صعدت لضرغام بكلي يحجي ويه ريما ويفهم ليش تعاملها ويانا هيج وليش هيج تحجي ويانا ريما ما تحقد علئ احد اله مصيبه جبيره وراها
صعدتله وياي فاكهة ومنبهني من اصعدله لازم كمامه وكفوف لبست بس كمامه
صعدتله ولكيته ماكو بصاله دايماً اصعدله اخليلها بصاله. صعدت وخليت الاكل علئ ميز يم القنفه

ما احس اله بصوت عالي من وراي
ضرغام:اني شكتلج ملك كم مره منبهج ما اصعديلي انتي شنو من بشر ما تفتهمين صرخ بوجهي ورزلاني ونزلني ما خلاني افتح حلكي بكلمه.
اعترف هو خايف عليه بس مو لهل درجه.
نزلت من الدرج اركض وذبيت نفسي علئ الجربايه وبقت بس دموع تنزل ماعرف شسوي ليش هيج وياي من جهه ريما نوب انته بطني لوتني حيللل موتنني وجعتني وجع قوي ماعرف ابجي من وجع بطني لو وجع كلبي.

ابني شافني وسلني وركض عل عمه
واجتني عمه
ها يمه شبيج
بطني عمه موتتني من وجع
يايمه اخاف الشهريه اجتج
لا عمه ماعرف اذكرت صارلي هواي ما جايتني بس اخاف اجتني بس جان وجع مو طبيعي مو مال شهريه
راحت عمه شويه ورجعت
وخابر ضرغام....
وشلت التلفيون خليته يم اذاني
ضرغام:... بطنج توجعج لو لان اني رزلتج....
ملك: لا والله بطني توجعني مو لان رزلتني....
كال كومي حضري نفسج.
اخابر عل صديقتي وياخذج انتي وامي

ملك.. ماروح وين اخلي جهال احجي وياها واني اتلوه من الوجع
ضرغام... تجي يمهم ريم عود
سكتت مارديت علي بس ابجي جنت حيل مخنوكه

بنيتي حبيبتي كم مره كتلج لا صعديلي اخاف عليج وعلئ امي والجهال هذه المرض مو لعبه باله لا سامح الله وصار بيج تكدرين اتحجرين نفسج اني رجال واكدر احجر نفسي وامي مره جبيره تعرفين شنو جبيره اخاف عليها لا ايصير بيها شي انتي عندج عقل كافي تبجين مسحي خشمج
ملك:بقيت اضحك
ضرغام:ياله كومي حضري نفسج....

ملك:ما رحت وبقه وجع بطني مستمر لثاني يوم واخذتني عمه بسياره صديق ضرغام
وصلنه لدكتوره وسويت تحليل
وانتضرنه يطلع
جان ادكول الدكتوره ماما انتي حامل وصارلج ثلاث اشهر
اذكرت اني الحبوب تاركته من اتمرضت روئ لحد الان تاركه الحبوب.
كتله والله ماعرف الشهريه صارله هوواي ما جايتني