رواية فداء الوطن [ مكتملة ]

فصل 7: الإجتماع اللعين

وهوما وسط حديثهم حتى كيسمعو صوت الدقان في الباب.. عطا عامر الإذن بالدخول.. في حين دورت نور وجهها باش تشوف شكون وهنااا كانت صدمتها القوية كيفاش؟؟!.. ولكن أسد وعلي أشنو كيديرو هنا وأشنو علاقتهم بهادشي كامل.. وأكيد حتى أسد وعلي لايقلو عنها صدمة
وهوما واقفين حالين فامهم وكيشوفو فيها بتعجب.. كيفاش نور كاينة هنا؟.. بينما عامر والبقية كانو مبردين حيث عارفين كلشي.. قال عامر ببرود:
- تفضل اسي أسد..
شاف فيه أسد بنظرات قاتلة وقال:
- اشنو هادشي اللي واقع هنا..؟
جابو عامر وقال بصرامة:
- قلت ليك گلس.. وأنا غادي نفهمك كلشي..

شاف أسد حتى يعيا وگلس وهو معصب من الوضع أما واحد علي حس بالفرحة اللي كادير جناوح حيث وأخيرا شاف الجميلة ديالو اللي مخلا فين بحث عليها.. بعد ماعرف أنها ختافات.. هاهي قدامو دبا وفي نفس المائدة.. شاف فيهم عامر ببرود وقال:
- مزيان.. كنتمنى تساعفوني على الجمعة المفاجئة اللي درتلكيم..
حول نضرو اللي جيهة أسد اللي كان كيرمقو بنضرات غضب وكمل:
- أسد نعرفك على نور الهلالي العضوة الجديدة في المقر ديالنا..
ثم قلب عينيه جيهة نور اللي كانت حالة فمها من الصدمة ثم قال:
- نور هادو الأخوين أسد وعلي الحسني.. أسد عميل سري وعلي شرطي في مكافحة المخدرات.. كنضن هادشي كافي.. إلى كنتو باغين تخدمو نساو المشاكيل..

أصلا هدرتو كانت بحلا كيعاود لحيوط.. تنهد بملل وهو كيراقبهم كيفاش ساكتين وممتقبلينش بعضياتهم.. أما هوما كل واحد ساهي وكاتم
غضبو وقاطع تفكيرهم خبطة قوية على المائدة اهتزو على إثرها وركزو نضرهم على عامر اللي هو صاحب هاد الصوت القوي.. شاف عامر في
نور وعينيه خارجين فيها وقال وهو ضاغط على سنانو:
- آنسة نور!!؟ عندك شي اعتراض أن أسد وعلي يكونو معانا في الفريق..

خرجت فيه عينيها بالخوف.. أول مرة غادي تشوفو بهاد الحالة.. مالو على حالتو واخا يكونو معرت أشنو دارو.. شافت في أريانا اللي حركت
ليها راسها زعما هضري.. بسرعة دورت وجهها جيهتو وقالت بثوثر:
- لا اسي عامر..
ابتسم جنب ودور وجههو جيهة أسد وعلي وقال:
- أسد وعلي عندكم شي اعتراض..
بسرعة قال علي بابتسامة طفييفة:
- لاا اسي عامر..

أما واحد أسد مكرهش ينوض يقلب عليهم هاد الطابلة.. ويقول ليهم مبقيتش باغي هاد الخدمة ديال الزمر.. حلف كان غادي يديرها كون
مكانش الإنتقام محفور ليه في عقلو ومواعد بيه راسو إذن خاصو يصبر ويوكل أمرو لله.. قال بصوت غاضب وضاغط على سنانو وفيه نبرة
من الإستهزاء:
- لاااا..

زاد وسع عامر ابتسامتو مني وافق واخا كان عارفو مباغيش ولكن معندو ميدير ليه.. هذا هو القانون.. ثم استاقم في الجلسة وقال بصوت مرتافع:
- مستاعدين غادي نبداو الإجتماع..؟

الكل حرك راسو باه كأنهم كانو باغين غير إيمتا يبدا ويهنيهم من تفاهتو وقرارتو السخيفة.. على إثرها ناض عامر توجه للشاشة اللي كانت أمامهم بشكل واضح.. ظهرت على الشاشة صورة لشخص في بدايات الستينات لكن من شوفاتو باين ماكر.. حتى واحد معرف المغزى من هاد الشخص وشكون هو وهادشي لاحضو عامر فقال بقلة حيلة:
- هذا شاهين..!!