احببتك صغيرتى ( الجزء الأول و الثانى )

البارت التاسع

فى صباح اليوم التالى استيقظت سما وكانت حاسه براحه لاول مرة منذ سنوااات فقد عاد اخوها ووالدها و صديقهاوامانها وبئر اسرارها فاقت على صوته الناعس قائلا : هتفضلى باصالى كدا كتير
سما : مش مصدقه
مراد بعد ما قام : ولا انا مصدق بس اقدر اقولك انا هفضل معاكى وحعوضك عن كل حاجه وانا بعيد عنك
سما حضنته : انا بحبك اوى يا مارو ماتسبنيش تانى
مراد بمرح وبعدها عنه: انا مش هبعد بس انت اللى هتبعدى
سما بتردد : اانا ممكن اقول لادم ناجل شويه
مراد بحنيه : لا يا حبيبتى مادام دى سعادتك فمتاجليش حاجه وبعدين باين عليكى واقعه خااالص
سما : لا مش واقعه
مراد بتحدى: لا واقعه تنكرى انك عايزه تشوفيه دلوقتى طب تنكرى بردو انك نفسك تتجوزو النهاردة قبل بكرا
سما : لا ما نكرش اسكت بقا
مراد بانتصار : ههههه ايوه عشان ما تتحدنيش تانى
قاطعهم صوت تامر وهو يقول : يلعن ابو معرفتكم انا مش عارف انام يا تسكتو يا تطلعو برا
مراد وسما : ولو ما طلعناش
تامر بخوف مصتنع: خلاص يا عم انت وهى انا اللى طالع
مراد مسكه من دراعه : احنا اخيرا اتجمعنا ومش هسمح لحد يبعد احنا كنا ايد واحده ومازلنا ايد واحده حتى لو بعدنا بس هنرجع تانى
سما بابتسامه : زى ما بعدنا بس دلوقتى رجعنا تانى
تامر بابتسامه : هنفضل سوا على طول
سما بمرح : اللحظه دى عايزه حضن جماعى
مراد اخدهم فى حضنه بحنان وكانه والدهم
سما بعدت عنهم وقالت : اوعو كدا اما اروح اشوف ادم بدل ما يطين عشتى
تامر بخبث : ادم طب روحى
سما بشك : وحياه ابوك بلاش النظره دى عشان بتحصل بعدها مشكله
تامر : ايه ياختى ليه
مراد : اصل انت نحس
تامر بزعل ودموع مزيفه : بقا كدا تهون عليك العشره ولا العيال طب احترمنى ولا خلاص خدتنى لحم وهترمينى عضم
عند هذه اللحظه وسما انفجرت ضحك
سما بضحك : عمل فيكى ايه سوسو
تامر بتمثيل : عشمنى وقالى بيحبنى ومسك ايدى وبعدين بقا يقولى انت مش بتحبينى يبقى لازم ااا بس بقا بكسف
مراد بقرف : يع قوم ياسوسو قصدى يا تامر الزفت من قدامى
سما بضحك: هههههه مش قادره همووت
تامر بابتسامه : انا جعان هروح اشوف بسومه عاملت الفطار ولا لا وسابهم ومشى
مراد : انت بقا هتعملى ايه
سما : انا الاول هروح اكلم ادم عشان اكيد زعل منى عشان مش كلمته امبارح وهروح مع ايسل واسيل نجيب باقى الحجات
مراد باستغراب : مين ايسل واسيل
سما : يوووووه دى قصه طويييله
مراد : طيب يلا عشان جعان
سما : وانا كمان يلا . ونزلو
******************************
اما فى قصر ادم
الكل استيقظ وكان ادم مضايق ان سما ما اتصلتش بيه زى كل يوم قبل ما ينام والكل يوم الصبح بس انهارده معملتش كدا . ارتدى ملابسه ونزل القى السلام عليهم وخرج من القصر متوجها الى منزل سما ليطمئن عليها وفى طريقه اليها رن تلفونه فاخذه بلهفه تحسبا انها حبيبته ولكن لم تكن الا سكرتيره
