السلام عليكم . شلونكم حبابيبي الحلوين . كلشش اعتذر منكم عن التاخير بالتنزيل . بس للاسف والله دا امر بفترة صعبة كلش وبس الله يدري بيها. اتمنى تعذروني .
.
rose_____ali
سديت الخط وكمت رحت الغرفتها اخذت الحبوب من ع الكومدي الي بصف الجرباية وطلعت ع السريع .من الغرفة فتت الغرفتي اخذت الكلينكس ولفيت شريط الحبوب وضميتة جوة مندر الجرباية جوة راسي . وكانه مصار شي . سمعت صوت علي وزينب فاتو للبيت . طلعت ركض عود خايفة ودسال عليها .
زينة . ها بشرو .
زينب . اسقاط صار عدها خطية وبالكوة تلاحكو الها نزيف .
الحجية . اويلي عليك وليدي .
علي .
مكدرت احجي شي . فتت للغرفة شفت الدم بالكع لحظتها حسيت نهد حيلي وثكل الجبال على جتافي . شكد جنت اتمنى يصير عندي طفل ثمرة حبنه يجمعني طول العمر بيها . بس الحمد لله ع كل حال نزلت دمعتي وكعدت بالكع من طولي مكدرت اتحمل يمكن تشوفو شي عادي وتكولون هو بعدة ابطن امه وبعدك مشايفة . اي صح بعدني مشايفة ومحاس بي . بس يبقى هو قطعة منها . يبقى هو ابني . الي كنت احلم بي واتمنا يوم يوم . كمت ع السريع بدلت ملابسي واخذت الها هم كم قطعة ملابس بجنطة واخذت الها شغلات ضرورية تحتاجها . اخذت الادوية الي سجلتها الدكتورة . واخذت السونار وطلعت رحت ع امي .
الحجية . ها يمه شلونها قمر .
علي . ان شاء الله زينه .
الحجية . سودة علية عليك .
علي .
بست راس امي وطلعت صعدت سيارتي وتوجهت للمستشفى . .سالت على دكتورة سجى . كالو تلكيها بغرفتها . رحت عليها .
السلام عليكم .
الدكتورة . عليكم السلام .
علي . دكتورة هذه الادوية الي كانت تاخذها و هذا السونار وهاي الراجيته .
الدكتورة . اي عاشت ايدك .
الادوية الي موجودة بالراجيته هي كلها طبيعية وتتسجل الاي حالة حمل طبيعية وعادية السونار هم كل شي طبيعي وتمام .
الادوية نفس المسجل اذا ليش التحليل يقرا عندي شي ثاني .. اخي زوجتك صار عدها هذا النزف والاسقاط لانه كانت تاخذ حبوب اجهاض ومن النوع القوي لو كانت هذه اول حباية الها كانت صارت عدها فقط انقباضات لانه بالبداية مجرد انقباضات بالرحم تصير لكن بعد اخذ الحباية الثانية والثالثة اذا كا نت الانقباضات قوية هنا يحدث النزف والاسقاط او يموت الجنين داخل الرحم . عمل هذه الحبوب ايقاف عمل هرمون البروجسترون (Progesterone) الذي يؤدي غيابه إلى انهيار بطانة الرحم وبالتالي عدم استمرار الحمل. احيانا حباية وحدة متكفي . لكن اذا استمرت على اخذ الحبوب الباقية . يحدث النزف .الموضوع صعب وهواي مرت علية هيج حالات . بالنهاية ماكدر اسوي شي لانه الحالة متاخرة وبنفس الوقت الي تاخذ هيج نوع من الحبوب بكل الاحوال ما نكدر نحافظ على جنينها لانه ماكو غير الاسقاط الشغلة الاهم شلون كدرت تحصل على هذه الحبوب . لانه متنباع بكل سهولة او ياهو الي يجي الا عن طريق دكتور مختص او تهريب وهذا الشي يرادلة كومة فلوس
أنت تقرأ
بينَ يَدّي أربعيني
Werewolfتزوجي من رجل أربعيني فهو رأى من الحياة ودروسها مايكفي لحمايتك من عقبات هذه الحياة . . الحب يأتي بلا استأذان لا ينظر الى الاعمار ولا الى العواقب . ولا يفهم حتى بالظروف . دخيل على القلوب اناني الطباع متملك يرفعك الى السماء بلمح البصر. . ويدعك ترتطم...
