عهود الشيخ

البارت ٧

مساء الورد

بقلم زهرة ايلول

الحب مو كلام ويعجب اليقره
ولا شاعر يكول ويبدع بشعره
الحب من تحب محبوبك شما جان
موحسبة قميص بكيفك اتكصره
والحب من أحبك يعني كلشي البيك
حلو عندي وأقبله بحلوته_ومره
الحب يعني اريدك ما اكولن لا
ولا اعاند گليبك ابد بالمره
والحب من اسمعك افهم الكلمات
واعرف غايتك من من اول النظره
والحب يعني اعشكك وابقى اذوبن بيك
وأتحسر عليك واكتم الحسره
والحب يعني أبقى احتاجلك للموت
مو حسبة سنه_وسنتين_لو_عشره
والحب يعني دين وشرع بي دستور
والما حفظ دينه الوادم اتكفره

الو الو هنا سمعت صوتها ورجفتها حطمت كل شي بداخلي كل ذره صوت شهكتها دكول راحت منك حبيبتك

ميلاد الو شونك فهد تسمعني الو فهد

فهد شلوني من بعدج ميلاد صح لي سمعته تزوجتي هنا سمعت شهكتها وبجيها زرف صدري وطشرني ميلاد لي سمعته صح ردي

ميلاد اي اني تزوجت بس والله قاطعني

فهد ليش متصله لو طالبه من رنا هي دكولي لهنا وخلص يابنت الناس ردت اعرف لي سمعته صح لو غلط روحي الله يسعدج ويهنيج بحياتج الجديده بالعافيه على لي اخذج

ميلاد انتضر اريد اكولك شي اسمعني

فهد لا يكفي هاي هيه صرتي بعصمت رجال وعيب عليه ولي ماارضى لنفسي ماارضى لغير صوني بيتج وحفظي نفسج والله ماكاتب لنه نصيب سوه اعرفج بنت اصول متطلع منج العيبه مربايه ونعمه تربيه

ميلاد اني بس ردت اعتذر منك وكولك كل شي صار غصب عني حتى سلوان نغصب اريدك تسامحني ردت اكولك لي صار بس انت مبين مطايقني والله مغدرت بيك وعهدك لي وفيت بي ومقصرت من اول يوم المشكله ردت احلك من عهدك ادري بيك لو نطيت كلمه تنفذها لو على كص رقبتك بس جان عندي امل ننجمع سوه بس مثل مكلت الله مكاتب لنه

مراح انساك طول عمري اوفه واغلى واعز انسان مر بحياتي اتمنالك حياة سعيده والله يرزقك بلي تسعدك وتعوضك على طيبة قلبك اني الخسرانه مو انت

فهد اعرف مجبوره واني اخذ حقج من سلام انتي نوتي تحليني من عهدي شي خاص بيج بنسبه لي اني على عهدي باقي الاخر يوم بعمري

بيوم وعدتج كتلج هيج تذكرين كلت متصير غيرج ولاتحلى بعيني وحده انتي دخلتي بكلبي وسديتي الباب ام بيتي وحده وبس ميلاد عمري يوم لعرفتج هو يوم ميلادي ومصرتي نصيبي

اتمنى لج الموفقيه والحياة السعيده ارتاحي ولاشيلين همي عيشي بسعاده وهنا اهم شي عندي تكونين سعيده امانه لاتعذبين نفسج وذكري دموعج غاليه عندي واتمنى منج بعد ماتتصلين بيه وتنسين ماريدج تزعلين مني احترام لزوجج واحترام لج ولي

ميلاد هو هذا لي راح يصير اني بس اطلب منك طلب اخير وردت تعرف اني نجبرت وجنت ناويه اصبر عمري كله اسفه مره ثانيه