روجيدا : مستر ادم حضرتك فى ميتنج مهم انهارده
ادم بملل : الغى كل حاجه انهارده عشان مش فاضى
روجيدا وهى عارفه هو مش فاضى ليه : طب الميتنج
ادم بعصبيه لا يعلم سببها : ما قولتلك الغيها وقفل فى وشها
روجيدا بغيظ لنفسها : انا لازم اتصرف و ابدء فى الخطه و ادم يبعد عنها ويبقى ليا انا وبس واتصلت برقم وبعد عده ثوانى رد
روجيدا : الو
الشخص : الو يا روجيدا
روجيدا : اسمع هنبتدى الخطه من النهارده وحلاوتك عندى
الشخص بخبث : تمام تعالى بليل هستناكى ماشى
روجيدا بسهوكه : اوووك هجيلك بليل باى بقا
الشخص : باى
وقفلت معاه وهى تبتسم بشر وذهبت لتكمل عملها
******************************
اما ادم فوصل لبيت سما ورن الجرس وفتحت له فرح وقالت له انهم فى الجنينه الخلفيه فذهب وراهم جالسين مع بعضهم ما عدا سما
ادم : سلام عليكم
الكل : وعليكم السلام
ابتسام بابتسامه : تعال يا حبيبى
ادم : عامله ايه يا طنط
ابتسام : تمام يا حبيبى الحمد لله
ادم : يارب علطول يا حبيبتى
محمد : تعال اقعد
وجلس ادم
تامر بمرح : سما اول ما قامت اول حاجه قالتها وبدء يقلدها انا هكلم ادم عشان متيزعلش منى واول ما جابت الفون وهى نازله على السلم هوووب التلفون وقع منها وهى وقفت متنحه زى ما اكنها شافت تنين براسين هههههههه
الكل ضحك عليه
ادم : طب هى فين دلوقتى
مراد : راحت تجيب واحد جديد وقالت هتقابل اخواتك عشان فى حاجات كتيره هيجبوها
ادم : هو انا ليه حاسس انى شوفتك قبل كدا
تامر : ما اكيد دا مراد السيوفى صاحب شركات the white sky
ادم : اااااه عرفتك انت بتاع شركات السما البيضه بس ليه عاملتها بالاسم دا
مراد : عشان سما سما قلبها ابيض فعشان كدا سمتها بالاسم دا ادم ارجوك خد بالك منها دى هى حياتى كلها وصدقنى لو جرحتها او نزلت دمعه منها بسببك مش هيبقى كويس عشانك
ادم : اطمن انا بحبها ومش هخليها تنزل دمعه واحده طول ما انا عايش
محمد : ربنا يخليك ويطمنك يا حبيبى
تامر : طب ما تيجو نعمل اى حاجه بدل اعده البنات دى
مراد : تعالو نلعب بلاستيشن
ادم : طب يلا
وطلعو اوضه مراد ليلعبو وتركو محمد وابتسام
ابتسام بقلق : انا قلبى مقبوض وواجعنى اوى مش عارفه ليه
محمد : انت موجوعه اتصل بالدكتور
ابتسام : لا لا انا كويسه بس قلبى موجوع اووى حاسه ان فى حاجه وحشه هتحصل
محمد : لا ان شاء تفائلى بالخير وقومى خلينا نصلى ركعتين
ابتسام : ماشى يلا
******************************
اما عند سما فاشترت تلفون جديد وراحت كافه تستنى ايسل واسيل ولكن فى طريقها اتكعبلت فى شخص ونظرت له اتصدمت عندما راته لانه ابن خالها اسر
ستووووب اسر ( ابن خال سما وهو مثل مراد عند سما ولكنه يسافر خارج مصر للعمل وهو منافس ادم فى العمل اكبر من مراد بثلاث سنين (26) وهو يحب سما مثل بنته وهو من كان يعتنى بها بغياب مراد )
سما بسعاده : اسسسر
اسر بسعاده هو الاخر واحتضنها : سوو حبيبتى ازيك
سما : انا كويسه بس انت جيت امتى
