الحلقه ٢
تأنقت نيهال وضعت من مساحيق التجميل مايناسب الصباح اخذت والدتها تدعو لها بالتوفيق والتيسير
قبلتها نيهال وقالت لها:حبيبتي باماما دايما كدا في ضهري
انا كلمت بابا وفرحته
سعاد:كلمتي اختك
نيهال:اه طبعا وهكلمعا لما ارجع تاني
سعاد:طيب ياحبيبتي يلا خلي بالك من نفسك وسوقي على مهلك
نيهال: حاضر.
وصلت نيهال المدرسه وخفقات قلبها تدق بسرعه شديده
ترتجف من التوتر
دخلت غرفه السكرتاريه
نيهال:صباح الخير ،انا نيهال وعندي موعد النهاردة عشان استلام الشغل
السكرتيرة:ايوة اتفضلي بس الاستاذ اللي جوة يخرج هدخلك ع طول عند مستر رؤوف
ابتسمت نيهال واغمضت عيناها ودعت وشكرت الله كثيرا
فتحت عيناها ع صوت سمعته من قبل
التفت الى الصوت للتفاجيء بنادر
نعم فقد تم تعينه هو الاخر
استحت ونظرت الى الارض
كررت اسمها السكرتيرة واخيرا انتبهت نيهال
السكرتيرة:اتفضلي مستر رؤوف مستنيكي
نظرت نيهال الى نادر نظرة سريعه
جاءت عيناه ف عيناها فهو الاخر كلن ينطر اليها
قابلت نيهال مستر رؤوف ورحب بها جدا
مستر رؤوف:ممتاز يا انسه نيهال شهادات وتقديراتك ممتازة جدا
نيهال:متشكرة جدا لحضرتك
انا بحب الشغل جدا جدا وبحب اطور من نفسي
مستر رؤوف:باين عليكي الحماس عايزين الحماس ده طول السنه ولا هنكسل
نيهال:لا خالص ان شاءالله هثبت لحضرتك
مستر رؤوف:مدرستنا كسبت عضوة جديده معانا مبروك
ابتسمت نيهال وشكرت مستر رؤوف وخرجت مبتهجة
ليقف امامها نادر
تلاقت العيون وبين العين والعين تبادلا الاثنين عتاب
انتيه نادر لوجود السكرتيرة
مبروك يا مس نيهال وابتسامة خبيثه منه اليها
نيهال:الله يبارك فيك ومبروك انت كمان ربنا يوفقك
تحركت نيهال من امامه
افكارها تتخبط في رأسها
هل كان لازاما عليها الاعتذار. منه على عدم ابلاغه بقبولها ام تترك الامور تسير كما تشاء
ذهبت نيهال مع المشرفه كي تتعرف على ارجاء المدرسه والفصول وغرفه المعلمين
ومكتبها ووووو
واخيرا القت بدفاترها على المكتب منتظرة معلمة أمل لتصطحبها الى فصلها وتتعرف على الطلاب
دخل الغرفه نادر ملقيا التحيه ناظرا الى نيهال دون ان يتفوه بكلمة
جاءت معلمة امل واصطحبت نيهال لتريها الصف والطلاب
استعادت نيهال نشاطها فحبها للتدريس يعطيها طاقه وامل
دخلت الصف والفت التحيه ع الطلاب
طلاب صف رابع بنات وبنين
ردوا جميعا التحيه وجلسوا ف هدوء
تحدث معلمة امل لتخبرهم ان نيهال معلمتهم الجديده وسوف تدرسهم مادة الرياضيات
استأذنت امل من نيهال كي تسلم نادر صفه
نيهال:ازيكم ياحلوين انا هنا عشان اعلمكم الرياضيات بطرق سهله جدا
وفي الحصص الفاضيه ليكم انا زي اختكم او مامتكم
اي حد محتاج حاجة مايترددش ويجي ع طووول
يلا نتعرف ع بعض وندردش شويه
ابتسموا الطلاب وارتاخوا قليلا وعرفوا انهم يتعاملون مع معلمة لينه وليس وحشا كمان كان معلمهم السابق
—————
استلم نادر صفه وتعامل مع طلابه تارة بحدة وتارة بلين
بدا على بعض الطلاب الانزعاج
فنادر ايضا معلم رياضيات
احس نادر بانزعاج الطلاب ففكر سريعا كيف يقضي ع انزعاجهم
فكر قليلا وبدأ يفتح معهم نقاش عن هوايتهم
انتهى اليوم الدراسي الاول لكلايهما
مر اليوم على نيهال كالطيف خرجت من صفها بكل طاقه وحيويه
التف حولها بعض من الطلاب
مبتسمين لها ،استمعت لبعض الكلمات المشجعه منهم ،وان الحصه انتهت بسرعه شديده
اما نادر فكان يتابع الامر من بعيد
فطلابه كانوا يتأففون معظم الوقت
استغرب نادر
ماذا فعلت لهم كي يحبونها من اول لقاء؟!؟!؟
اقترب نادر من نيهال
نادر:ازيك يا مس نيهال كدا من اول يوم خطفتي كل الطلاب دول
خجلت نيهال من كلام نادر
نيهال:لا خالص بس بحب اتعامل معاهم الاول بطريقه كذا تشيل الرهبه من عندهم
عشان يقدروا يستوعبوا ويحبوا المادة
نادر:على كدا قى لازم اخد منك الطريقه
نيهال: امممم محتاج مساعدة؟؟
