الوقح والراقيه 1&2( مكتمله)

35

الوقح والراقيه

35

👑اللّهُـمَّ ما أَمسى بي مِـنْ نِعْـمَةٍ أَو بِأَحَـدٍ مِـنْ خَلْـقِك ، فَمِـنْكَ وَحْـدَكَ لا شريكَ لَـك ، فَلَـكَ الْحَمْـدُ وَلَـكَ الشُّكْـر👑

بعد المشكله الاخيره قررت شذي ان تترك هذه المنطقه

فيصل : مش هنمشي . ريحي نفسك
شذي بغيظ : هنمشي يا فيصل . مش هستني اما حد من ولادي يحصله حاجه .ولا يقتل حد ويدخل السجن

فيصل : متكبريش المواضيع .
شذي : المواضيع اصلا كبيره .. المنطقه هنا بقت وحشه . اللي بيشرب واللي بيبلطج علي التاني وانا مش هقعد هنا

فيصل : وانا مش همشي من هنا
شذي : ليه . الناس كلها بتتقدم وبترتقي بعيشتها وانت عاجبك المكان هنا

فيصل بسخريه : بترتقي . اقعدي بس وانتي عامله فيها مذيعه من القناه الاولي. يا ام ترتقي انتي

شعرت بان ضغط دمها اصبح عالي : انت هتشلني . انا هاخد ولادي وهمشي من هنا يا فيصل

فيصل: وانا وولادي مش هنمشي من هنا. عايزه تمشي. امشي انتي
.
رفعت عينها الي عينه بصدمه

فيصل : اللي عنده قولته. عايزه تمشي امشي من غير الولاد . والباب يفوت جمل.

تركها وخرج .. لتجلس هي علي الفراش تبكي هي خائفه علي اولادها وهو لا يهمه الامر ..

اما الولاد فكانو يسمعون من الخارج صوت فيصل كان عالي ووصل الي مسامعهم

كانت تبكي بحرقه وهي تفكر في الامر. هي تخاف علي اطفالها فقط لا يهمها شئ اخر .. وكيف سترحل وتتركهم

انفتح الباب ودخل صخر وجبل ومريم التي كانت تبكي

مسحت دموعها لتضم مريم بحنان وهي تنظر الي الفتيان بحزن علي ما فعلوه

صخر : ماما.
شذي : متقولش ماما . انت مش بتسمع كلامي.

جبل : انتي فاهمه غلط
شذي : وايه هو الصح . استني لحد اما تقتلو حد وله حد منكم يحصله حاجه . تفتكر هفرح وانتم فيكم حاجه

. صخر: عايزانا مش رجاله ونسكت علي حقنا
جبل : احنا لو معملناش كده في المنطقه الناس هتاكلنا

شذي : هنمشي من هنا. مش هقعد انا واشوفكم وانتم بضيعو من ايدي . .. انا تعبت في تربيتكم .. وانتم بكل سهوله عايزين تدمرو كل تعبي

انا هموت لو حد فيكم حصله حاجه

( بكت بحرقه اكثر وهي تقول هذا الكلام. اقترب الاثنان وقبلو يدها وجبينها )

صخر لمريم : ابعدي كده يا زفته
لتقف بعيدا وهي تهمس : رخم

جلس الاثنان وهي ضمتهم ببكاء