اسر : لسه جاى امبارح باليل
سما : اممممم ورايح فين بقا
اسر : مش هقولك طبعا
سما : ليه ان شاء الله
اسر وهو يلمس ارنبه انفها بانامله : عشان عندى ميتنج مهم دلوقتى
سما بفضول : فين
اسر بضحك : فضوليه اوووى الله يكون فى عونه
سما : مين ده
اسر : اللى هيتجوزك يا قطتى
سما : اااااه لا ما ادم حيستحمل ماتقلقش
اسر : ايه مين ادم ده ياروح امك
سما شهقت وتذكرت انه لن يعرف بعد
سما بتوتر: ااانا اسسفه بجد بس هقولك
اسر : طب تعالى نعقد فى الكافيه ده وتحكيلى كل حااجه يلا
وذهبو فى الكافيه وسما حكتله على كل حاجه وطبعا هو عرف ادم وقرر انه ما يدخلش امور الشغل فى الامور الشخصيه وده عشان ابنته واخته سما
سما : بس يا سيدى
اسر : طيب انا عندى ميتنج دلوقتى وانت روحى شوفى اصحابك وانا هخلص ونروح سوا ماشى
سما : ماشى هم زمانهم جيين وانت روح شوف اللى هتعمل معاه الميتنج بدل ما تروح متاخر وتعيط فى الاخر
اسر وهو يرفع حاجب وينزل الاخر : اعيط مره واحده هههههه انت مجنونه
سما : معرفش بص اهم جم يلا همشى انا اسوره
اسر : ماشى يا قلب اسوره وزى ما اتفقنا هنروح سوا اول ما تخلصى اتصلى
سما وهى تحتضنه : حاضر
اسر بعدها عنه وقال هروح اشوف الناس بدل ما اعيط هههههه
سما : هههههه بااااى
وكل واحد مشى وكان يوجد من ينظر لهم بابتسامه خبيثه واتصل برقم وانتظر الرد
الشخص : الو يا روجيدا
روجيدا : عملت ايه
الشخص : بصى هو انا كنت هروحلها بس لقيت واحد تانى معاها وحضنته وراحت قعدت معاه فى الكافيه
روجيدا بسعاده : طب دا كويس المهم صورتهم
الشخص : اه صورتهم طبعا هبعتلك الصور وشوفى انت هتعملى ايه
روجيدا : بسرعه يا حسن وانا هبعتلك فلوسك كامله بس بسرعه
حسن : ماشى هقفل وابعتهملك
روجيدا : سلام
وقفلت وبعد ثوانى جاتلها رسايل فتحت لقت سما هى واسر واكييد اتعرفت على اسر لانه منافس ادم وهى هتلعب على النقطه دى وبعتت الصور لادم بس من رقم تانى وكتبت تحتها حبيبتك هتقابله لما تخلص شوبينج وابقى خلى بالك منها بدل ما تضيع من ايدك وقالت بشر هههههه لما نشوف هتعمل ايه يا سى ادم
* * * * * * * * * * * * * * * * * * * *
كان ادم عاد الى قصره بعد ان اطمئن على سما بالهاتف وذهب لغرفته وغير هدومه ونام على السرير يتفحص هاتفه و جاءته رساله من شخص مجهول فتحها واتسعت عيناه بشده واصبحت سوداء وقام غير هدومه ثانياً وخرج متوجها اليهم وعندما وصل اخذ سما وذهب الى منزل فى منطقه شبه مقطوعه ودخل منزل قديم و دفعها بقوه لداخل
سما باستغراب : هو فى ايه
ادم بغضب : فى ايه فى انك واحده وسخه ومش محترمه
سما بغضب هى الاخرى : احترم نفسك ايه اللى انت بتقوله ده انت واعى للبتقوله
ادم مسكها من شعرها وطلع تلفونه ووراها الصور : ها ايه رايك كنت فاكره انك ممكن تخدعينى ها قووولى وزقها على الارض انا حبيتك وانت خدعتينى
سما مقاطعه له بدموع : لا لا انت فاهم غلط ده .
