1 Ug si Saulo miuyon nga paga-patyon si Esteban
2 Ug si Esteban gilubong sa mga tawong masimbahon, ug sila nanagminatay sa hilabihan gayud tungod kaniya
3 Apan si Saulo nagpadayon sa pagdaut sa iglesia, sa pagpanakasaka sa kabalayan sa pagtaral sa mga lalaki ug mga babaye, ug pagbanlod kanila sa bilanggoan
Karon, si Esteban— ang unang gipatay nga magtutoo tungod sa iyang pagtoo, niining tungora, nagsugod ang mapintas nga paglutos sa mga magtutoo uban sa paningkamot ni Saulo o naila sa ngalan nga Pablo.
Bantayi ninyo, unang gipaila-ila si Saulo niining tungora. Matud pa, gikauyonan ni Saulo ang patay ni Esteban; si Saulo maoy nangulo sa paglutos ug pagdakop sa mga magtutoo.
4 Ug ang mga nanghitibulaag nahadiindiin sa paglakaw nga nanagwali sa pulong
5 Ug si Felipe milugsong ngadto sa usa ka lungsod sa Samaria diin iyang giwali kanila ang Cristo
6 Ug ang katawhan nagkahiusa sa ilang pagpaminaw sa gisulti ni Felipe sa pagkadungog ug pagkakita
nila sa mga milagro nga iyang gibuhat
7 Kay gikan sa daghang mga giyawaan nanggula ang mga mahugaw nga espiritu, nga nanagpaniyagit sa makusog nga tingog; ug nangaayo ang daghang mga paralitiko o mga bakul
8 Ug niadtong lungsora dihay dakung kalipay
Karon, unsay resulta sa dihang gilutos ang mga magtutoo? Kini ba nakapahunong kanila?
Wala! Hinuon sa dihang nagkatibulaag ang mga magtutuo, bisan asa sila moabot, ilang hinoong gisangyaw ang maayong balita. Ug tungod niini, ang resulta, mikaylap ang maayong balita.
Ako hugot nga nagtuo, nga sa dihang insakto ang atong kasingkasing atubangan sa Dios, walay bisan unsang pagsulay ang makapaudang kanato. Gani kabalo sila sa tuyo sa Dios ug nganong nahimo sila kristohanon— ug kini aron sa pagsangyaw sa maayong balita.
Ang pulong "evangelism" dili lamang alang sa mga pastor o sa mga leaders, kundili alang sa tanan nga mga magtutoo. Gani, kung kabalo kalang sa imong tuyo ngano nga nahimo kitang Kristohanon bisan pa ang bahan sa kamatayon dili mahimong babag nga dili nimu isulti ang maayong balita ngadto sa uban. Eh! kaso mga higala, bisag dili lang ta maghisgot ug kamatayon, kini lang ganing ulan babag na nga dili ka makaadto sa tigumanan unsa pa kaha kung maghisgot ta nga patyon ta tungod sa atong pagsangyaw sa maayong balita.
Daghang Kristohanon karon nga maabot sa ubang lugar na dili "Christian". Kung asa sila maabot, kung unsay buhat sa ilang kuyog maimpluwensyahan sila ug di mahibal-ang sila diay kristohanon.
Ang unang tuyo sa Dios nganong giluwas ka aron ikaw mosugilon sa uban sa kaluwasan nga imong nabatonan.
9 Apan sa wala pa kini, dihay usa ka tawo nga ginganlan si Simon nga tigsalamangka didto niadtong lungsora; ug siya nakapahibulong gayud sa mga tawo sa Samaria, ug nag-ingon nga siya gayud maoy usa ka dakung tawo
10 Ug kaniya naminaw ang tanan, gikan sa mga iwit hangtud sa kadagkuan, nga nanag-ingon, "Kining tawhana mao ang gahum sa Dios, ang gahum nga ginganlag Daku.
11 Ug sila nanagpatalinghug kaniya, tungod kay sa hataas nga panahon sila gipahibulong man ugod niya pinaagi sa iyang salamangka
12 Apan sa diha nga nagpanoo na sila kang Felipe sa pagmantala niya sa Maayong Balita mahitungod sa gingharian sa Dios ug sa ngalan ni Jesu-Cristo, nanagpabautismo sila nga mga lalaki ug mga babaye
13 Ug bisan gani siya si Simon mitoo, ug sa nabautismohan na, nagpabilin siya kang Felipe. Ug siya nahinganha sa mga ilhanan ug mga dagkung milagro nga nahimo
YOU ARE READING
Ang Libro Sa Buhat
SpiritualNganong buhat man ang ulohan sa maong libro? Tungod kay naghisgot kini sa Buhat sa mga apostoles human mibalik si Hesus ngadto sa langit. Ang uban naghisgot nga dili lang kini gitawag ug "buhat sa mga apostoles" kundili masmaayo nga tawgon kini ug "...
