بينَ يَدّي أربعيني

الجزء الثاني الحلقة الثالثة

بين يدي أربعيني .  الجزء الثاني . الحلقة الثالثة .
.
.
يسعد مسائكم ورداتي الحلوات.   بارت جديد . وقراءة ممتعة بس قبل كل شي هذا البارت شوية راح ينرفزكم  من بعض التصرفات احجي من جانب قمر  الي اطلبة منكم   انه على كيفكم وية البنية . ديصير غلط وكلام يجرحها خطية. والله اني اشوفها متستاهل . لان الي يوكع بشباك الحب وية انسان نرجسي راح ينظلم وبصعوبة راح يطلع من هالحفرة  .  بالعكس انصحوها . وشكراً من القلب الكم ورداتي ❤

•
عرفتك بيه راح تخون
چي حالفلي
ما خونك
ومن اول سلام وياك قريت
وداع بعيونك.
الهظيمه تغيرت وحدك.
ولا تعبو عليك هواي من رادو
يغيرونك •

#rose______ali

قمر.  خير خالة قلقتيني.
.
الحجية .  شوفي من يوم الي رجعتي لليوم اني منتبهة ع كل تصرفاتج وما الومج .بكل رد فعل . بس خلص لهنا يا بنيتي وانهي الزعل . من يطول الزعل راح تعودي ع هيج شي.   راح تعودي ع عدم وجودج . ارجعي مثل الاول شلون جنتي تهتمين وتلبسين وتحيرين شتسوين جنتي مخبلتة تخبل شجاج .  نسيتي لو ارجع اذكرج  .
.
قمر.   بس خالة .
.
الحجية . وخل خالة لتخل عظامج اني لو ما احبج واريد مصلحتج ما احجي هالحجي . ولتنسين بنتج وراها علاج ومصاريف . ملايين يرادلج .   كومي يالة عوفي بنتج وروحي للصالون حفي وتهندسي النفسج على الاقل . 
.
قمر . ليش خالة تتوقعين الي نفس اسوي هيج ودتشوفين فطومة شلون اطرافها زركة وداير حلكها ازرك .. وشيصير بحالها من تتخربط .
.
الحجية . كلش عادي هو  مريض القلب هيج . اعرف انتي ام وتخافين ع بنتج وحايرة بيها بس زوجج هم الة حق . انتي صايرة حياتج بس جهال .و خلف الله عليج دتربين بزرة مو بزرتج .
.
قمر . لا خالة لتكولين هيج ترة حيدوري وزهراء وزنوبة قطعة من روحي فلا تكولين هيج كلام .
.
الحجية . الله يرضى عليج وداعتج هم تبهذلو من رحتي ..بس مع هذا هم لازم تخلين وقت الج .  دكومي هسه عوفي بنيتج يمي.  ماعليها شي والله  وهسة حيطلعون احمد ومرتة خل يوصلوج بطريقهم للصالون سوي شعرج وحفي وسوي تنظيف حتى نفسيتج تتغير  وتصيرين احسن وترتاحين. وتصيرين اقوة  .كومي يالة بدلي حخابر احمد ياخذج ويا. 
.
قمر . زين خالة شلون ارجع .

الحجية .  الرجعة سهلة خابري علي يرجعج ..
.
قمر . ماشي خالة .

عفت خالة وطلعت من الغرفة رحت بدلت لبست بنطرون وقميص للركبة . وحذاء بوتين لفيت شالي .  واخذت فطومة  ونيمتها بغرفة خالة .  وخليت الاشياء الي تحتاجها كلها يمها .
.
الحجية .  طلعي يالة واكفيلج بالباب . 
.
قمر .  زين خالة وفلوس شلون ..
.
الحجية .  هاج هاي فلوس.   واتصلي ع علي هو يجي ياخذج ..
.
قمر.   ماشي خالة .  اموت عليج .
.
الحجية .  هههههه الله يرضى عليج.

قمر .
طلعت من البيت لكيت عمو احمد واكف هو وزوجتة بالسيارة .  صعدت وسلمت وصلوني الاقرب مركز تجميل او بالاحرى صالون .  نزلت وهم راحوو.  
لحظتها مادري ليش كنت احس بداخلي راحة وانه دا اسوي شي النفسي بحب   يمكن لان تغيير اللوك يساعد بتغيير النفسية . دخلت وبلشت بالتعديلات من ناحية كل شي .  بس اني خليت مكياج النفسي  . قريب ما اخلص دكيت على علي .
.
📱📱☎️
.
علي .  الو .