Black Orchid

သစ္ခြပင္ကို ယူလာမိၿပီ🍂

Unicode

တစ်ရက်၊ တစ်ပတ်၊ တစ်လ...ရက်တွေအလီလီ ပြောင်းရွှေ့လာပြီးနောက်မှာတော့Rayanဒီမှာနေထိုင်လာတာ သုံးလကျော်သွားခဲ့ပြီ။ Rayan ဟာ သူ့ခြံဝန်းထဲမှာ အပင်တွေ စိုက်ထားတယ် သီးပင်စားပင်တွေ အပါအဝင် တောထဲက သူရှာတွေ့လာတဲ့ ပန်းမျိုးစိတ်အချို့လဲရှိတယ်။ ကောင်ငယ်လေး Tytan ကနေ့စဉ်လာမြဲပင်။ အရင်ရက်တွေကတိတ်ဆိတ်ခဲ့တဲ့ Rayan သစ်လုံးအိမ်ကြီးမှာ Tytan ရဲ့ကစားသံတွေကြားရတတ်တယ်။ တစ်ခါတလေ Rayan နှင့် Tytanတို့ မြင်းစီးပြီး အနောက်ဘက်တော်အုပ်ထဲ သွားလေ့ရှိတယ်။ သစ်လုံးအိမ် ရဲ့အနောက်ဘက်တောအုပ်လေးထဲကို အနည်းငယ်ဝင်သွားလိုက်ရင် မြက်ခင်းစိမ်းတွေနဲ့ လွင်ပြင်ငယ်လေးရှိတယ်။ ညနေစောင်းချိန်ဆို Rayan တစ်ယောက်ထဲ သွားပြီး နေဝင်ချိန်ကိုကြည့်တတ်တယ်။

သူနှင့် ကောင်ငယ်လေးတို့ နှစ်ယောက်က စာအုပ်တွေဖတ်ရင်း အချိန်တွေကုန်ဆုံးကြတယ်။ ဒါပေမယ့်အများစုက ကောင်ငယ်လေး Tytanရဲ့ အိပ်ငိုက်သွားတာနဲ့ပဲ ကုန်ဆုံးကုန်တယ်။ လယ်ကွင်းတွေကိုဖြတ်ပြီး တိုက်လာတဲ့ လေနွေးနွေက တောအုပ်အလယ်နားလောက်အရောက်မှာ အေးသက်သက်ဖြ်းနေတယ်။ နေ့လည်စာစွပ်ပြုတ် သောက်ထားတဲ့ Tytanက ထိုအချိန်ဆို စာဖတ်ရင်း အိပ်ပျော်သွားတတ်တယ်။

ဒီနေ့ကောင်ငယ်လေး Tytanမလာပေ။ မြို့သွားမယ်လို့ Daniel ပြောသွားတယ်။ သူလည်းပဲ တောအုပ်ထဲကိုအပင်မျိုးလေး တွေရှာဖို့ ထွက်လာခဲ့တယ်။Rayan ဟာ လွယ်အိတ်တစ်ခုထဲမှာ မြေဆွေးအိတ် အချို့ကိုပါထည့်သယ်လာခဲ့တယ်။ နာရီအချို့ ကုန်လွန်ပြီးတဲ့ နောက်မှာတော့ သူတောအုပ်ထဲကို တော်တော်ဝင်လာမိလေပြီ။ သူဒီနေရာကို မရောက်ဖူးသေးပေ။ ရှေ့ကိုတစ်နာရီနီးပါးလောက် ဆက်လျှောက်ပြီးနောက်မှာတော့ သူရေကန်ငယ်တစ်ခုကို တွေ့လေတယ်။ ဒီတောထဲမှာ ရေကန်ရှိကြောင်း သူမသိပေ။ သို့သော်လည်း သူသဘောကျမိသည်။ ရေကန်ငယ်သည် အတော်ကိုသာယာသည်။ နွေဦးပေါက်ချိန်ဆိုတော့ နေရောင်ကျနေသေးသဖြင့် အရမ်းကိုလှပသည်။ သူအချိန်တချို့ကို ရေကန်ဘေးမှာကုန်လွန်ပြီး ပြန်လာခဲ့သည်။ သူဘာသာတိုးတိုးလေး ရေရွတ်မိသေးသည်။