😭😢
.
.
.
.
.
.
.
.
.
.
.
.
.
.
يلا نكمل قصتنه
.
.
.
.
.
.
.
ليث... سدته بوجهي ارجع اتصل مغلق كسرت شنو كبالي
ياسر... ليث ليث اهدئ شبيك تخبلت هيييي ويامن احجي
ليث... اجه لزم ايدي وكعدني كوه
ياسر... فهمني شبيك توك كاعد
ليث... كلما اريد أصلح شي يخرب اكثر
ياسر... فهمني شصار
ليث... سمعتني احجي عليه
ياسر... خررررب وهسه ارجع خابرهه
ليث... سدت التلفون لازم اروح اله
ياسر... اكعد لا تروح انته معصب وهي معصبه وراح ازيد المشكله
ليث... ظليت كاعد على نار اروح وارجع وماكو احد افتك من عصبيتي علما خلص الدوام ورحت نشلع كلبي وصلت البيت بعده هدووء صعدت اخذت المفتاح يم الباب ذابته دخلت مفتوح الضوه والغرفه بارده وهي نايمه على القنفه خليت ايدي على وجهه ثلج ايديهه نفس الشي حاولت اكعدهه ماكو كمت بسرعه جبت جكليته وكوه فتحت حلكه خليت الجكليته بي انتضرت شوي ماكو جبتله عبايه لفيته وشلته نزلت شفت عمار توه نازل... عمااار اخذ سويجي من جيبي وافتح السياره بسرررعه
عمار.... شنوو شبيه
ليث... هسه روووح افتح السيارة... اخذ السويج وطلع قبلي واني ورى نيمته ورى وصعدت يمه خال راسهه بحضني وايدي بركبته نبضهه ضعيف كلش... عمااار بسرررعه
عمار.... اطييير
ليث... وصلنه للمستشفى شلته ونزلت اركض اجو اخذوهه مني قبل لايدخل الدكتور حجيتله عن حالته دخل بسرعه اجه عمار واكفين يم الباب ننتظر
عمار... ليث فهمني شبيه امس تعشت مابيه شي
ليث... حجيت كلشي لعمار
عمار... يااخي انته الغلطان تدري بلارا ما تخالف حجيك لو بشوي حقهه اضوج نوب اجيت كملتهه من حجيت عليه شتتوقع اصفكلك
ليث.... وانتوا ماكو واحد بيكم صعد شافهه عود اليوم اول يوم خفر عندي وهيج صار
عمار... غير هي طلعت شوي وطلعت وراها مريم من رجعت كالت لارا صعدت وتكول لحد يزعجنه اريد احجي وي ليث براحتي حتى امي ضاجت وهددت يارا اذا تروحلهه
ليث... هاي مريم وين تريد توصل يعني مو مابقى شي ماصار بيه
عمار... ماادري والله واحنه حتى ظلينه نستحي نروح نحجي لعمي الرجال على ساعه ياكاتله خلاص ومبتلي يا هو حيطك وموت
ليث... هسه خلي اشوف لارا وبعدين الله كريم... شوي وطلع الدكتور
الدكتور.... طبعا جان بينهه وبين الغيبوبة شعره بس ناقذيه بلجكليته الي خلايه بحلكه واهم شي ديرون بالكم عليه من الضغط النفسي لان انتوا تعرفون حالتهه فمااعتقد تاركيهه بدون حلا
