❤️
.
.
.
.
.
.
.
.
.
.
.
يلا نكمل قصتنه
.
.
.
.
.
لارا... دخلت يارا بيده شوربه وماي ونستله كعدت يمي
يارا... صار ساعه ادورج بابا اكول خلي تاكل
لارا... هزيت راسي لا ودرت
يارا... يلا كومي بلا عناد هي شوربه بسرعه تخلص يلا يلا يلا
لارا... ظلت ازن براسي اكلت يلا سكتت انطتني النستله اكلت شوي ورجعت انطتني حبايه شوي ونمت استمرت هيج حياتي مااعرف اشكد خلصته بغرفة ليث تجي يارا تنطيني اكل ومرات اجيب ملابس ادخل اسبح وارجع على وضعي مره صارت هوسه جوه وصوت ناس وجهال وحتى رمي صار بس اني مالي خلك حتى اسأل شنو صاير خليت المخده على راسي وسكتت فتره واجت يارا مثل كل يوم بس شو هاي بس تتمضحك... شبيج
يارا... مابيه شي تعاي يلا خلي ناكل
لارا... اكلت شوي وأخذت نستله اكلته رجعت نمت وغراض ليث مسطرتهم يمي محابسه سبحته عطره ملابسه صوره كوله على جربايته
يارا... جبتلج ملابس كومي سبحي
لارا... اخذتهم ودخلت سبحت طلعت مشطت شعري وسوته ظفيرة عافتني ونزلت واني خليت صورة ليث على كلبي ونمت كعدت صاير دنيه ليل بجيت لحد مكلت بس دخل عمو عمار الكل صعد شافني الا هو
عمار.... لارا كومي وياي
لارا... مااريد
عمار... عندي مفاجأة اذا ماعجبتج رجعي
لارا... مااريد اطلع منا
عمار... دكومي باعمو وشوفي اذا ماعجبتج
لارا... اجه جرني والكل نايم البيت هدوء واني ادفع لي اريد ارجع لغرفة ليث دخلني للديوان مال البيت طلع وسد الباب درت شفت.....
ليث... بعد مافقدت الوعي كعدت اني بغرفه بلمستشفى وعمار وعمي ومصطفى يمي بس شافوني كعدت اجو سلموا علي فحصني الدكتور وكللهم وضعه تمام يبقى يومين ويطلع الي عرفته اني بعد ماصوبت نقلوني لبغداد ومسويلي العملية وجانت حالتي خطره وصار ٤ايام من فاقد الوعي خابر ابوي حجيت ويا وي امي ويارا بس بنيتي محد جاب طاريها. راسلته ماجاوب... عمار لارا شبيه
عمار... لارا من يوم الي صوبت هي مكابله غرفتك وكاعده لا تقبل تطلع ولاتقبل تحجي وبلتواسيل يلا تاكل شوي
ليث... اوووف خلصت اليومين بطلعان الروح طلعوني ورجعنه بالطيارة للبصره وابوي خابص الامه ماباقي احد ماعازمه وجماعتي يرمون سوو العزيمه وهوستهم واريدهم بس اطلعون صار اليل يلا شفت امي ويارا ومها وهم كعدوا شكد يلا طلعوا بقى بس عمار... بعد اخوك ماجيبلي لارا
عمار... هههههه لا والله تعبان
ليث... لعد اني اروح
عمار... دكعد هسه اجيبهه واروح يم مرتي وشلون مفاجأة محضر الك