ادم : لا انا فاهم صح عارفه مين ده هااا عارفه مين ده ده يبقى منافسى فى الشغل يا انسه يا محترمه بس انا كويس عرفتك على حقيقتك قبل ما اربط اسمى بواحده وسخه زيك
سما : لا ارجوك اسمعنى
ادم : لا مش هسمعك يا سما
سما : هتندم لو ماسمعتنيش
ادم : لا انا ندمت لما حبيتك عارفه انا لاول مره اندم وبدموع تلمع بعينه انا حبيتك يا سما حبيتك لدرجه انى كنت ممكن اقتل نفسى علشانك بس على قد ما انا حبيتك على قد ما انا بكرهك وبكره نفسى معاكى اعتبرى من انهارده مفيش اى علاقه بينا علاقتنا انتهت يا سما
سما بدموع وصدمه : لا يا ادم والله انت فاهم غلط
ادم مشى وسابها وهو مكسور القلب اما سما فضلت مكانها تستوعب اللى حصل وقالت لنفسها لا لا انا مش هعيط ولازم اخليه يفهم لازم وجريت وراه وهى تنادى عليه ولكن اثناء جريها خبتطها عربيه وكل ده فى ثانيه وقدام ادم اللى اتصدم وجرى عليها
سما بالم ودموع : ااادم ص صدقنى ووالله االعظيم انت ف فاهم غلط ده يبقى ابن خالى ووهو الى مربينى زى مراد والله انا مكنتش ااعرف اانك ت تعرفه وو انه يبقى م منافسك
ادم بدموع : شششششش اسكتى حد يطلب اسعااااف بسرعه
سما بابتسامه مؤلمه : اانت مصدقنى
ادم بحنان: مصدقك مصدقك انا غبى انا غبى انا اسف سامحينى
سما لم تسمعه لانها غابت عن الوعى وفى هذه اللحظه وصلت الاسعاف
ادم بصريخ : بسرعه
الاسعاف اخدتها وراحت المستشفى وبعد نص ساعه كان الكل هناك حتى اسر
مراد بعصبيه ومسك ياقه قميص ادم : ايه اللى حصل عملت فيها ايه هى دى الامانه اللى قولتلك عليها انطق ايه اللى حصل
اسر بدموع: اهدى يا مراد اهدى
مراد بصريخ ودموع : اهدى ايه يا اسر حياتى بتروح منى وقدام عينى وانت تقولى اهدى والله لو حصلها حاجه لهقتلك يا ادم هقتلك
ابتسام : بنتى بتروح منى انا عايزه بنتى يا محمد
محمد : اهدى يا ابتسام هى هتبقى كويسه
وبعد مرور وقت قصير خرجو الممرضات يجرو
مراد : حد يفهمنا فى ايه
الممرضه : المريضه نزفت كتير بس احنا مش لاقين نوع مماثل لدمها ومشيت
ابتسام : بنتى نوع دمها نادر مش هنلاقيه بسهوله
ادم : اتصلو بمعارفكو اسالوهم
مراد واسر اتصلو بماعرفهم بس مالقوش وادم اتصل بناس كتير بس مالقاش واتصل بروجيدا ومش بترد
ادم لنفسه : هى مش بترد ليه دى ولكن قاطعه هاتفه وكانت روجيدا
ادم بلهفه : الو روجيدا
روجيدا بخبث : ايوه يا مستر ادم فى حاجه
ادم : انت نوع دمك ****
روجيدا : اه بس ليه
ادم : تعالى على مستشفى **** بسرعه
روجيدا : بس انا مش هعرف اجى ممكن حضرتك تيجى تاخدنى
ادم : ماشى انت فين
روجيدا : انا فى *****
ادم : تمام عشر دقايق واكون عندك سلام وقفل
ادم : هروح مشوار وجى علطول سلام
ومشى حتى قبل ان يسمع رد احد وذهب الى عنوان روجيدا وراها جالسه وواضعه رجل فوق التانيه و بابتسامه خبيثه : هاى مستر ادم
ادم بتعجب : مش وقت هاى تعالى معايا
روجيدا : لا ثانيه فهمنى الاول
ادم حكالها باختصار عن اللى حصل
روجيدا بخبث : والمقابل
ادم بصدمه : ايه
