لە خەڵوەتی زیندانا لە پەنایا
ئەگەر جائیز با ، دەموت خۆزگە ببایە
چ گەشتێکە شەوانی ئینفیرادی 
بە ئاسمانی قورئان و زیکری خوایا 
چ ساتێکە کە رۆح شەماڵە دەشنێ
چ شەماڵێ ؟ کە با ئۆقرەی پێ ڕایا
دڵی تامەزرۆ وەک پەری سپی پۆش
دێت و دەڕوا بێ سرەوت خەوی نایا
نابینی ڕۆح وا ڕاماوە دەسەوسان
پەی بە چی با ؟ لە ڕاڤەی سۆزی نایا
بە گەردەلولی بێ با ئەڵزنا دڵ
وەکو لوتفی میعراجی بێ بەلایا
لە ئان و چاو تروکانا بزربوو
وێڵم منیش بێخود ئاسا بەدوایا
نە دڵم ما ، نە هەست و سۆز و ڕۆحم
جەستەش هەستی نەما ئازاری نایا
وەکو دایکی جەرگ سوتاو بە عەزرەت
دەڕۆم بەدووی هەست و نەست و سەدایا
تومەز ئەویش وەکو دڵەکەی بێخود
بەسەر سەد کەند و کۆسپی پڕ جەفایا
خۆی گەیاندۆتەوە نێو کۆڕی مەدینە
بێ سێبەرە لە نووری موستەفایا
ئای بۆ جێهەڵتروشکانەکەی مەحوی
بە خەونیش با خۆزگە جارێ ببایا




ئەندام لە چەناڵی رۆڤار

https://youtube.com/@rovar_?si=uCHKfmq15lGUrgJz


بۆ ھەر کارێکی تایبەتی ئەتوانی لەم شوێنانە نامەم بۆ بنێری 

تام تام 
Olivia


ئینستا 
love__._yourlife