الوقح والراقيه
13
👑اللهم صل وسلم علي نبينا محمد 👑
يوم جديد بدا .
ليجمعهم جبل معا في شقته ليتناولون الافطار معا
نظر فيصل الي شذي التي تبدو هدئه ولا تتحدث مع لوزه او تهاني .
تناولو الافطار ودخل جبل ومعه تهاني لتساعده ان يرتدي ملابسه
شذي ولوزه خرجو من الشقه
ليخرج خلفهم فيصل. وهو ينادي علي شذي : شذي
نظرت له : نعم
فيصل : مسالتيش علي الحسابات . مش اتفقنا انك هتمسكي الحسابات وترجعي الفواتير
شذي : اه . اسفه نسيت
فيصل : طيب يلا تعالي معايا فوق وخدي الحاجه
لوزه كانت ستصعد معاهم
فيصل : لوزه اعمليلي قهوه
لوزه :حاضر. هعمل القهوه واطلع وراكم
فيصل : ماشي
صعد هو وشذي لينظر له : مالك
شذي : مفيش
فيصل': لا في . يعني انا مش عارفك. مضايقه ليه .
لا رد
فيصل : شذي انتي لسه زعلانه مني
.
لتحرك راسها : لا .
فيصل : طيب مالك بس . زعلانه كده ليه ..
شذي : انا مش زعلانه
فيصل : طيب مضايقه ليه
رفع خصله شعرها خلف اذنها : قولي بقي. هفضل اتحايل عليكي كتير ..
شذي : مش هتفهني
فيصل : جربي واحكي وبعدين احكمي
شذي: فيصل انا حاسه اني متلخبطه . فجاه كده الحياه كلها باظت والكل اتخلي عني وبعدين لاقيت نفسي في مكان تاني مع ناس تانيه . هناك كنت بتعامل زيهم . وهنا كل حاجه متغيره .
فيصل : بس كل ده شيئ طبيعي . احساس انك متلخبطه ده عادي جدا ..وبعدين احنا مش من عالم تاني.
شذي برقه : انتم احسن وانضف من اي حد
ابتسم لها : بت انتي انشفي شويه وبطلي الطريقه دي
ابتسمت : طريقه ايه
فيصل: الرقه . وبتتكلمي كده
لتنظر له بغيظ : هتقولها تاني
فيصل ضحك : مقولتش حاجه . متفكريش في حاجه وسيبي كل حاجه تمشي زي ما ربنا عايز .. ارضي باللي كاتبه وهتلاقي الخير ان شاء الله
أنت تقرأ
الوقح والراقيه 1&2( مكتمله)
Romanceأقاتل لاجل من اهوي ❤ ومن اهواه ... يقتلني 😞 شخصيه البطله ضعيفه . البطل وقح وسوقي الروايه مستفزه💁.. إذا ما تحب هذا النوع لا تقرا عزيزى .. واحتفظ برايك الوقح لنفسك 🤷
