الوقح والراقيه 1&2( مكتمله)

الجزء الثاني 17

الوقح والراقية2

17
👑 سبحان الله وبحمده سبحان الله العظيم عدد ما كان وعدد ما يكون وعدد الحركات وعدد السكون 👑

في اليوم التالي

استيقظت مريم واستعدت للذهاب الي الجامعه
في الاسفل

كان فيصل وجميع الاسره يتناولون الإفطار

جلست بعد أن ألقت عليهم تحيه الصباح
.
فيصل : افطري وهوصلك
مريم: متتعبش نفسك يا بابي ، انا ممكن اخد تاكس . مش كل يوم حضرتك هتوصلني

صخر: ليه تاكس انا هوصلك
مريم : ماشي
فيصل. : مريم هو حاتم بيوصلك وانتي راجعه

مريم : لو محدش جه خدني هو بيوصلني  لحد هنا
شذي نظرت لفيصل باستفهام لا تفهم سبب السؤال

ولكن اندهشت عندما سمعت ما قاله

: اليوم اللي محدش من اخواتك يكون فاضي فيه قوليلي وانا هاجي اخدك

مريم : ليه يا بابي
فيصل: من غير ليه
صخر: غريبه يا بابا اول مره تقول كده
جبل: هو حاتم عمل حاجه

فيصل وهو يشبك أصابعه ببعض' : لا ، معملتش حاجه ، بس انا هكون مطمن اكتر وهي معاكم أو معايا

صخر: اول مره تتكلم بالطريقه دي
فيصل: مالها الطريقه يا بشمهندس انت هتحاسبني

صخر: اسف يا بابا ، بس بسال
فيصل: كلمتي تتنفذ من غير نقاش ، ومش عشان كبرتو هتقفولي علي الكلمه

توتر الجو تدخلت  شذي: هما مش قصدهم حاجه يا فيصل ، اشرب قهوتك يا حبيبي واللي عايزه هيعملوه

مريم : الحمد لله شبعت
عمير: انا كمان الحمد لله

وقف صخر وجبل  .. صخر: انا هوصل مريم
جبل: وانا هوصل عمير

قبلو جبين أبيهم وأمهم وخرجو
*******

شذي: فيصل في ايه في دماغك
شرب رشفه من قهوته : مفيش

شذي : زي ما انت بتعرفني وبتفهمني من غير كلام انا كمان بفهمك من غير كلام

نظر لها بطرف عينه لتستند علي يدها : ها
ابتسم : ها ايه

شذي : يووه يا فيصل ، احكي بقي
فيصل : الحكايه كلها أن انا حاسس كده أن الواد حاتم مش طبيعي وشاكك فيه

شذي : قصدك أنه بيحب مريم
رفع حاجبيها لتبتسم : خدت بالي بس فيها ايه

فيصل :  لو كده هتكون في مشاعر بينهم ، وده مش كويس ، مفروض يجي يتقدم