Unicode
ဘယ်လောက်ပဲသူတို့ဘုရင်ကြီးရဲ့ စွမ်းအားကိုသိထားတယ်ဆိုပေမယ့် မူရွှမ်ရဲ့အစွမ်းကိုမျက်စိနဲ့တပ်အပ်မြင်လိုက်ရတော့ အကြီးအကဲတွေတောင်မလန့်ပဲမနေနိုင်ဘူး။
ချက်ချင်းပဲ ဂုဏ်ယူမှု ဝံ့ကြွားမှုတွေနဲ့ရောပြွမ်းနေတဲ့မျက်နှာထားတွေနဲ့အတူ လူအုပ်လိုက်ကြီးက သူတို့ရဲ့ဘုရင်ကြီးနောက်ကနေ နန်းတော်ထဲကိုလိုက်ဝင်လာခဲ့ကြတယ်
ယောင်စစ်လည်းအတူလိုက်ဝင်ရင်းကနေ အရှိန်လျော့လိုက်ပြီး ယောင်ချမ့်ကိုလှမ်းပုတ်ရင်းမေးလိုက်တယ် "ငါ...ငါ့မျက်လုံးတွေမှားနေတာလား...မူရွှမ်ကတကယ်ကြီး အဲ့ဂြိုဟ်ကြီးကိုတစ်ချက်ထဲနဲ့ ထက်ပိုင်းခွဲပစ်လိုက်တာလား"
"ဟုတ်ပါတယ် သခင်မလေး" ယောင်ချမ့်ကြည့်ရတာ ဘာမှအထူးအဆန်းမဟုတ်သလိုပဲ။ ထပ်တောင်ဖြည့်ပြောလိုက်သေး "စိတ်မပူပါနဲ့...မိုးကြိုးသစ်တောအရှင်က တော်တော်အသက်ပြင်းပါတယ်။ ဒီလိုဂြိုဟ်ကြီးနှစ်ပိုင်းကွဲသွားရင်တောင် အမြစ်တွေကမသေနိုင်ပါဘူး"
'ငါမေးတဲ့ထဲ အဲ့တာမပါဘူးလေကွာ..နင်တို့မေတ္တာတရားကြီးကြမှန်းငါသိပါတယ်'
"မူရွှမ်က တကယ်ကြီး စတုတ္ထမျိုးဆက်လား" လက်လေးတစ်ချက်ဝှေ့လိုက်တာနဲ့ ဒီလိုဂြိုဟ်ကြီးတစ်ခုလုံးကို ထက်ပိုင်းခွဲပစ်နိုင်တာက ပထမမျိုးဆက် ဒုတိယမျိုးဆက်တွေတောင်လုပ်နိုင်မယ်မထင်ဘူး။ သူမအိပ်မပျော်သွားခင်တုန်းက အချင်းချင်းကိုက်နေကြတဲ့ ဒုတိယမျိုးဆက်တွေဆို အလွန်ဆုံးလုပ်နိုင်လှ သူမ ပြုတ်ကျခဲ့တဲ့ပက်ကြားအက်လေးလောက်ကို ခွဲနိုင်ရုံလောက်ပေါ့
"ဟုတ်တယ်လေ"
"....." ဘာလဲဟ အဲ့တာဆို စတုတ္ထမျိုးဆက်သွေးစုပ်ဖုတ်ကောင်တွေကပဲ ဝုန်းဆိုထစွမ်းကုန်တာလား။ ကြည့်ရတာ သွေးစုပ်ဖုတ်ကောင်တွေအကြောင်း သူမဘာမှမသိသေးဘူးပဲ။
"ဒါပေမယ့်...." ယောင်ချမ့်ကြည့်ရတာ တစ်ခုခုကိုသတိရသွားတဲ့ပုံပဲ "ကျွန်တော်တို့ဘုရင်ကြီးက နည်းနည်းတော့ထူးခြားတယ်"
"ထူးခြားတယ်?" ဘယ်လိုမျိုးလဲ
"ဘုရင်ကြီးက ကျွန်တော်တို့မျိုးနွယ်ထဲမှာ တစ်ဦးထဲသော မူလဘိုးဘေးသွေး နိုးထနိုင်တဲ့သူပဲ။ အဲ့တော့ပြောရမယ်ဆိုရင် သူ့အစွမ်းအရ စတုတ္ထမျိုးဆက်လို့တော့ပြောလို့မရဘူး"
YOU ARE READING
ငါ့ဖေဖေကစကြဝဠာတစ်ခုလုံးရဲ့မင်းသားချောလေးပဲ ( မြန်မာဘာသာပြန် )
Humorကျပ်မပြည့်တဲ့အဖေနဲ့ ကျပ်မပြည့်တဲ့သမီးနဲ့ပေါင်းပြီး တူတူကျပ်မပြည့်ကြတဲ့ဇာတ်လမ်းလေးပါ :3 က်ပ္မျပည့္တဲ့အေဖနဲ႔ က်ပ္မျပည့္တဲ့သမီးနဲ႔ေပါင္းၿပီး တူတူက်ပ္မျပည့္ၾကတဲ့ဇာတ္လမ္းေလးပါ :3 please don't reupload my works :') Myanmar translated by Jue🌸
