اسكريبتات

روتين رمضان😱

#لـِ مريم نصر "ظلال خفية"

#روتين رمضان.

استيقظ عمر ودلف إلى المرحاض حتى يتوضئ وبعد أن انتهى ظل يقوم بأخراج الماء من فمه حتى يتأكد انه سيظل صائم.

عمر بابتسامة :
"انا تفيت خمس مرات فاضل عشر مرات علشان اتأكد اني مش هفطر."

وبعد أن انتهى خرج وادى صلاته ودلف إلى والدته في المطبخ.

عمر بتوسل :
"الله يخليكي حاولي ماتخرجيش ريحه يا اما هفرفر منكم."
رانيا (والدة عمر) بغيظ :
"امشي ياض من هنا هي ناقصه هبل."
عمر بتذمر :
"انا ههج من البيت ده قريب."
رانيا ببرود :
" علشان نخلص منك واهو توفرلنا مصاريفك."
عمر باستفزاز :
"ايه ده؟ انا بحب البيت ده اووي، ده انا لما اتجوز هجيب مراتي ونعيش هنا. "
رانيا بصوت مرتفع :
"امشي ياااااض."

وبالفعل غادر عمر المطبخ وبدأ في اللف داخل المنزل.

عمر بصوت مرتفع :
" جعااااااان اكلوووني او شربووووووووني، طب حتى اغثوووووني."

وما جعله يصمت هو سلاح كل ام مصريه.

عمر بعبوس :
" ليه كده يا أمي؟"
رانيا بصوت مرتفع :
" امشي يا موكوس يا ابن الموكوووسه شوفلك شغلااانه بدل الصداع اللي انت عامله دههه."
عمر بغيظ :
"انتي ام انتي؟ والله كده حرااام. "
رانيا بغضب :
" غوووو ياض ذاكر."
عمر بسرعه :
"لا انا نازل اشوفلي شغله."

ثم ركض خارج المنزل قبل أن تجعله والدته يبدأ في المذاكره.

#لـِ مريم نصر "ظلال خفية"