اسكريبتات

متجوز واحد صاحبي💪😒

#لـِ مريم نصر"ظلال خفية"

#متجوز واحد صاحبي

رتيل :
"محمااااااه."
محمد :
"ايه يا بنتي انا قاعد جمبك على فكره مش ساكن في الدور العاشر."
رتيل :
"خلاص يا برنس، مالك انفجرت في وشي كده ليه؟"
محمد :
"برنس؟! هو انا متجوز واحد صاحبي؟"
رتيل :
"صاحبك؟! انت بتتريق عليا، انت مش بتحبني ."
محمد :
"خلاص يا رتيل ماتعيطيش انا كنت بهزر معاكي."
رتيل :
" انت اتجوزتني ليه؟ هاااااه. "
محمد :
" عشان بحبك."
رتيل :
" كداب اقولك انا ليه."
محمد :
" ليه يا فلحه؟"
رتيل :
" هقولك امك، اسمها ايه؟"
محمد :
"رتيل."
رتيل :
" وانا اسمي ايه؟"
محمد :
" رتيل."
رتيل :
"عرفت ليه بقى يا بشمهندس؟ "
محمد :
" عرفت ايه؟ انتي عبيطه يا بت؟ ايه جاب دي لدي؟"
رتيل :
"مش انت بتحب امك؟"
محمد :
" امك؟! اسمها امك؟ بس اه مش امي. "
رتيل :
"يا عم ماتزوقش، بعد لما مامتك اتوفت نزلت تدور على واحده فيها مواصفاتها ولها نفس اسم مامتك صح؟"
محمد :
" بت انتي مجنونة؟"
رتيل :
"مجنونة؟! ماشي يا عم مقبوله منك بس رد."
محمد :
" بت انتي اتفه واحده شوفتها في حياتي مخلياني سايب الماتش وقاعده تتكلمي في حاجات تافهه زيك."
رتيل :
" انا تافهه؟! "
محمد :
" رتيل انا عايز اتفرج على باقي الماتش فياريت يعني تخشي تقعدي جوه. "
رتيل :
" لا خلاص هقعد اتفرج معاك و هسكت. "
محمد :
" ماشي هنشوف."
رتيل :
" بص هيجيب جول جوووووووول. "
محمد :
" يا بت المجنونه ده الفريق التاني امشي من هنا احسنلك."
رتيل :
" وانا ايه اللي عرفني؟ طب هات المسلسل لحسن زين قتل ليونارد ومش عارفه ايلا هتعمل فيه ايه؟"
محمد :
" ايه يا بنتي الأسماء الغريبه دي؟ و مسلسل ايه ده؟"
رتيل :
"ده مسلسل تركي بس عجب هاتوا بقى."
محمد :
" ادخلي اتفرجي عليه جوه. "
رتيل :
" لا انا عايزه اتفرج عليه هنا، مزاجي. "
محمد :
" مزاجك؟! طب انا هنزل اتفرج على الماتش في القهوه وهسيبك لوحدك. "
رتيل :
"محمااااااه ولا محمااااااه طب والله لوريك ايام سوده، شوف مين اللي هيعملك المكرونه بالبشاميل اللي بتحبها؟"

#لـِ مريم نصر"ظلال خفية"