احبَبتُكِ ❤️ بقلم/لوكى مصطفى

البارت 15

البارت 15

احتضنها مراد و قبل رأسها اما بيجاد فصافحها بفتور استغربته و قبل أن يسحب يده جذبته منها..

داليا بتعجب وهي تعقد حاجبيها: بيجاد انت زعلان منى

بيجاد بأبتسامة: لا يا حبيبتى ليه بتقولى كدة

داليا: بتتعامل معايا كأنى غريبة مش اختك

رأفت بأنفعال غير مبرر اطلاقا: ايه الكلام ده يا داليا انتى طبعا اخته

ايتن بأنفعال وهي تدلف: لا مش اخته "ثم التفت لداليا و بأعينها نظرت حسم و غيرة" داليا انا عايزة اقولك على حاجة مهمة لازم تعرفيها

بيجاد بأبتسامة وهو يقترب منها بسرعة و يضغط على معصمها: فى ايه يا ايتن يا حبيبتى ، مش انتى عايزة تقولى لداليا اننا هنتجوز صح

داليا بتعجب: تتجوزوا!!!!!!!!!

رأفت بغضب شديد : تتجوز دى؟ دي واحدة قليلة الادب و لسانها أطول منها

داليا بإحراج : بابا عيب كدة

ايتن وهي تنظر له بجرأة كبيرة و عدم اهتمام: كلنا عارفين مين اللى قليل الادب كويس يا رأفت بيه

رأفت بحدة وهو يرفع يده كى يصفعها : انتى فعلا مش متربية

بيجاد بحدة وهو يمسك يده و يخبئ ايتن خلفه: لا يا بابا مش هتمد ايدك عليها

رأفت بصدمة: انت اتجننت يا ولد

سمر وهي تقترب منهم بسرعة: فى ايه يا جماعة اهدوا متنسوش ان داليا تعبانة لسة ، تعالى يا ايتن

جذبتها سمر من ملابسها و اجلستها بجانب داليا ثم ذهبت إلى بيجاد الذى ينظر إلى والده بحدة و غضب و جذبته هو الاخر من ملابسه و اخرجته..

سمر بهدوء: مراد ممكن تطلعله

اومأ لها مراد و خرج بالفعل ، نظر رأفت لهم بجنون ثم اطلق سباب لاذع و غادر بغضب شديد...

داليا بهدوء وهى تمسك يدها: متزعليش هو بابا عصبى كدة على طول و مبيفكرش فى الكلام اللى بيقوله

ايتن ببرود وهي تسحب يدها بقوة آلمت داليا: ميهمنيش اساسا ، انا جبتلك الورق و ماشية عشان ورايا عيانين غيرك

داليا بتعجب وهي تفرك يدها بألم: طيب روحى

ايتن بغضب طفولى : انا مبستأذنكيش انا بقولك بس

خرجت بسرعة فأنفجرت داليا ضاحكة و شاركها سمر و زين الضحك..

داليا بأنفاس متقطعة: البنت دى مجنونة بجد

سمر بضحك وهي تجلس: هتربيكى من اول و جديد

زين: لا بس شكلها بتحبك ، ساعت العملية هى مكانتش طبيعية ابداً كان كل الممرضات و الدكاترة زعلانين بس هي كانت مدمرة