الحلقه ٣
رجع نادر الى القاهرة بعد ان ابلغ والديه بما يخطط له
درس شخصيه نيهال وراقب تصرفتها مي يدخل لها بطريقه لائقه بها
وفي احد الايام وبعد انتهاء حصة نيهال
جالسه نيهال بين دفاترها اقترب نادر
نادر:احم احم ،صباح الخير ميس نيهال
تسمحيلي اقعد
نيهال:صباح النور ،اتفضل
نادر:بصي انا مابعرفش الف وادور انا هدخل في الموضوع ع طول
انا عايز اتقدملك ،موافقه؟؟؟!
صدمت نيهال بطلب نادر لم تتخيل ان نادر يتحدث هكذا في ثانيه طلب منها الزواج
فاقت نيهال من صدمتها
نيهال تمالكت نفسها:طيب خضرتك شايف ده مكان مناسب للكلام ده
نادر:بصراحة انا اترددت اطلب منك نقعد في مكان
قولت لا هتفهم غلط وعايز اتسلى
رقم تليفونك مش عايز اقتحم خصوصياتك
رغم ان ممكن اجيبه بسهوله بس محبتش اعمل حاجة تضايقك
لحد ماقولت بسس هو لازم اجيبها خبط لزق
مشعارف. صح ولا غلط بس مش هلف وادور
خدي وقتك تفكري
ولو محتاجة اجي النهاردة البيت معنديش مانع
لعب نادر لعبه صغيرة كأنه لا يعلم ان والدها ليس في المنزل
اراد ان يظهر لها حسن نواياه
ترددت نيهال في كلامها وتأتأت لحظات ثم تماسكت
نيهال:لا مش هينفع انا والدي مش موجود حاليا
عموما سيبني افكر وهرد عليك
نهضت نيهال من مقعدها كي تتفادى احراجها الشديد
بعد اذنك
نادر مبتسما:اتفضلي
خرجت نيهال من غرفه المعلمين متخبطه في افكارها
وحمدت ربنا على تماسكها
خلص اليوم الدراسي وجرت نيهال الو سيارتها كي تتفادى لقاء نادر
توسعت خطواتها المرتبكة ،وصلت الى سيارتها لتجد نادر بجوارها
نيهال:خير يا مستر نادر في حاجة؟؟
نادر:ابدا انا لاقيتك ناسيه مفاتيح عربيتك على المكتب بعد ما مشيتي
نيهال:ياخبر!!متشكرة جدا جدا
نادر بهدوء ونظرات تراقب:ولا يهمك
اه صحيح
هستنى ردك متنسيش
نيهال:اكيد اكيد بعد اذنك
انطلقت نيهال بسيارتها مبتعدة عن المدرسه وخفقات قلبها في تزايد
وصلت الى بيتها واستقبلتها امها
سعاد:مال وشك مخطوف كدا ليه،حصل ايه يا نيهال انتي كويسه؟؟؟!!!
نيهال:ايوة يا ماما كويسه الحمدلله بس اصل مممم
سعاد:بس. و اصل
يابنتي في ايه قلقتيني
نيهال: فاكرة نادر اللي كلمتك عنه
سعاد:ماله
نيهال:طلب بتقدملي وارتبكت
وطلب رأي وانا قولتله ان بابا مش موجود
سعاد:هو لحق يعرفك عشان يتقدملك يانيهال
نيهال:معرفش يا ماما
سعاد:طيب خير ان شاءالله
متغرفيش عنه حاجة؟؟اهله؟عيلته؟
نيهال:معرفش غير انه من محافظه تانيه
عموما لو وافقت هخلي بابا يسأل
سعاد:طيب يلا قومي غيري هدومك اكون حطيت الغدا
ونبقى نتكلم بعدين
نيهال:طيب انا هعرف بابا ،نبقى نكلمه سوا بعد الغدا
وكمان اكلم اختي
سعاد:تمام
—————————-
نادر ذهب الى مسكنه ليرتبه ويجهزه
استعدادا لقدوم اهله عندنا يتصل بيهم
امسك نادر الهاتف ليتصل بصديقه القديم في بلدتهم
نادر:الووو ازيك يا حاتم
حاتم:تو اما افتكرت يا نادر
نادر:يا اخي القاهرة دي اليوم فيها زي مايكون نص ساعه
حاتم:طيب،انا قولت نسيت صاحبك لما اتعينت
نادر:اتعينت؟؟!!
