رحمه

بارت 12

 يرن هاتف حميد

يفتح حميد ألأتصال:ــ الو نعم ،اي نعم اني اخوهه،، اجي؟.... ليش صاير شي؟ رحمه مسويه شي

قال ذلك وهو يوجه الى رحمه نظراته البارده

مما جعلها ترتعش خوفا وتقضم اضافرها واحدا تلو ألأخر

حميد:ــ زين ماشي باجر الصبح اني اجي

اغلق حميد ألأتصال ثم قال دون ان يرفع رأسه:

ــ ايي وبعدين رحمه خاتون .. شنو هاي السالفه الجديده 

جمد الكلام على لسان رحمه وراحت تتلعثم وهي تحاول البحث عن اجابه

ــ م مممـــممسويه شي والله

حميد:ــ رحمه

رحمه:ـ حميد عيوني  والله  العظيم آني كل شي ممسويه الصوج كلّه بهذيج الحيه المسمومه وتالي وكَعت السالفه كلهه براسي

حبيب:ــ شفت مو كَلتلك هاي مايجي من وراهه بس المصايب  بس ماتصدكَوني

حميد:ـ حبييب انته بس انجب شويه  ..  رحمه احجيلي شنوهاي السالفه الوكَعت براسج

رحمه:ـ شحجيلك ياخويه شحجيلك هيه السالفه مثل ماحجيتهه  كلّه من ورى سرى  هيّه العلكَتهه مشكله ،،ضلّت تستفزني وتصيح  عليه بنص القاعه :بنت ابو اللبلبي،  وانته متقبلهه اسكت الهه  آني بس أدبتهه حته  كادر التدريس كلّه مسوي عليّه مؤامره ووو.....

حميد:ـ رحمه انتي شجاي تحجين يعني انتي متعاركه..ها متعاركه بالمدرسه؟. جاوبيني

رحمه:ـ اي تعاركت

وراح حميد يفرك يديه بعصبيه ثم عقب:ــ الطم على راسي هسه ... يعني كَليلي انتي ولد ، لوماخذه خاوه على المدرسه ،لو شنو بلظبط ،،هسه حته إذا ردت اطمطم وراج على مصايبج هم ماالحكَ ،اووف ياربي دخيل اسمك ماتعقل هالبنيه هاي لإن كَمت ماالحك استوعب المشاكل الي تسببهن وحده ورى الثانيه

حبيب:ـ عدل ياختك  حميد خويه عدلهه زين  تره اختك صايره شقاوه تتعارك، وتنفصل، وتضرب الشباب ،

حميد بغضب:ـ حبيـــــــــــــــب  انته بس الصم شويه وارحمنه من استفزازك ياأخي ...خليني افكر شلون انقل الخبر لأبوي

رحمه:ـ حميد دخيلك لاتكَل لأبوي 

حميد:ـ لاطبعاً.لازم يعرف ابوي بكل شي ،آني صحيح واكَف ضدهم وحاط اصابعي بعيونهم على مودج بس مو كل شي ينضم

وقطع الحديث صوت الباب وهو يفتح ثم صوت الوالد وهو يسعل ،قفز الجميع خارج الغرفه لأستطلاع ألأخبار بما فيهم رحمه رغم خوفها مما سيحدث في اللحظات القادمه

وبعد دقائق ....كان الجميع امام الحاج ابراهيم وعلى وجوههم تتعاقب شتى التعابير كل حسب موقفه 

وقطع لحظات الصمت حميد بسؤاله:ــ ها يابه بشر 

رمقهم الحاج ابراهيم بنظرته القاسيه ثم اجاب وهو لايحول نظره عن  رحمه:

ــ بيت ابو فؤاد راح يحولون ويفصلون وبعد تحويلتهم بيومين ،اهل الولد يحولون يمنه ويعتذرون

ام عادل:ـ خويه  همه يحولون ؟ شلون شو هي رحمه الضاربه الولد وو...

رحمه بهمس:ـ عمه اشش  

الحاج ابراهيم بحنق:ـ زكيّه ....سالفة رحمه ضاربته هاي تنسي ولاحد يسولف بيهه احنه راح نحشمهم على حرشة ابنهم 

حبيب:ــ بس يابه انته مايصير تخليهه  دائماً تاخذ راحتهه و...

الحاج ابراهيم صارخاً:ـ بعدني ماكملت كلامي ..... وانتي بويه ..يارفعة راسي ...يالمايطلع منج الغلط ..هيج اني ربّيتج ..هيّه هاي ترباة حجي ابراهيم ... خليتني على تالي شيبي علج بحلكَ اليسوه والمايسوه ..ليش هيج ولج ليش ؟... يعني إلا اضرب وأهين يالله اصير خوش ابو؟ هاي جزاتي هذ جزاء ألأحترام 

حبيب:ـ يابه انته لازم تحاسبهه الله يخليك

الحاج ابراهيم:ــ اني مو كَلت لك تنجب  من احجي

حبيب:ــ آني اعتذر وآسف يابه  بس لازم تعرف شي  تره مو بس هاي المشكله  مسويتهه رحمه اكو غيرهه ماتدري بيهن

توجهت ألأنظار جميعها نحو رحمة التي راحت تقضم أضافرها خوفاً بينما رمق حميد اخاه بنظرات لوم وعدم رضا

الحاج ابراهيم:ـ شنهو الما أدري بيه ولكم...... ماتحجون