وتالي اللي خفت منه طحت بي
ولا شيء صرت كدامك ولا شيء ..
rose_____ali
زينب . ابو حيدر .شلونك .
.
علي . يا هلا و١٠٠ هلا بزنوب . ولج والله البيت ما يحلى بدونج . لو تبقين مترجعين البيتج .
.
زينب . والله يا خوية . هو بكيفي .
.
زينه . فطومة روحي صيحي الامج والابوج وكليلهم زينه تكول تعالو تغدو يمنه .
.
فطومة . اي صار .
.
زينه .
صبيت الغدا وجهزت كل شي .ع السفرة وجوي بيت احمد حماية وكملنة غدا وصبينه الجاي وكاعدين الكل ملتمين بالصالة . دكتلي اقبال مسكول . يعني بلشي .
.
اني هم حجيت
.
مادام هسه تغدينه وشربنه الجاي . والحمد لله . والف عافية بقة شي لازم الكل يعرف شنو هو . وليش .
.
اليوم الصبح دنظف بغرفة قمر قبل ميرجعون . من الدم مالتها والي بالجذب مكالت مشكورة مقصرتي .
.
قمر . مثل ما انتي بالكذب مكلتي الحمد لله ع السلامة .
.
زينه . اني ما احب الكذب فعلى شنو اكول .
.
قمر . واني هم ع شنو اكول . ولا انتي مجبورة تنظفين الي .
.
علي . قمر كافي
.
قمر . بس هي .
.
علي . قمر كلت كافي كسري الشر حبيبي .
.
قمر . اوك . 😔.
.
علي .
شفت حبيبتي ضاجت . خليت ايدي بأيدها . وهمست الها .
.
يروحي لتضوجين . صدكني بس علمود اخلص من المشاكل . مابية حيل تعبان والله .
قمر . ماشي يروحي ولا يهمك . بس لا تنطي بية .
.
علي . انطيج روحي وما انطي بيج .
اي كملي ست زينه .
زينه . كملتها تنظيف و بديت اغير الجرجف مال القريولة بس رفعت المندر شفت هذا الحب . كتبت اسمه بالكوكل وعرفت هو مال شنو حتى تعرفون شنو نوع الانسانه الي عايشين وياها وشنو هي الي تكتل طفلها .
.وهذا الحب راح انطي الاحمد بما انه هو دكتور اكيد حيعرف
.
علي .
كلمات زينه كانت صدمة بالنسبه الي خصوصا اني الدكتورة شوفت الي حب الاجهاض وهذا نفسة تماماً .
احمد . هذه حبوب اجهاض .
.
علي .
اباوع على قمر اريدها تنطق بكلمه بس فاتحة عيونها ع زينه . حتى متحجي . كمت من مكاني بعصبية وكفت كدامها .
.
احجي قمر شنو الي دتحجي زينه . (بعصبية )
.
المشكلة اريدها تحجي تبرر شي تكول لا . تكول اي كلمه بس صفنت بوجهي . وعيونها انملت دموع .
.
اذا مراح تجاوبين راح اعتبر كلام زينه صح .(بعصبية)
.
((احجي وياها متجاوبني ابد كتلها ))
.لعد شكد انتي انسانه وضيعة من تاخذين حب حتى تموتين ابنج . تصدكين اتمنى الله يحرمج من هالنعمة مثل ما حرمتيني . سكوتج هذا معناه انتي الي قتلتي ابني . بس اريد اعرف الهدرجة مستصغرتني
شكد لعد اني عامي عيوني وياج ومشفتج ع حقيقتج واني قاتل ابني ما الة مكان بحياتي بعد . ولا الفي بيتي يعني طلعي روحي الاهلج وماريدج بعد ولا اريد اشوف وجهج .
.
احمد . علي مو هيج لتتسرع .
.
علي . شنو ما اتسرع . دتشوف اتهام متوجه الها غير تحجي تدافع ع نفسها . تلغي كلمه . لو ما هي مسوية هيج شكو تسكت .
.