اتعينت ايه!!مين قالك؟؟
حاتم:سمعت
نادر:لا ياعم ما اتعينتش ولا حاجة ده تدريب كدا ٣شهور وبدون فلوس كمان يعني لو عجبتهم هيشغلوني ومت غير عقد
حاتم:اااااا ه ،ربنا يوفقك
ع العموم البت سناء كانت بتسألني عليك وكانت عايزاني اديها رقمك بس انا قولتلها مش معايا الجديد
نادر:نهار اسود دي عايزة ايه دي
ده انا نسيتها
حاتم:بتقولي انك واخد منها فلوس ولو مرجعتهاش هتفضحك ف البلد كولتها
نادر:الله يخربيت معرفتها السودا
انا قولت معرفه هباب وهي اللي كانت بترمي نفسها عليا
حاتم:المهم يا فالح تديها الفلوس احسن دي نويالك وسمعت ال ايه انك هتخطب وتتحوز واحدة من بتوع مصر
ضرب نادر على صدغه
نادر:اخطب ايه واتجوز ايه يا حاتم
هو انا لاقي اكل ،ده انا بقولك بشنغل من عير فلوس
مين اللي بيطلع الاشاعات دي بس
حاتم:اسمع انت عارف البلد وحكاويها ومش اول مرة
سيبك من اللي بيتقال وابعتلها الفلوس
نادر:اسمع يا حاتم بعد ساعه هتروح لابويا هيديك مبلغ
اديهولها وقولها المبلغ التاني هتصرف وابعته
وفهمها انا لا هخطب ولا هتجوز وعايش بالعافيه
والنبي يا حاتم انا عايز الكلام ده يلف البلد
حاتم باستغراب:غريبه با نادر من امتى عايز البلد تعرف عنك حاجة ده انت بتخبي عن ابوك وامك
دلوقتي عايز البلد تعرف؟؟مش غريبه دي
نادر تشتت:جرا ايه يا حاتم هو مش في كلام ف البلد عليا ?!مش لازم انفيه با اخي ولا اسيبه كدا
المهم اعمل اللي قولتلك عليه وابقي كلمني وقولي عملت ايه
حاتم:ماشي ،ساعه كدا وهروح لابوك البيت سلام
اغلق نادر الهاتم ورمى بجسده على الاريكة لائما نفسه
نادر:كانت مستخبيالي فين المصيبه دي
اما الحق اكلم ابويا واعرف ايه الحكايه
اتصل نادر بوالده
نادر:ايوة يابا ايه الكلام اللي داير ف البلد ده
هو انا مش قولت محدش يجيب سيرة
يعني كان كويس لما اروح اخطب ومقولكمش
هو ده جزائي اني قولتلكم
محمود:كلام ايه يا ابني اهدا كدا وقولي اللي حصل
روى نادر ماحدث لوالده بتعصب
محمود:طيب انا هشوف ايه الحكايه وهبلغك
نادر:المهم الفلوس اللي اديتهالكو اديها لحاتم هيجيلك بعد ساعه
وانا هبعتلكم غيرها او لما تيجو هنا
محمود:خير ،اديله الفلوس ليه
نادر:كان عليا دين يابا وصاحبه عايزه
محمود:طيب طيب
ماشي حاجة تاني؟
نادر :لا شكرا ، كمان كم يوم كدا وهبلغكم تجهزوا
شد على امي ماتقولش لحد
محمود:ماشي ،سلام
نادر:سلام
———
