ازل- اصعب لحضات دتمر عليه كمت اتحلم بيها. تنزف عيونها وافز اشغل تيبل لامب الكاها نايمه للفجر مكدرت بعد تعبت حتى من النوم كمت طلعت لحديقتهم جبيره وعمو مرتبه كعداته وي صدقانه. كلها بيها. افتريت شفت. سياره. راكان بالطرمه لعد بيش راح هذا من اركز زين لكيته. نايم بيها وايده على عينه
تقربت من الجامه خطيه منزل الكرسي ومتغطي بقمصلته انكسر كلبي علبه من كل كلبي اندعيت. كون الله يشافيها اله
تركته. وطبيت واتفاجا بعمو كاعد شافني عكد حاجبه
شو كاعد عمو
رائد- وين جنتي ازل شو بره
اختنكت. طلعت هذا راكان بره نايم بسيارته
اعرف البارحه مقبل يروح ومقبل يطب هم روحه دتلوب. عفته براحته ليش منمتي
مادري انت شوكت كعدت
هاي توني راسلني الطبيب الفجر دادز صور الاشعات والتخاليل اله
ازل- تقربت منه. كمت اطك ويا الصور وارسل. وياشرلي
هاي هم طكي
وارجع اطك
الله يرضه عليج عمو. خلي القوري عالنار هاي نايمه الخدامه
اي عمو صار
هليته وكعدت بيبي تصلي بالغرفه بصف المطبخ. علمود عمو
كملت وصليت وياها كامت تطلع ادعيه وتاشرلي بعد هذا اقري واني اقره
كملنا وكامت. تطلع الريوك من الثلاجه. على كيفها تشتغل وتردد ايات قرانيه وادعيه. استغفار وصلاة على محمد وال محمد
واني وراها
عمو لا زم راسه ويعاين للتحاليل.
سويت وي بيبي الريوك وصاحو راكان باوع لعمو كال
كعدت اسو
لايابه نايمه
عمو حفوت اكعدها
توه يكول لا وباوع لبيبي بيبي كالت فوت يمه يمها فوت هي من تشوفك تتعافى
طب راكان للغرفه بعد مطلع
عمو طلع. للطبيب قبلها سالتي عن جوازي ان كانت خلصانه مدته ولازمه تجديد والحمد لاه ممحتاج تجديد بقيت يم بيبي. كلما اريد اروحً وجلبت بيه تتوسل ابقه
بقينا نحجي هواي. عالدين والدنيا وعلى عمو رائد اكثر شي
كالت
زوجه ابو من حس روحه حيموت كال اريد افرح. بي ببزرته. زوجه بعمر ال١٨ كلها سنه وصارت اساور مجانت توكع من حضن الجد تالي هو راح و امها تمرضت. بقت معلعله. ممكمله ٥ سنين. اساور وتوفت. امها بس كضتها الام من مرضه لمرضه راد يتزوج. مره لخ خاف على بنته اني ادزي ابني. عده. علاقات بس اعرفه ميدوس الحرام. ومتطمنه.
وهب حياته لاساور
والله اذا صارلها شي يموت
كالتها وبجت ياربي انت اعلم بالحال راد يزوجها يفرح بيها ويشوف جهالها. الطف بينا يارب
متت قهر تحجي ونبجي سوه حضنتني. وشهكت
يمه اتي هم داوجع كلبج بس ماعدي غيرج. وانتي عايشه ويانا وتحسين بينا والله شهرين عايفتج يومين تبجي وتكولي بيبي. صديقتي واختي شكيت بيها. وتدعي غلى روحها