ام فاطمة . ابو حيدر اعذرني ع التدخل بس يجوز البنيه مصدومة انت دتشوفها حتى رمشة مترمش
.
بهالاثناء فاتت اقبال للبيت
.
اقبال . الله يساعدهم .
.
علي . شجابج لهنا اني مو مانعج تعتبين عتبت هذا البيت .
.
اقبال . اني جاية اشوف عمتي
.
علي . اطلعي برة . اطلعي برررررة . لا عمتج ولا هم يحزنون (بصياح )
.
اقبال . ليش اطلع ترة اني هم االي حق هنا .
.
علي . لا تحجين بالحقوق افتهمتي لو لا . وكافي سكتي لتحجين ولتنطقين بولا كلمة . سويتيها بلا ملح .
.
اقبال . ليش ما احجي تخاف لان االهانم موجودة تخاف لتزعل .
.
علي . انتي شلون وياج شنو من ملة انتي من يا صنف
.
زينه . ابو حيدر .الموضوع واضح . لو تحبك وتريدك ماكان بلعت هاي الحبوب وقتلت ابنك
.
اقبال . ولو اني ما احب الشماته بس االله بالمرصاد هيج يصير بي الي يعوف خلفته وملتهي يتزوج يومية وحدة
.
علي . انعل ابوج لابو حتى الجابج علية .
.
زينه . اني دحجي من مصلحتك وما فد يوم فكرت ااذيك طول عمري عشت راكعة جوة رجليك وتالي تجازيني هيج تتزوج علية .
.
الحجية . اني ما احب اكون محضر شر . بس ياماا وياما حجينه وياج لا تقصرين وية زوجج بشي . ترة الرجال يمل . من النكة وعدم الاهتمام . ترة شغل البيت ميطير وكله لاحك
.
زينه . عمة عفتي الموضوع الاساسي . جنتج سقطت ابنها وموتتة وجاية تحجين علية .
.
اقبال . اني بس اريد اسأل سؤال . شوكت عرفتو هي حامل .
.
الحجية .. اقبال اخذي بناتج وروحي البيتج خليج محضر خير واني ادري انتي ناوية ع شر .
.
اقبال . عمة كل مافي الامر سألت سؤال . جاوبوني علية وانتو مخسرانين .
.
الحجية . قبل كم يوم .
.
اقبال . زين ست الحسن والجمال . ورة معرفت هي حامل . طلعت وحدها . او احد اجه عليها .
.
الحجية . لا طلعت ولا طبت بس من راحت للدكتورة هي وعلي .
.
علي . بلا لغوة زايدة اختصري .
.
اقبال . لا مو اني دكول . زينه تتهمها هي جايبة حب وبالعته وهي مطلعت من البيت ولا التقت بأحد بس وياك . بس بقه نعرف منو الي طلع من البيت . وين راح .
.
زينه . والله مو اني . طلعت بس مريت الاهلي . (بأرتباك)
.
علي .
افتر عقلي . هاي اقبال اتخربط وزينه تخربط من صفحة وامي تصيح بيناتهن تسكت بأقبال هي وزينب . وهاي صافنه وعيونها مليانه دموع وبس تباوعلي . شنو سالفتها عفت هوستهن بيناتهن وية امي ورحت كعدت كدامها لزمت ايدها صايرة ايدها قطعة من الثلج. صدك خفت عليها وخفت لا يصير بيها شي
.
قمر شبيج احجي كولي شي قلقتيني . احمد تعال هاي شبيها .
.
احمد . هاي مصدومة . الي صاير بيها مو قليل فوك هذا كله شوف المذابحة الصايرة وراك . ترة البنية مصدومة .
YOU ARE READING
بينَ يَدّي أربعيني
Werewolfتزوجي من رجل أربعيني فهو رأى من الحياة ودروسها مايكفي لحمايتك من عقبات هذه الحياة . . الحب يأتي بلا استأذان لا ينظر الى الاعمار ولا الى العواقب . ولا يفهم حتى بالظروف . دخيل على القلوب اناني الطباع متملك يرفعك الى السماء بلمح البصر. . ويدعك ترتطم...
