رواية"عائلة الخياط"

بارت(4)

بارت(4)

آسر:ايوا!؟
المتحدث:انا مازن يا اسر
اسر(بخضه):في ايه يا مازن بتتكلم ف الوقت دا ليه انت كويس؟
مازن:لا مش كويس وبتصل دلوقتي لان المواعيد بين هنا وعندكوا مختلفة
اسر:انطق في ايه
مازن:....
اسر بعصبية:انجز يا مازن انا معنديش اعصاب
مازن بأسي:انا... انا اتجوزت
اسر بسخرية:انا مش فايق لهزارك دا
مازن بحزن:انا مبهزرش يا اسر انا اتجوزت والموضوع حصل بلخبطه
اسر بثبات:احكي وفهمني بالراحه
مازن:هحكيلك كل حاجه...

في صباح اليوم التالي في..
في شركات الخياط
في مكتب اسر:
حمزة:انا هتجنن مفيش مكان مدورناش فيه
اسر:يارب يكون بخير بس
قطع حديثهم دخول السكرتيرة المفاجئ
نهي(السكرتيرة) :اسر بيه الاستقبال بيقولوا ان في واحد اتصل واعتقد يعرف مكان مراد بيه
اسر بلهفة:وصليني بيه بسرعه
خرجت السكرتيرة ورفع اسر سماعه هاتفه
اسر:ايوا مين اللي بيتكلم
الرجل:حضرتك في واحد حالته وحشة جدا ف بيتي وملقتش غير كارت في اسم الشركة والرقم دا وانا يابني علي قد حالي حاولته اساعده علي قد ماقدر ولما لاقيت الكارت قولت يمكن حد يعرف عنه معلومات
اسر بلهفة:قولي عنوانك ياحاج بسرعه الله يكرمك دا اخويا اللي عندك
الرجل :العنوان هو.....
اسر:ساعتين بالظبط ونكون عندك دا التليفون اللي اقدر اوصلك عن طريقه؟
الرجل بخجل:لا يابني دا تليفون الجيران انت بس اتصل عليه وهما ينادوني علي طول
اسر:تمام مع السلامه

حمزة بلهفه:قالك ايه يا اسر
اسر وهو يحمل مفاتيح سيارته:مش وقته لازم نتحرك بسرعه وهحكيلك ف الطريق

بعد مرور حوالي ساعتين :
في منزل الخياط
رشا برجاء:ياسلوي مينفعش كده كلي عشان خاطر ابنك ميرجعش يشوفك كده
سلوي ببكاء:هو فينه ابني
نادية بحزن:هيرجع بإذن الله
قطع حديثهم صوت رغدة وهي مهرولة:عرفوا هو فين يا طنط عرفوا مراد فين
سلوي بلهفة:بتقولي ايه
رغدة بدموع:والله يا طنط بابا لسة راجع وبيقول لجدوا انه عرف من سكرتيرة اسر ان في حد اتصل ب اسر وقاله مكان مراد واسر خرج من ساعتين عشان يروحله
عند هذه الكلمات احتضنت ملك فريدة بدموع وخرت باكية.. وبكت فريدة تاثرا بها ورهف ايضا ولكن ظلت سلوي صامته
نادية:مالك يا سلوي
سلوي :ابني فيه حاجه...
رشا:ياساتر يارب عليكي اتفائلي خير
سلوي:قلبي مقبوض
ايمان:ربنا يكمل فرحتنا برجوعه ان شاء الله

في شقة بسيطة:مع طرقات الباب السريعه
اسر:انا اللي كلمت حضرتك ف التليفون بخصوص اخويا مش انت الحاج محمد؟
محمد:ايوا يابني اتفضلوا هو موجود ف الاوضه
توجه حازم واسر للغرفه ووجدو وصدموا من مظهر اسر
محمد:الدكتور جارنا كشف عليه وقال لازم يتنقل مستشفي وانت شايف الظروف يابني معرفتش اتصرف ف اتصلت برقم الشركه
اسر:اتصل يا حمزة بالاسعاف بسرعه
بعد مرور تلت ساعه وصلت الاسعاف ونقلت مراد إلي المستشفي
حمزة:هما اتاخروا جوا ليه
خرج الطبيب عند كلمه حمزة
حمزة:طمنا يا دكتور ماله مراد
الطبيب: ممكن اعرف أتعرض للحادثة ازاي وفات قد ايه بالظبط
محمد مسرعا:انا لاقيته يابني عالطريق وانا راجع لبيتنا وسندته انا وشوية شبابا للشقة
الطبيب:الحادثة كانت جامده شوية وعنده كسور ونتيجة انكوا حركتوه ف الكسر تضاعف دا غير انه اتخبط ف دماغه جامد ودا مخليه فاقد وعيه احنا جبسنا الكسور ف رجله وأيده وهيقعد ف العناية ٤٨ ساعه ونتمني يعدي مرحلة الخطر ادعوله
خبط حمزة الكرسي بيأس
محمد واضعا يده علي كتف حمزة:ربنا يطمنكوا عليه يابني استاذن انا وهاجي اطمن عليه بكرة
حمزة:شكرا يا حاج وانا هبقي اجي لحضرتك تاني تعبناك معانا
محمد:لاشكر علي واجب يابني
اسر:انا هفضل مع مراد وانت ارجع القاهرة هات مامته وتعالي من حقها تطمن عليه ويفوق يلاقيها جمبه
حمزة :تمام

بعد مرور ٣ ساعات اصبح الجميع ف المستشفي ما عدا الجدة والبنات ورشا، وحسن وحسين لإدارة أمور الشركة في حال تأخرهم
الكل قلق علي حالة مراد، تجلس سلوى وتبكي بحرقة علي وحيدها
ويواسيها كلاً من نادية وإيمان
الممرضة:مينفعش التجمع دا قدام العناية حضراتكم ممكن تستنوا تحت
سلوي ببكاء: انا مش هتحرك من هنا غير ومعايا مراد
اسر بهدوء: مينفعش يا طنط
كادت سلوي ان تتكلم ولكنها فجأة شعرت بدوار يعصف برأسها 
نادية بخضة:في ايه مالك يا سلوي
الممرضة :وسعوا يا جماعه خلوني اشوفها
ثم اكملت بعد فحصها: لازم يتعلقلها محاليل فور
حملها حمزة بمساعده اسر ونقلها لأحدي الغرف وقامت الممرضة بتركيب محلول لها
الجد :طمنيني يا بنتي هتفوق امتي
الممرضة: اول ما يخلص المحلول
لم يكملوا كلامهم ووجدوا حركه غريبة في غرفة مراد وصوت ممرضة تقول:حد ينادي دكتور محمود بسرعه ياجماعه


ياتري ايه اللي حصل وايه السبب ف حادثة مراد وياتري مازن قال ايه لاسر دا اللي هنعرفه ف البارت الجاي