عهود الشيخ

البارت ٩

مساء العافيه

البارت ٩

صعب دونك اعيش وغيرك اختار
لان بس انته وحدك تفهم الروح
وصعب انساك ونسه سنيني وياك
من بعدك اعيش العمر مجروح
وصعب تصبح محبتك بس بلعيون
لان كلش احبك حبي مفضوح
يا اجمل نغم غنيته بلكون
ويا اعذب لحن وتعزفك الروح
ويا اجمل قصيده واحله كلمات
يلوجهك كمر وعيونك نجوم
يانور الشمس الماغابت بيوم
ويظل وجهك ينور رغم الغيوم

تقدم الدكتور وكال سلوان مو بس زميل لنه لا اخ ودكتور شاطر خسارته جبيره للكل بس هذا أمر الله البقيه بحياتكم

ميلاد اني سمعت هيج كال ماحسيت على نفسي صوت صرختي خله شكو واحد بالمستشفى طلع يركض لطم على وجهي وكول بالي لا سلوان ميعوفنه اكيد يعرف سلام مراح يرحمني تهسترت مااعرف شسوي غير بس لطم وصيح بعلو صوتي سمعت صوت ورايه يكول سكتوها اي هذا صوت سلام مدرت بال له ضليت بصياحي

سلام كافي نصي صوتج لميتي علينه العالم تعال حمزه اخذها

ميلاد باوعت عليه وماحسيت شكلت له اذكره كلت الله يركض على الزين ويبقي العار شفت سلام تقدم عليه وضربني على حلكي و الدم يجري من شفتي واني تحركت بتجاها اريد اكطعه واحد لزمني وكال

حمزه على كيفك سلام تره زوجها لي توفه حقها ابو بيتها ليش هيج ضربتها يله ام محمد

سلام اخذها منا وبلا لغوه يله وجها مااشوفه

ميلاد اباوع عليه اريد بس اكطعه ويمكن مايبرد قلبي لزمني حمزه ابن عمتي جرني ورجعنه لبيت اني وام سلام لي حالتها اسوء من حالتي خطيه تعبت لما وصلتهم عمي الله يرحمه جان ماله شغله هي لي ربت وتعبت

رغم علاقتي بسلوان عاديه بس حسيت خسرت سند لي شراح يصير بيه سلام اجته فرصه ليمه يتحكم بيه سلوان جان مايسمح له يدخل او يحجي عليه جان بالبدايه صح جان مايكدر يخالف سلام بس بعد مااجه محمد تغير لكل حزن على

سلوان جان انسان طيب واخلاق ويعامل كل الناس بحترام ماعنده فرق بين غني وفقير ضليت ابجي وكطع بشعري وصلنه لبيت واني بين فاقده وبين واعيه وكل تفكيري شون راح اعيش شراح يصير بيه امي مره كبيره يوم صاحيه يوم مريضه

ليش هذا ديصير بيه كل مااكول ارتاحيت لازم يطلع شي يخرب عليه راحتي فكري نشغل بلي راح يصير بيه وابني

خلصت الفاتحه واني دموعي مانشفت لزمت عده واني خلصانه من سلام لايدخل ولايجي بس اول يوم من خلصت العده دخل عليه هو وامه اول ماكعد كالي

سلام اسمعي اريد اكولج اني اشتريت بيت كبير بالمنصور وانتي وامج تجون وياي تعيشون لن عائله اخويه مااريدهم بعيدين عني ابن اخويه لازم بحضني يكون

ميلاد اني مااطلع من بيتي وابن اخوك شوكت متريد تعال أخذه واذا على خاله خلي تجي تعيش هنا يمنه وانت خليك بيتك مامعتازين منك شي سلوان الله يرحمه مامخلينه معتازين لشي