بارت ٢٤ (كامل)
#أماً_لهُن
#مريم_السعدي
عسل....
بكد منقهرت بكد ما حمدت الله وشكرته خلص هاهي ممكتوبلي. الحمد لله على كل حال
يحيىى- يحيى
منو انت ومنين تعرفني
ساعه اكول ارجع اعيد سنه حلمي يستحق الانتظاروارجع اتذكر تعب الدراسه واتراجع
لثاتي يوم الصبح
كلهم راحو للدوام
واني بقيت وحدي
دزيت رساله
شون مال كرواسون وجاي هسه
راسا رد
هههههه مو تدللين مال نجاحج هاي نص ساعه وتصير يمج
منين تندل البيت
هههه مالج دخل الج الصافي
متخابر
ليش لا نتخابر
دك رديت الو
هلاو كالها بهدوء وكمل
زين الحمد لله ضل بالي عليج البارحه
لا احسن بس فكرت فكره
اممم شنو
يمكن حرجع اعيد
لالالا عسل لا دير بالج تندمين والله
ليش والله حلمي يستحق الانتظار
ابويه وشبيها التحليلات شحجينا البارحه
يعني برايك جوز بيها صالح
اي اكيد
سمعت طنه حاسبه يمه
انت شتشتغل يحيى
ها ههه مكتبي
يعني شنو
يعني عدي مكتبه استنسخ عالطابعه والاستنساخ اني
ها
اي
وليش مكملت دراستك
صار عدي ضرف وتركت
همم زين يعني عدك مكتبه
اي تقريبا جننا شراكه هسه وحدي
تبيع اقلام مااقلام وهالسوالف
اي كلشي تردين موجود قصص كتب. اي شي
همم زين اريد قصص
شون قصص تردين عسوله
مادري اي قصص
عدي اشكال عدي رومانسيه عبيريات وسحر وهالسوالف وعدي اجاثا كريستيً وكومه مجاميع شنو ببالج
اريد عاطفيه
ها ادزلج عبيريات
اوك
وبعد شنو تردين
هاهي
اللي راح تقريهن اني قاريهن كلهن اكثر من مره لدرجه حافظ اسماء كل ابطالهم ومواقفهم
صدك
اي ماعدي شي كاعد ابيع استنسخ واقره بالفراغ
شون حلو
اي حلو الاستطلاع
شنو عدك بعد
ادوات رسم ولوحات مال رسم وستاندات
الله حلو
ترسمين انتي
لا والله ههه ابد
اي هي هوايه
انت ترسم
اني لا نقشات انقش زخرفه
ها حلو
اي مرتب
بعد شنو
ها صدك عدي كوابه اكدر اطبع عليها صورتج.
الله اطبعلي
تدللين
ادزلك صوره
اي دزي وحده حلوه اطبعها على كوب لو تردين كوشه
لالا كوب
هاهي تدللي
ها عدي دفاتر مذكرات سوالف بنات. تحبين هالسوالف
اممم لا
احسن هههه فايخات
اي والله
دااحجي ودك الجرس همس وهذا ريوكج وصل
صدك دزيت شكد عيب عفيه شكد فلوسها ميصير هيج
عيب عليج والله ريوك نجاحج هذا
زين ليش هيج تهتم بيه. شعليك مني
تضوجين احد يهتم بيج عسل
لا بالعكس كلش حلو بس اضوج متاخذ فلوس مواني ماعرفك
جر نفس وسكت
احجي كمين تعرفني وليش تهتم بيه ومنو انت
موكلشي ينحجي عسوله
