اسكريبتات

الامتحانات 💔

#لـِ مريم نصر "ظلال خفية"

#الامتحانات.

همسه ببكاء مصطنع :
"اه ياني، ادعيلي يا أمي ادعيلي علشان الواحد هيسقط."
نادية بدعاء :
"ربنا يديكي على قد تعبك يا بنتي."
همسه بفزع وصراخ :
"لاااا يا ماما لا انا كده هسقط حرااام عليكي."
نادية برفعة حاجب :
"وحيات امك؟ ومين قالك تفضلي مكومه عليكي كل ده؟"
همسه بتعجب :
"وانتي عايزاني اذاكر طول السنة علشان يوم؟! "
نادية بسخريه :
" لا ودي تيجي."
همسه بابتسامه :
" شوفتي اديكي اقتنعت...."

ولكن قبل ان تكمل جملتها وجدت نعل والدتها في وجهها.

همسه بألم :
"ليه كده يا ست الحبايب؟"
نادية بصوت مرتفع :
" ذاكري يا بت الجزمه وبطلي صياح، ده انتي بتصحيلي وبتصيحي على الفيس والواتس كفايه."
همسه ببكاء مصطنع :
"هو الفيس والواتس اشتكووووولك."
نادية بغضب :
"قومي يا بت ذاااااكري."
همسه بتذمر :
" حاااضر بقى، ربنا ياخدك يا طارق يا شوقي. "

ثم بدأت تذاكر وفي اليوم التالي ذهبت إلى الامتحان وعندما استلمت الورقه انصدمت.

همسه بهمس لنفسها :
" قعدتي يا ماما تقوليلي ربنا يديكي على قد تعبك لحد ما هشيل ابح"
ثم تحدثت بصوت مرتفع :
" يالهوووووووي."
المراقبة بتعجب :
" في حاجه؟"
همسه بارتباك :
" لا لا. "

ثم أخرجت هاتفها ووضعته على قدمها وبدأت في نقل الإجابات ولكن فجأة وجدت يد تضرب على الديسك الذي تجلس عليه.

المراقبة وهي تنظر لها بنصف عين :
" بتعملي ايه يا بت؟"
همسه بارتباك :
"ب... بكلم ماما أصلها بعتالي رساله فبرد عليها. "
المراقبة برفعة حاجب :
" وحيات امك؟ يلا محضر غش."

ثم فعلت المراقبة لها محضر غش وذهبت همسه إلى منزلها.

نادية بتساؤل :
"هاا عملتي ايه؟"
همسه ببلاهه :
"اخدت محضر غش يا امااااا. "

ثم سقطت فاقده الوعي.

(تعيشي وتأخدي غيرها يا همسه 😂)

#لـِ مريم نصر "ظلال خفية"