روجيدا وهى تقترب منه : المقابل مش انا هعمل حاجه كبيره زى دى عشان انقذ حبيبتك صح بس فى شرط وهو انك تتجوزنى وتقول لحبيبه القلب انك مش عايزها بسبب الموضوع اياه اه صحيح هو انا ماقولتلكش مش انا اللى ورا اللى حصلها وممكن بتلفون واحد اخليها تفارق الحياه ها ايه رايك
ادم بوجع : موافق بس اخلصى
روجيدا : لا يا حبيبى المأزون هنا وفى انتظارنا وانت ووقتك بقا عايز نلحقها يلا بسرعه يلا
ادم ذهب معاها وهو مكسور بس مضطر لينقذ صغيرته كم لعن نفسه على انه شك فيها كان يجب ان يستمع لها كم هو نادم على ما فعله ولكن ماذا يفيد الندم الان
وبعد دقائق اصبحت روجيدا زوجه ادم
روجيدا : الف مبروك يا حبيبى
ادم ببرود : يلا على المستشفى
روجيدا : تمام يلا
وذهبو للمستشفى ودخلت روجيدا لتنقذ سما من الموت وخرجت والكل منتظر فقد عدت ساعه ساعتان ثلاث ساعات واخيرا خرج الدكتور والابتسامه على وجهه : حمدلله على سلامتها هى دلوقتى كويسه بس فى دراع مكسور كسر بسيطه خيطنا دماغها
مراد : الحمد لله يارب طب ممكن ندخل نشوفها
الدكتور : هو ممكن بس لما تتنقل لاوضه تانيه وتفوق
ابتسام : الحمد لله شكرا
الدكتور : على ايه ده واجبى عن اذنكو
الكل : شكرا
وبعد ثوانى انتقلت سما لاوضه عاديه وفاقت بعد ساعه
مراد : حمدلله على سلامتك يا حبيبتى
سما : الله يسلمك
ابتسام : حبيبتى انت كويسه
سما : الحمد لله
وبعد وقت دخل ادم
سما : ادم
ادم : ممكن تسبونا لوحدنا يا جماعه
الكل : اه وخرجو
ادم ببرود مصتنع : سما مكنش ينفع اللى انت عملتيه ده انت كان ممكن تموتى
سما بدموع : انا مكنش قصدى بس انت مش صدقتنى
ادم حاول يتماسك : انا مصدقك بس بصراحه يا سما انا حسيت انى مش بحبك
سما بصدمه : ايه
ادم وهو يقوم : انا اسف بجد ربنا معاكى وتلاقى الشخص الصح
سما مسكت ايده وقالت بدموع: بس ده مكنش كلامك ده مش وعدك ليا ادم انا بحبك متسبنيش ارجووك
ادم وهو يدارى دموعه : انا اسف مش هقدر اكمل معاكى
سما بنهيار وصريخ: ده مش كلامك انت وعدتنى انك مش هتسبنى ايه اللى حصل انا مسمحاك عشان انا لو كنت مكانك كنت عملت كدا بس انت عرفت الحقيقه عايز تبعد ليه
ادم محاولا تهديئتها : اهدى اهدى بس كل حاجه قسمه ونصيب انا اسف
سما بهستيريه : يعنى ايه يعنى انا كنت مجرد لعبه بالنسبالك عشان تسيبنى وقت ما تكون عايز
دخل الكل على صوتها وسمعو كل حاجه بس المره دى الكل اتصدم دى مش بنتهم المرحه دى طفله ومش عايزه ابوها يمشى ويسبها
مراد : فى ايه
سما بنهيار : عايز يسيبنى يا مراد قوله يبطل هزار قوله انى مسمحاه والله مسمحاه
اسر بغضب : انت عملت فيها ايه
ادم ببرود مصتنع : انا مش عايز اكمل معاها وكل شئ قسمه ونصيب ايه المشكله بقا
مراد بعصبيه : يعنى ايه عايز تسبها مش فاهم امااال عشمتها لييييييه واوهمتها انك بتحبها
ادم بداخله يود ان يقول انه مضطر ولكن خائف على حياه صغيرته
مريم : انت بتقول ايه يابنى ليه كدا
روجيدا من وراها : عشان ده جوزى على سنه الله ورسوله

أتمنى البارت يكون عجبكم
ده 2283 كلمه اطول بارت كتبته
قولولى رايكم يا جماعه