كرونيك: قضية _انجاب

22

#حلقة22
كانوا راقدين في سابع نومة حتى يسمعوا طبطيب في لباب مرام كيما العادة غمت راسها و كملت رقاد لوكان تنوض الحرب متفطنش انا سامي من سمع لباب حل عين و عين زاوجة مزالها مغمضة حكم تلفون لقاها 9 تاع صباح
سامي: بفففف شكون غادي يجي دوك ناض من بلاصته و هو دايخ برقاد راح حل لباب لقاها حنان نخلع حسب كلش ماصرا
سامي: غير الخير كاش ماصرا قوليلي مالكي علاه بكرتي هاك هي بقات غير تشوف فيه كان لابس شورط بلا تريكو بحكم هو متعود دايما يرقد هاك من شافها بقات ساكنة و غير تشوف زاد توسوس بقى يشاري بيديه قدام عينيها
سامي: مالكي ها نطقي هي راحت و خلاته و دخلت لصالون جمعت و بقات ساكتة هو بلع لباب و لحقها
سامي: حنانننن
حنان: هاه لا مكان والو
سامي: واقيل بتي تنومي فينا
حنان: اي نتا شاهاد لبسة لي راك لابسها
سامي: مالي
حنان: شوف روحك و منبعد شرك فمك
سامي: انا نرقد هاك تعرفيني
حنان: مرام شافتك هاك
سامي: لا علاه انا مهبول
حنان: نوض لبس قشك و رواح تفكرت وين راها مرام
سامي: راقدة لبارح مرقدناش بكري
حنان: علاه شكنتوا ديروا و علاه مرفدتش عليا
سامي: حبة حبة لبارح سهرنا شويا و رحنا رقدنا و تلفون كان سيلونس علبيها مارفدتش نروح نغسل وجهي و نلبس و نجي
حنان: صحا يا ولدي راح بدل قشه و جا عندها لقاها مزالها مجمعة في بلاصتها راح عندها
سامي: صباح الخير
حنان: هدا وين تفكرت
سامي: علاه نتي خليتيلي وقت باه نقولها
حنان : عندك الحق و تبسمت صباح نور حبي
سامي: دوك فهميني علاه بكرتي و متقوليليش توحشتيني
حنان: بصح صح توحشتك
سامي: نعرفك غاية قولي مالكي
حنان: في حق توسوست باسكو من لبارح لا نتا لا هي رديتو عليا
سامي: منيتك ولا تتبهلي
حنان: الله غالب طلع يده و بقى يضرب فيها لراس ضربات خفاف
سامي: نموت و نعرف راسك شافيها هبلتي قتلك مرام ختي ختي فهمتي
حنان: علبالي بصح نغير
سامي: رواحي عندي و هي ماصدقت قربت عنده و عنقاته
حنان: نبغيك
سامي: و انا نموت عليك هوما هاك حتى سمعوا تصفاق داروا لقاو مرام تشوف فيهم و تصفق
مرام: الله الله على الحب تأثرت
حنان: ناس يقولوا صباح الخير
سامي: بلعي خليني نتمعشق
مرام: هاو صباح ربي
حنان: واه