وضع جهاد يده على كتف ام مصطفى :-عمه خلوه شويه لوحده.
ترك جهاد الباب مفتوحا وأخذ ام مصطفى أمامه ليبعدها عن ولدها قليلا كي لا يحدث تصادم اخر.
فـــي الثــانــويــة
منتهى ورحمه تقضيان وقت الاستراحة قرب الحانوت
رحمه:- لج منتهى ﻻتلوميني كلبي طك من هاي النحسه ، بودي الزمهه انتف شعر راسهه شعره شعره لحد ما اسويهه صلعه واضحك التسوه والماتسوه عليهه اخ يايابه لوبس الله يسلمهه بيدي .
منتهى:-على كيفج عيني يالمصارعه الي يسمعج يكول هاي ماخذه بطولة العالم بالوكاحه وانتي بس تصيح بيج ست غنيه صيحه وحده يوكعن كصايبج وي دمعاتج.
رحمه باحتجاج:- هسه ست غنيه شجابهه بالوسطه
منتهى :-اممم رحمة نسينة ..نسينه آخر معركه
رحمة:-الله يخليج ﻻتذكريني جان يوم أسود...ايييه ...ماكلتيلي شنو اﻷخبار عدكم
منتهى:-احنه زينين بس ميثاق خطية تعبان ومكتئب ودمعته مانشفت، عمت عيني عليه كلبه صاير نصين.
رحمة:-خطية ميستاهل
منتهى:-ماكو سوده عليه
رحمه:-وجع، كلنه ميستاهل. ﻻتطوخينهه
منتهى :-يجي يوم وتكولينهه
رحمة:-يجي يوم وتكولينهه. يالله كومي كومي بدت الحصه وعدنه ست نسرين اليوم الله الستار
منتهى:-اوف هم ست نسرين الله يعدي هالحصه على خير نوب مو نسر واحد نسرين امشي عمي امشي ﻻتزينه صفر
ضحكت رحمه:-مخبله انتي والقران
فـي مبـنـى الـتلفزيون
المدير:-دزولي على واثق
-صار استاذ
وفي حجرة قريبه كان واثق يجلس مع زملائه تشغلهم المناقشات في بعض القضايا حين طرق الباب وبعد ثواني اطل الموظف من خلف الباب
:-عيني واثق يريدك المدير
وبعد دقائق
واثق:-نعم أستاذ
المدير:-اجتني اخبار ﻻزمين هسه اثنين اشخاص ﻻبسين احزمه نريدك تلحك تنقل الحدث قبل ماياخذوهم والمكان قريب جدا هذ الموقع اخذ الجماعه وروح مباشرة عليه وانتبهو على نفسكم زين يالله توكلو على الله
واثق:-صار أستاذ
يخرج واثق وهو يجري اتصاله:-الو هاني حضر نفسك عدنه شغل
وبينما هو يسير مسرعاً يصطدم باﻻنسه لبنى مخلفا جبلا من اﻷوراق المتطايره على الأرض ثم مالبث ان عاد ادراجه:
-آسف لبنى اني مضطر اتركج تلميهن لوحدج ﻷن مستعجل والله. اعتذر منج
لبنى:-ليش هو اني شاخذ منكم غير مستعجل واعتذر دروحو روحو بيكم وماتتهربون من اخطائكم
واثق يسير مسرعا غير عابئ بسيل الكلمات خلفه...
وفي مدخل المبنى يلتقي بهاني وحنان
هاني:-ها واثق وين الصيده .
واثق:-قريب مو بعيد.
حنان:-خاف مثل ذيج المره قريب وقريب وتالي طلعت بأطراف بغداد.
واثق:-لاوالله كلش قريبه حسبت ست دقايق بالتكتك احنه هناك
حنان:- هاهيه لعد مادام كلت ست دقايق يعني ست ساعات
YOU ARE READING
رحمه
ChickLitاتسعت حدقتا واثق،هنالك من يحاول أن يضغط على زر ما داخل السياره، #صرخ وهو يدفع من حوله بظهره ويديه: ـــ لك لا..!!!! ديرو بالكم يــــاولــــــــــــــــــــــــــد ولكن لم يعد هناك متسع من الوقت ـــ بوووووم ......دوى ألأنفجار. #
