Kesulai -sebansa ari bansa indu utai terebai ti nyadi ka burung kitai iban . Ba pengarap kitai iban enti meda kesulai tak jinak terebai ba tanju ba dapur tauka penyurai bisi diri sebilik ti lama enda pulai ti deka datai pulai ka menua . Ba ditu Emilia Banabas siku indu ti landik sekula ba menua jauh tang lebuh ka sekula ba menua urang dia biasiswa iya ditarit urang laban urang ka ngempu syarikat nya udah bankrap .Penusah ka nya ngujung ka sekula iya tebasau ba laban iya nadai duit dikena mayar yuran semeter enggau rumah sewa . Nyepi diri ka merinsa dia iya ngambi jalai muntang ngujung ka iya bulih penusah lebuh ka nyadi "Ayam "siku lelaki ti benama batak .Batak laki ka cukup jai iya nyual Emilia lalu rega tubuh Emilia cukup nguntung ka iya indah baka injin duit Emilia ba iya . Nyepi diri ka dijual Batak dia Emilia ngelari ka diri ari Batak .Lebuh ka ngelari ka diri nya dia iya dilantak siku lelaki ti nyelamat ka iya ari Batak . Malaikat kini laki nya tauka iya pansut ari nyawa baya tama lubang naga ...? Sapa kini laki nya ? Nama utai nyadi ba pengidup Emilia udah nya ? Cerpen tu ditempa aku nadai sangkut paut enggau urang ti agi idup enggau udah mati