Ang Libro Sa Buhat

Chaptet 19

1 Samtang didto si Apolos sa Corinto, milatas si Pablo sa lalawigan hangtod nga miabot siya sa Efeso. Didto gikatagbo niya ang pipila ka mga tinun-an 

2 ug gipangutana niya sila, “Nakadawat ba kamo sa Espiritu Santo sa dihang mituo kamo?”

Sila mitubag, “Wala gani kami mahibalo kon aduna bay Espiritu Santo!”

3 Unya si Pablo nangutana kanila, “Unsa man diayng matanga sa bunyag ang inyong nadawat?”

“Ang bunyag ni Juan,” mitubag sila.

4 Unya si Pablo miingon, “Ang bunyag ni Juan alang lamang niadtong naghinulsol ug iyang gitudloan ang katawhan sa Israel nga kinahanglan motuo sila niadtong moanhi sunod kaniya nga mao si Jesus.”

5 Sa pagkadungog nila niini, gibunyagan sila sa ngalan sa Ginoong Jesus. 

6 Sa dihang gipandongan sila ni Pablo sa iyang kamot, mikunsad kanila ang Espiritu Santo; unya nagsulti silag lahi nga mga pinulongan ug nagwali usab sa pulong sa Dios. 

7 Mga 12 sila ka tawo.

Sa dihang miabot si Pablo sa lalawigan sa Efeso, iyang gipangutana ang mga kaigsoonan kung nakadawat ba sila sa bautismo sa Balaang Espiritu.

Notice, adunay duha ka bautismo nga gihisgotan si Pablo. Una, ang bautismo sa tubig. Ikaduha, ang bautismo sa Balaang Espiritu.

Unsa ni?

Ang bautismo sa tubig ang tuyo mao ang paghinulsol. Ang paghinulsol nagpanglihok samtang imong dawaton si Hesus nga mahimong Hari ug manluluwas sa imong kinabuhi ug sa ingon niana musunod ka sa gisulti ni Hesus.

Ug unsay gisulti ni Hesus?

Ang motoo ug pagbautismo maluwas, apan ang dili motoo pagahukman sa silot Marco 16:16

Samtang ang bautismo sa Balaang Espiritu ang tuyo mao ang paghatag nato ug gahum aron makahimo kita sa butang nga ganahang ipabuhat sa Dios alang nato.

Kinahanglan ninyong mahibal-an kini mga higala, nga ang Balaang Espiritu usa ka persona.

Unsay buot pasabot nato kung moingon kita ug usa ka persona? Dili ba Siya Espiritu?

Oo! Espiritu Siya apan atong gihisgotan aduna Siya pagbati sama sa tawo nga adunay personalidad.

E considirar ninyo kining mga butanga

Unsay kamatuoran nga magpamatuod nga ang Espiritu Santo mahimo natong matratar sama sa usa ka persona?

1. Aduna Siyay Kabubut-on— 1 Corinto 12:11

"Apan mao rang Espirituha ang naghimo niining tanan. Gihatagan Niya ug nagkalain-laing hiyas ang matag tawo sumala sa Iyang pagbuot."

Bantayi ninyo kung giunsa paghan-ay ang mao nga teksto, mismo ang Balaang Espiritu Santo ang naghatag sa nagkalainlaing gasa sumala sa iyang kabubut-on. Usa sa kamatuoran nga angay natong mahibal-an mahitungod sa mga Espirituhanong gasa, nga kini gihatag uyon sa kabubut-on sa Balaang Espiritu.

2. Hunahuna— Roma 8:27

"Ug siya mao ang nga nag susi sa mga kasingkasing sa mga tawo nasayud kon unsa ang hunahuna sa Espiritu, kay ang Espiritu mangapangamuyo man uyon sa kabubut-on sa Dios nga balaan".

Ang pangutana, Kinsa man ang mosusi sa hunahuna sa mga tawo? Ang Dios. Ang buot pasabot ingon ani,  sa panahon nga kita wala masayud kung unsay atong i-ampo, ang Balaang Espiritu maoy moampo (v26) ngadto sa Amahan ug ang Amahan nga maoy nagsusi sa atong kasingkasing maoy nagsusi sa Hunahuna sa Espiritu. Simple nga kamatuoran, kung Balaang Epiritu adunay Pagbuot, aduna usab Siyay Hunahuna, ug ang pagbuot sa Espiritu Santo nagagikan sa Amahan. Sa pikas usab nga bahin, kung ang Amahan maoy mosusi sa Hunahuna sa Espiritu dili mahitabo nga ang Amahan susihon niya ang iyang kaugalingon hunahuna kung Siya mao usab Espiritu Santo sumala sa ginaingon sa mga oneness pentecostal.