بارت ٢٨
#أماً_لهُن
#مريم_السعدي
عسل : منا عمو مسدود مسدود المطبخ نار متكدر تفوت حتى من الشباك عموو
انور : اي عمو هسه اتشلبه الحايط
- شون نطلع عمو
- من حايط الحديقه لتخافين بس تعاي اكمزي عالستاره عسل باعيلي اكمزي منا واني انزلج
- اخاف والله
- لتخافين عاينيني. بس باعيلي تتشخط رجلج وايدج ولا تحتركين عمو حبيبتي
- اخاف عمو
- عسوووله وكت ماااكو الهام لتفووووتييين صيح بكل قوته من سمع صوت العالم تلزم عمه حتى متفوت
عسل اني
يتيمه ام واب
وحياة عائليه طبيعيه
من صغري احساس الام والاب. اني ماعرفه
للومه ضغط عملها وتعبها من ترجع خلتها تفقد خاصيه التواصل بالكلام ويانا مشكور تعبها ويانا
بس اليوم عرفت بيها كانت مو ام لا كانت احتواء خوفها وصراخها والعالم مجلبه بيها حتى متفوت
الحب الجانت متبينه النه ضهر كله كدامي وكل المنطقه شافته.. توسل عمو بيه.
- عسل فدوه اكمزي هنا هاي مو كلش تتاذين صيري سبعه
- لالالا اخاف اخاف
- لج عمو البيت حيوكع بيها اذاانفجرت القنينه. انتهت ميبقه منه. كيلو لحم
صفنت عالكع
باوعتله وهو ببعد مترين عني
- عمي مااتاذه كلش
- لاوالله متتاذين يله يله
وصارت طبه قويه مدري شطك
صرخت وكعدت
عمو بسرعه كمز جرني من هدمي صرخت كمت ادفر خايفه صررخ بعلو صوته
- عسسسسسسسل. قوي رووووحج.
كمت ابجي
- غمضي عينج. وكمزي
غمضت عيني وجرني وكعت على ركبي وجرني سحل وكعنا بالحديقه سيقان الورد نبتت شوكها بجسمي ابجي اريد اكوم ماكدر رجلي تون شالني سحل وتشلبه على حايط البيت من زاويه الحديقه. بقه واكف عالستار ولزمني من كتفي شالني وشمرني عالرصيف كومه ناس استلموني لسياره حسن الخط عمتي هم صعدت ركض جنت مخنوكه كو ه اتنفس وعمو هم طلع حسن ركض وعمه تشهك بجي حضنتني واني جسمي من ركبي دم وايدي وزنودي مزركه من التشخط مال نثر السطح والحايط
من طلعت السياره بسرعتها عود شفنا الاطفائيه طبت لفرع بيتنا
البيت انتهى عمتي ميته بجي و عمه تبجي عمو انور خانس وحسن يسوق بالنهايه انتبهت عمو كاعد ليوره و عمه يمي ومن صفحه اللخ عمو انور وانتبه ايد بيها شعرليكدام منو هذا
حسن : انور هذا مضمد احسن من المستشفى
انور : عسوله توجعج رجلج عمو
عسل...
بس اتصفن واباوع بالوجوه الهبطه اكلت لساني للومه جارتني بحضنها ودمعها تنزل على وجهي ترتعش وتشدد بحضنها