نادر:بصراحة اه محتاج
نيهال:اتفضل
نادر:طيب ينفع نتقابل بعد المدرسه
استغربت نيهال لجرأته لطلبه هذا الطلب
نيهال:لا اسفه مقدرش
بس لو خضرتك محتاج مساعدة هتلاقيني في غرفه المعلمين بعد اذنك
تركته نيهال وحزمت امرها سوف تتعامل معه بطريقه رسميه
فكر نادر بطريقة اعتذار لنيهال وكيف تتقبل اعتذاره
ذهب هو ايضا الى غرفة المعلمين
جلس على مكتبه ونظر نظرة مطولة لنيهال وهي مستغرقة في اعداد الحصة القادمة
وبجوارهم بعض المعلمين
نهض نادر واتجه الى نيهال بصوت مسموع
استاذة نيهال بعد اذنك ممكن مساعدة
نظرت اليه نيهال بحدة
ثم اشارت اليه بالجلوس
نيهال : اتفضل
نادرا مخفضا صوته:انا بعتذر
ثم تنحنح قائلا بصوت مسموع
كنت عايز من حضرتك طرق جديده اتعلمها منك ازاي اخلي الطلاب مايزهقوش من الحصه
انا كنت بتعامل مع طلاب اكبر فالمرضوع كان جدي شويه
انما دول طلاب صغيرين ممكن تساعديني
وضعت نيهال ما في ايديها واخذت تعطيه بعض الافكار وهو ناظرا لها
انتهت نيهال واستأذنت منه لقد حانت موعد حصتها
نادر:اسف لو ازعجتك وخدت من وقتك وبعتذر مرة تانيه لو صدر مني حاجة ضايقتك
نيهال:مفيش داعي للاعتذار محصلش حاجة
بعد اذنك
ذهبت نيهال لحصتها ونادر ايضا
وبعد انتهاء اليوم الدراسي
ذهبت نيهال الى سيارتها لتجد ورقه مكتوب فيها
اسف
تبسمت نيهال ونظرت حولها فكان هو نادر بالجهة الاخر ينظر اليها
هزت رأسها وكأنها تقول له لا داعي
ركبت سيارتها وذهبت
—————
اتجه نادر الى مسكنه حيث يعيش بمفرده بسبب عمله واهله باحدى المحافظات
وقرر ان يزورهم في نهاية الاسبوع
—————
اتصلت نيهال بوالدها واخبرته كيف كان يومها واخبرته مدى سعادتها بقبولها في هذه المدرسه
حدثها والدها ايضا بفرحته لها وسعادته
واشتياقه لها ولوالدتها
وبأنه يجهز لمفجأه قريبه لهم
————
جاء نهايه الاسبووع وكان مليء بالاحداث
تقرب نادر من نيهال وكان يحرص على ان لا يجرحها او يقتحم خصوصياتها
وخلال الاسبوع جمع معلومات عنها كافية
بدأت نيهال تتقرب هى الاخرى لكن بحذر شديد
لم يطلب نادر رقم الهاتف مرة اخرى
ونيهال لم تحاول الاتصال به
حرصت نيهال على الحدود التى وضعتها لهم
سافر نادر الى بلدتهم والتقى بعائلته
وبعد العشا ء جلس نادر مع امه وابوه كي يفاتحهم في موضوع هام
محمود والد نادر:خير يا ابني في ايه
ابتسام والدته:مش عوايدك تيجي كدا من غير سبب
نادر :جيت اشوفكم واقولكم اني لاقيت عروسه
خبطت ابتسام على صدرها: عروسة؟؟عروسة ايه دي!؟!؟انت ناوي تتجوز واحدة من بتوع القاهرة
لا تعرف عوايدنا ولا تقاليدنا
مالها بنت خالتك؟؟؟
بتحبك وابوها عنده مواشي واراضي
نادر:مواشي واراضي ايه بس يا امه
انا عايز اتجوز واحدة تليق بيا وبشهادتي
تقوليلي مواشي واراضي
محمود:ودي مين اللي عايز تتجوزها
نادر:زميلتي ،انا لسة مفاتحتهاش في الموضوع بس حاسس انها هتوافق
ابتسام:زميلتك؟!يعني مرتبك ع مرتبها يادوب يعيشوك
واقولك بنت خالتك مش عاجبك
ع الاقل جوازة مش هتكلفك جنيه
نادر:اسمعي بس يا امه
دي معاها عربية وانا سألت عليها وعلى اهلها
اهلها مرتاحين اووي وعندهم عمارة في منطقه كويسه وابوها كاتب لها شقه باسمها
وليها اخت مهاجرة
وابوها مسافر برة وعنده ملايين
ابتسام؟صلاة النبي
ايوة كدا فرحت قلبي
محمود:طيب يا ناصح ودي هترضى بيك ليه
نادر:انا اتكلمت معاها وعرفت شخصيتها
انا اه مش واثق اوي انها هتوافق بس قلبي حاسس انها مياله من ناحيتي
على العموم انا عرفتكم وهسيبلكم فلوس
تشترو لبس جديد ليكم ولاختي
وعبدالله
ولو احتجتم حاجة كلموني ابعتلكم
اول ما اتفق واكلمها هبلغكم وتجهزوا نفسكم
تيجو القاهرة تقعدوا عندي الاول قبلها بكم يوم
محمود:ان شاءالله
نادر:متقوليش لحد يامه
لو خالتي سألتك قوليلها جايه تغيري جو
بلاش تعرفي حد
ابتسام:طيب مش هقول
