The Chairwoman's Lover [Under Revision]

Chapter 1: BLOOD, SWEAT and TEARS

"MISS Davis, hindi po talaga kayo p'wedeng pu—"

Isang matalim na tingin ang ipinukol ni Autumn sa mga personal bodyguards ng kaniyang ama na si Benedict. Iyon ay dahil sa mariin na pagharang ng mga ito sa kaniya para makapasok sa opisina ng ama.

"You'll let me in or I'll make a scene here?" May halong pagbabanta na ang kaniyang tono ngunit tila hindi man lang natinag ang mga lalaki. Isang bagay na mas lalong nagpaigting ng kaniyang inis.

"Pasensya na po ma'am. Mahigpit na bilin ni Mr. Davis na—"

"Let her through," ani isang malalim na boses hindi kalayuan. Sabay-sabay silang napalingon sa direksyon nito at mula roo'y tumambad sa kanila si Elliot. Nakapamulsa ito habang naglalakad papalapit sa kanila.

Parang mga asong sumunod ang mga bodyguards na animo'y mas takot pa ang mga ito sa binata kaysa sa kaniya — siya na anak mismo ng kanilang amo. Mas dumoble ang pagkulo ng kaniyang dugo nang bahagyang yumuko ang mga ito kay Elliot.

"I have an appointment with Mr. Davis today," muli nitong turan. "Can you leave us for a while?"

Sabay-sabay munang napatingin ang mga lalaki sa isa't isa na para bang ipinahihiwatig na wala nang magagawa ang mga ito. Nakita niyang sumenyas ang pinaka-head ng mga ito bago sila tuluyang iniwan doon.

"Once I'm the CEO of this company, the first thing I'm going to do is to fire all of those dogs!"

"Whoa there, sweetheart. Aren't you being a bit harsh on them?" natatawang komento sa kaniya ni Elliot.

She rolled her eyes in annoyance. Kung may isang bagay man ang lubos niyang ikinaiinis, iyon ay tumanggap ng tulong sa iba. Lalo na sa isang Elliot Carson — ang nag-iisang anak ng mga Carson na kilala pagdating sa larangan ng abogasya, pati na rin sa negosyo. Ang totoo'y isa ang mga ito sa karibal nila sa merkado, subalit sa hindi maipaliwanag na dahilan ay napag-alaman niyang palihim na nakikipagkita ang ama niya sa mga ito.

For whatever reason it may be, she has no idea. Although one thing's certain — something is definitely off.

"What on earth are you even doing here?" kunot-noo niyang tanong dito. Nagawa pa nga niyang ipag-krus ang kaniyang dalawang kamay habang marahang pumapadyak-padyak ang isang paa sa marmol na sahig.

Bahagya itong natawa sa kaniya. "Wow. Wala man lang thank you? That stings." Nagawa pa nitong hawakan ang sariling dibdib na animo'y totoong nagdamdam sa malamig niyang pakitungo rito.

"Oh please, Elliot. For someone who's labeled busy? You sure got nothing but time, huh." Hindi na niya ito pinansin pa. Ang sakyan ang mga biro nito'y pag-aaksaya lamang ng lakas at panahon para sa kaniya.

"Well, yes. I am busy…"

"Then mind your own thing and get out of my sight!" She was about to open the doors to her father's office when he grabbed her by the hand which took her off-guard.

"...but for you, I can always make time." Sumilad ang pilyong ngiti sa katamtamang kapal na labi nito habang siya'y nakakunot lamang ang noo.

Hindi siya kaagad nakasagot. If only she could punch him in the face or hit him down there, she wouldn't hesitate. Ang kaso'y nasa harapan sila ng mismong opisina ng kaniyang ama at natitiyak niyang hindi nito magugustuhan ang binabalak niyang gawin.