أسيرتـي | غرام الفارس

مـنـاقـشـة

دي يا بنات بعض الأسئلة اللي جاتلي ع الفصول اللي فاتت

1- ازاي فارس مشكش في طريقة سامح واسلوبه في حوار المسدس ده!!

بصوا يا جماعة فارس وسامح صحاب من سنين.. فارس بيثق فيه جدا ولما لقاه متوتر للدرجة دي حس انه عمل حاجة غلط بالمسدس.. ولان فارس عارف ان سامح صاحبه شخصيته مش قوية الى حد ما _واعتقد انتوا لاحظتوا ده_ كل اللي جه في دماغه ان سامح استخدم المسدس او عمل بيه مصيبة لدرجة خلته خايف يلمسه تاني.. بلس ان لو شريف كان قفشهم وهما بيرجعوا المسدس ففارس هيعرف يتصرف في الموقف ده ويمكن كان يخرج سامح منها.. ده كل اللي فارس فكر فيه وقتها ومكنش عنده علم للاسف ان في حاجة بينه وبين شريف او انه بينفذ اوامره.. سامح كان سُهن وخبيث كفاية انه يظهر كرهه لشريف قدام فارس لحد ما عرف يورطه

2 _ ليه فارس محذرش سارة من شريف!! .. او ليه متصرفش علشان يحميها بما انه بعيد عنها وكده!

اولاً هو في كلامه مع سارة حاول بقدر الامكان انه ميخوفهاش.. او مثلا يقولها ان في شخص ممكن ياذيها او يأذيه لان سارة من النوع الحساس اوي وهو بيخاف عليها من توترها الزيادة .. غير انه لو كان حذرها من شريف ده مكنش هيقدم ولا هيأخر لان شريف لو عايز يأذيها ممكن ميتصرفش تصرف زي ده بنفسه.. ممكن اي حد من رجالته.. وفارس اكيد مكنش هيسببلها هلع من اي شخص غريب تشوفه.. كمان تحذيره ليها مش هيحميها من جبروت واحد زي شريف لانها اكيد مش هتقدر تحمي نفسها فبما ان تحذيره ليها مش مفيد فمكنش فيه سبب يخليه يخوفها ع الفاضي.. هو حذرها من انها تخرج.. بشكل مؤقت كان بيحاول يكسب وقت لحد ما يقرر هيعمل ايه علشان يبعدها ويحميها (وهتعرفوا هو هيعمل ايه كمان فصل او فصلين وسارة هتبقى في امان ان شاء الله) ..

طبعاً شريف اصلاً مكنش يعرف ان ليه اخت بس واحد خسيس وحيوان اسمه سامح هو السبب في ان شريف يتعرضلها  + فارس عارف ان شريف مش غبي ومش هيورط نفسه وخصوصاً ان الشرطة مفتحة عنيها كويس وأذيه اخته كانت هتثير التساؤلات زي ما بيقولوا

فـ زي ما قولتلكم خد بالاسباب دي وكان بيكسب وقت لحد ما ياخد قرار ولو فاكرين كلامه مع اخته لما راحلها هو قالها ان لو الوضع ده طول هيتصرف علشان تبقى معاه لكن مش هيسيبها لوحدها وقت طويل

كفاية ظلم للواد بقى😂😂!!

فارس مش غبي بس هو بيثق في اللي حواليه زيادة.. يمكن علشان متعرضش لخيانة او لحاجة خلته يبطل يثق في اللي حواليه قبل كده.. واللي عمله سامح ده كانت اول خيانة يتعرضلها في حياته

مش بيبان عليه انه ذكي ساعات انا عارفة وبتحتاجوا تعملوا مجهود وانتوا بتفكروا على ما تفهموا انه بيتصرف بعقل 😂.. او بتحتاجوا تستنوا شوية لحد ما تشوفوا هيحصل ايه فتكتشفوا ان تصرفه كان صح.. ده لانه مش داهية زي ما بيقولوا .. فمش هتلاقوه بيخطط لكل حاجة بحذافيرها.. بيتصرف بتلقائية أحياناً.. في الاخر هتلاقوه بيتصرف صح ولو ليه تصرف غلط فده بسبب ثقته الزايدة مش اكتر.. (في حاجات مش قادرة اوضحها ومش هتوضح غير لما تشوفوا تصرفاته وتعرفوه اكتر في الفصول الجاية)

لما بيتعصب عصبي جداا جداا جدااا
هتشوفوا ده في غيرته على نور قدام🤭.. او خوفه عليها..

وقت الهزار مرح جداا وبيحب الضحك ومن الاخر راجل فرفوش 😂

صادق.. ومخلص.. من الاخر عملة نادرة.. وعلشان كده نور هتحبه ولانه هيعيشها لحظات مكانتش تتخيل انها ممكن تعيشها وهيحرك جواها مشاعر عمرها ما اتحركت قبل كده .. وهيغير تفكيرها من ناحية حاجات كتير اوي

فارس عكس نور تماماً يا شباب
نور عقلها الاول .. اه في ساعات صدمات بتخلي الواحد ينهار وميفكرش زي صدمتها في شريف كده بس رجعت فكرت وفهمت

فارس مش كده.. فارس قلبه قبل عقله للاسف 😂❤️.. عاطفي بزيادة .. يمكن علشان عاش حياته بيربي في اخته فده مأثر عليه شوية ومزود العواطف والاهتمام جواه .. وبالأخص انها بنت كمان مش ولد

اه ورومانسي وشقي جدا بالمناسبة 🤭🤭

نور شكاكة.. فارس بطبيعته مش شكاك لا
لكن اللي بيحصله حالياً هيجبره انه يُشك في كل حاجة بعد كده

3 _ شريف بيحب نور؟!!

شريف بيحب نفسه.. له علاقات كتير بس اكيد لما هييجي يتجوز هيتجوز واحدة مثالية زي ما بيقولوا.. هو بيحبها اه بس تقدروا تقولوا كده حب تملك.. مافيهوش اخلاص.. شايف انه مش هيلاقي زيها وانها الوحيدة اللي تستحق تبقى مراته

اظن كده جاوبت على اغلب الاسئلة ولو لسه فيه حاجات مش واضحة هتوضح الفصول الجاية ان شاء الله.. علشان كان فيه حواجز كتير بين نور وفارس فـ في حاجات مكانتش واضحة.. لكن بما ان العصفورة بتاعتنا رجعت القفص تاني فـ الحواجز هتختفي.. الحوارات هتكتر.. والحاجات اللي مش واضحة هتوضح

❤️❤️