طيب .....قبل يومين كدا وتحديداً يوم 9 ديسمبر ....
توفي شخص (( ندعيلوا بالرحمة )) ....ليه الفضل كلو فاللي انا وصلالوا دلوقتي ....
الدكتور الكاتب العظيم :
نبيل فاروق
كاتب العديد من سلاسل الروايات والقصص والكتب العلمية .....
ومنها سلسلة (( رجل المستحيل ))
________
انا مكنتش بقرأ كتير ....زيي زي اي انسان ملوش شغف للقراءة ....اللغة العربية الفصحى عندي كانت جيدة وأعرف مفردات من حصة العربي في المدرسة .... بس مش معقدة اوي .
وانا في الإمارات .....فيوم كنت قاعدة .....وعم ماما كان عندوا مكتبة فمصر ....فبعتلنا من مصر روايات وقصص كتير منها القديم ومنها الجديد ....
شوفت الروايات وشوفت أساميهم ....ولقيت روايات كتير من نفس السلسلة اسمها سلسلة ( رجل المستحيل )...
كان عمري 11 سنة ساعتها ....
قولت لأ دي اكيد بتاعت الاولاد عشان اسم السلسلة رجل المستحيل ....فقولت لماما إديهم لولاد عمي ...
وفعلا راحوا لولاد عمي وفضلوا مركونين هناك محدش قرأهم لإنهم بردوا معندهمش شغف للقراءة والروايات وكدا ....
ومرة وانا قاعدة لقيت رواية مرمية على جنب مالسلسلة دي واسمها ( الاختفاء الغامض ).....وقولت اكيد ماما نسيتها ...فمسكتها وبدأت اقرأها ...
كان د/ نبيل كاتب تعريف للبطل فالأول ...وانا كأي بنت انبهرت حرفياً بكل المهارات اللي عندو ووسامتوا و كل حاجة فيه .....فبدأت اقرأ كل روايات السلسلة وخدت الباقي من عند ولاد عمي وفضلت اقرأ والأعداد الناقصة كنت بجيبها من عالنت .....
فآخر عدد البطلة اللي رجل المستحيل حبها بتموت وهوا بياخدها ويختفوا .....وانا مش محتاجة اقولكم عيطت قد اي ساعتها !
بس بعد كدا قعدت أدور وأدور عالنت لحد ما عرفت ان في عدد خاص (( زي الحلقة الخاصة هنا عالواتباد ))
المهم قرأت العدد الخاص والحمد لله البطل وكمان البطلة طلعوا عايشين ...فرحت فرحة ساعتها ...كبيررررررررررررة
وفضلت أقرأ السلسة دي مليون مرة حتى بعد ما خلصتها ....
حبيت البطل جداااا ....واللي كان إسموا أدهم صبري ...
وكان عندو إبن إسمو....
آدم أدهم صبري ...
أيوا ...بطل رواية سيادة الرائد بجزأها الأول والثاني ....واللي خليتهم عبارة عن روايتين من سلسلة سميتها ( حلم )
من كتر حبي لرجل المستحيل ...أصريت إني أخلد ذكراه ...و عملتلوا سلسلة جديدة ..بس البطل فيها إبنوا ...زي ما أدهم كان عايز....
بدأت أكتب وانا عندي 12 سنةةة .....وساعتها كان عندي قاموس من المفردات فعقلي ...اهلي نفسهم مكانوش يعرفوا معناها ....وكلوا من روايات رجل المستحيل اللي كونت منها رزمة من المفردات الطويلة والكبيرة والعميقة .....
ومن ساعة ما بدأت اقرأ رجل المستحيل ....اندرجت لروايات وكتب وقصص أخرى كثيرة ...عشقت القراءة بكل حذافيرها ...
حبيت المشكلة والحل والشخصيات والأحداث والمكان والزمان والأفكار الفرعية والرئيسة ووووووو....
حبي للقراءة كرمني عدة مرات وخلاني أحصل على جوائز و حب الناس من حولي وتقديرهم لعلمي ولغتي ....كنت دايماً أمينة المكتبة رقم 1 فالمدرسة ..ومشرفة المكتبة كانت تسلمني أي كتاب وفأي وقت مع جملة ( عشانك بتحبي القراءة يا رقية )....
حبي للقراءة مستمر ...وعشقي لرجل المستحيل مهما اندثرت رواياته هفضل أذكر فيها كل حد اعرفوا ....وإسموا عمروا ما هيندفن أبداً....
و ذكراه هتتخلد بس ....
في سلسلة رواياتي انا ....
الكاتبة رقية حسانين .....
و سلسلة حلم !
___________________
آسفة إذا طولت عليكم ...ولكن بجد انا كنت قافلة امبارح عشان عرفت بالصدفة امبارح وزعلت جدااا ومازال حزني مستمر ... عشان الموضوع دا ....د/ نبيل رجل عظيم وليه الفضل فإنو خلاني اكتشف عالم ....جميل وسعيد ومليء بالثقافات الأخرى وحب الناس والخيال وتحقيق المستحيل .....
أتمنى تقفوا جمبي وتدعموني ....هدفي بس رجل المستحيل ميتنسيش ...وتكبر رواياتي ويوصلوا لمحبيين سلسلة رجل المستحيل ...
عشان أعرفهم .....
إن بطلهم هيفضل عايش !
أنت تقرأ
سيِّدةُ الرائد ج2 / بقلم : رقية حسانين.
Romance"لا كِبرياء في الحُب !" عندما يدلُف العشق إلى قلب الإنسان؛ يُغير قوانينه تمامًا، يجعله هائمًا، مشتاقًا، متهورًا، مولِعًا! ناعمةٌ هيَ، لكنَّ سلاحها الآن هو إفاقة العقل.. قوِّيٌ هوَ، لكنَّ سلاحهُ يمطِرُها بِطلقاتٍ تُصيبُ.. تحتضنُ ..و تُقبلُ قلبها. ...
