Ang Libro Sa Buhat

Chapter 3

[Scripture Reading: January 12/20 Salmo 18:1-12]

1 Ug unya si Pedro ug si Juan nagkuyog sa pagsaka sa templo sa takna sa pag-ampo, nga mao ang ikatulong takna sa hapon

2 Ug didtoy gidala nga usa ka lalaki nga bakul sukad pa sa iyang pagkahimugso, nga sa adlaw-adlaw didto igabutang sa pultahan sa templo, nga ginganlag Pultahang Matahum, aron sa pagpalimos kanila nga nanagpanulod sa templo

3 Sa pagkakita niya kang Pedro ug kang Juan nga nagpaingon na sa sulod sa templo, siya nangayo kanilag limos

4 Ug si Pedro, kinuyogan ni Juan, mitutok ug miingon kaniya, "Tan-aw kanamo.

5 Ug siya naminaw kanila, nagpaabut nga adunay iyang madawat gikan kanila

6 Apan si Pedro miingon kaniya, "Ako walay salapi o bulawan, apan sa ania kanako hatagan ko ikaw. Sa ngalan ni Jesu-Cristo nga Nazaretnon, paglakaw.

7 Ug iyang gikuptan siya sa toong kamot ug gialsa; ug dihadiha nabaskog ang iyang mga tiil ug mga buolbuol

8 Ug sa pag-ugpo pa niya, siya nakatindog ug nakalakaw; ug kuyog kanila siya misulod sa templo nga naglakaw ug nagluksolukso ug nagdayeg sa Dios

9 Ug ang tanang tawo nakakita kaniya nga naglakaw na ug nagdayeg sa Dios

10 Ug ilang hing-ilhan siya nga mao ang tawo nga maglingkoran sa Pultahang Matahum sa templo aron sa pagpalimos; ug sila giabut ug kahibulong ug kahitingala sa nahitabo kaniya

Ibutang ninyo ang iyong kaugalingon sa bakol, siya nabakol sukad pa sa iyang pagkahimogso! Nag-antus siya sa iyang balatian-an sulod na sa dugay nang panahon. Ug ang chansa nga makalakaw siya, wala na sa iyang hunahuna.

Siguro miadto na ni siya sa nagkalainlaing mananambal, apan wala siya ma kabaton ug kaayohan.

Apan usa kaadlaw niana, sa dihang si Pedro ug si Juan moadto na unta sa templo alang sa pag-ampo, naangkon niya ang butang nga wala niya damha, ang kaayohan.

Bantayi ninyo, Ang iyang gipangayo salapi ug bulawan, apan ang gihatag ni Pedro ug ni Juan mao si Hesus ang kaayohan.

Kabalo mo unsay pinakamaayo nga maangkon sa tawo? Si Hesus! Tungod kay diha kang Hesus naa ang tanan.

Busa unsay resulta?

Siya naayo, ang iyang kinabuhi dili na sama kaniadto, nabag-o kini sa dihang gihatagan siya sa Ngalan ni Hesus.

Bantayi ninyo, sa dihang nakita nila nga siya diay kadtong tawo nga makililimos didto sa Pultahan nga Matahum, natingala sila. Laktud nga pagkasulti, sa dihang nakita nila siya nga dili na bakol ug nakalakaw na! Sila natingala. Ang nakanindot pa niini, siya nagdayeg na sa Dios. Busa wala ra siya nakita sa mga tawo nga naayo, nakita pud nila nga siya nga nagdayeg na sa Dios.

Ang nagtuo nga ang rason nga nakabaton kita ug kaayohan aron nga himayaon nato ang Dios. Ganahan ang Dios nga wala siyay kasosyo sa himaya.

Ako nagtuo nga ang hinungdan ngano nga gitubag sa Dios ang atong mga pag-ampo aron nga alagaran nato siya. Abot nalang kung, samtang giayo ka sa Ginoo lahi imong gipasalamatan o kaha lahi imong gihimaya.

11 Ug samtang nagpanggunit pa siya kang Pedro ug Juan, ang tanang tawo sa dakung kahibulong midugok ngadto kanila sa portico nga ginganlag Portico ni Salomon

12 Ug sa pagkakita ni Pedro niini, ang mga tawo iyang gisultihan nga nag-ingon, "Mga taga-Israel, nganong inyo man kining gikahibudngan, ug nganong inyo man kaming ginatotukan nga daw kami gayud mao ang nakahimo kaniya sa pagpalakaw pinaagi sa among kaugalingong kagahum o pagkadiosnon