أعطيت لحبك فرصة فخدعتني

🌻الفصل الثاني والعشرون 🌻

كنا قفلنا الفصل أللي فات علي أما كريم راح لمريم وقولنا ياتري قرر أنه يسامحها ولا لا ورد فعل مريم هيكون ايه !! تعالوا بينا يلا نكمل نشوف أللي هيحصل ..قراءة ممتعة♥️
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
تجلس مريم وتستمع فجأة لجرس الباب يدق فتذهب لتفتح وتري من الذي يأتي إليها فتتفاجئ بوجود كريم
كريم: وحشتيني
مريم بصدمة: كريم !!
كريم: هتفضلي موقفاني كدة علي الباب كتير !!
مريم: آسفة ..اتفضل ياكريم
كريم وهو يجلس: وحشتيني يامريم
مريم وهي تجلس بجانبه: لو كنت وحشتك فعلاً زي مابتقول مكنتش قولتلي الكلام أللي قولتهولي ولا قسيت عليا بالطريقة دي وكنت اتطمنت عليا بعد ماطلعت
كريم بحنان: انا آسف ياحبيبتي آسف علي كل حاجة كانت سبب في دموعك وحزنك وكسرتك
مريم بعدم فهم: ايه غيرك فجأة كدة وايه لزمته الكلام دة !!
كريم بحنان ويمسك يديها: أللي غيرني فجأة إن قلبي انتصر علي عقلي ورفض بعدك ..أما بالنسبة ايه لزمة الكلام دة فهو اني جاي اقولك اني نويت ارجعك ليا واتمني ماترفضيش وتسامحيني علي أللي فات
مريم بصدمة وهي تقف من مكانها: انت بتتكلم جد !!
كريم وهو يقف أمامها: انا اول مرة اتكلم جد دلوقتي
مريم: كريم أنت كويس !! في وعيك يعني !!
كريم: انا عمري ماكنت كويس اد دلوقتي طول فترة غيابك انا عمري ماكنت كويس
مريم: ايه غيرك فجأة كدة عاوزة افهم ..دة انا جيتلك لحد عندك
كريم: حبك ..حبك في قلبي مقدرتش اموته ولا اخفيه كان بيظهر ويكبر مع الوقت أللي كنت فاكر فيه أنه بيموت جوايا
مريم بدموع: انت وجعتني ..وجعتني اوي ياكريم وجعتني يوم ماجيت لحد عندك ووجعتني يوم ماشوفت دموعي في المستشفي ومافرقش معاك
كريم وهو يمسح دموعها: وانا من امتي كانت  دموعك بتهون عليا !!
مريم: ماهانت وخلاص
كريم: كنت بتقطع من جوايا مليون حتة وانا شايفك كدة ومشيت علطول عشان مضعفش قدام دموعك كنت فاكر اني هقدر اعيش في بعدك او أما ابعد وامشي من قدامك إن كدة خلاص مش هضعف بس لقيت نفسي بضعف حتي وانا بعيد عنك ومفيش حل غير اني ارجعك لحضني من تاني
مريم: انا مش حمل وجع ياكريم مابقاش فيا مكان للوجع انا شوفت كتير في حياتي واتوجعت كتير وكله من أقرب الناس ليا
كريم: وانا عمري ماهكون سبب في وجعك ياعمري كله
مريم: بحبك
كريم: وانا بموت فيكي ..وبعدين يلا بقي خشي جهزي هدومك والبسي عشان نروح للمأذون اردك ونرجع علي بيتنا بقي
مريم بسعادة ودموع: حاضر ..حالا ..واكلم هند اقولها دي هتفرح اوي
كريم: أما نرجع بيتنا كلميها خليها مفاجأة
مريم: أيوة صح ..هدخل اجهز علطول
"كريم في نفسه بعد مادخلت مريم: ربنا يقدرني واسعدك واعوضك عن كل اللي شوفتيه في حياتك واشوف دايما ابتسامتك دي علي وشك وربنا يجعلني سبب دايما في اني اقدر افرحك"
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
ملك: عامل ايه دلوقتي !!
أحمد: الحمد لله احسن
ملك: الحمد لله ربنا يقومك بالسلامة يارب
أحمد: انتي لسة زعلانة !!
ملك: لا هزعل من ايه !!
أحمد: من موضوع تأجيل كتب الكتاب
ملك: لا مادام دة يريحك خلاص
أحمد: انا كل دة والله عشان بحبك
ملك: وانا كمان بحبك وانت عارف كدة وعشان بحبك عاوزة ابقي جمبك
أحمد: انتي جمبي اهو
ملك وتجلس بجانبه: ياحبيبي انت مش فاهمني ..اللي يخلينا نأجل كتب الكتاب وابقي بعيد عنك مانكتبه وابقي معاك
أحمد: مينفعش ميتعملكيش فرح
ملك: ياحبيبي افهمني انا مش فارق معايا حاجة غيرك انت وبس ..انا قصدي مش هو كدة كدة كنا هنكتب الكتاب !! يبقي ايه يخلينا نأجل دة كله ونلغي نكتبه في معاده عادي وابقي معاك في الظروف دي مش بعد الظروف دي والأصول بتقول كدة بتقول اني اشيلك في ظروفك وتعبك
أحمد: طب والفرح !!
ملك: الفرح نبقي نعمله بقي اي وقت أما تبقي كويس المهم دلوقتي انت
أحمد: ازاي بقي مش هينفع
ملك: لا هينفع لأننا لسة ماحجزناش القاعة ولا حددنا المعاد إنما كتب الكتاب كل حاجة جاهزة فاللي يخليني ألغي طيب مانا اعمله في معاده احسن والفرح بعدين بقي بعد مانعدي من الظروف دي
أحمد: انتي قصدك نكتب الكتاب ونطلع علي بيتنا بعد كتب الكتاب علطول ومن غير مانعمل الفرح !!
ملك: اه عشان الظروف دي مينفعش فيها فرح ولا غيره وبعد ماتبقي كويس نبقي نعمل فرح براحتنا فرحة رجوعك بالسلامة وفرحة جوازنا ..وعلي فكرة في ناس اتجوزت من غير ماتعمل فرح بسبب ظروف عندها برضو يعني في واحدة اعرفها اتجوزت من غير الفرح عشان حماتها كانت تعبانة وعاوزة تدخل ابنها واخت جوزها كانت تعبانة وعاوزة تفرح باخوها برضو فمكنش ينفع يعملوا فرح فهل يأجلوا !! طيب وبعدين !! ..إنما أنا بقول بدل مانلغي الترتيبات دي كلها لا نخلي كل حاجة في معادها هتكون خرجت بالسلامة إن شاء الله ونروح علي بيتنا وابقي معاك
أحمد: فهمتك ياحبيبتي ..انا كل يوم بحمد ربنا علي نعمة وجودك في حياتي اي واحدة غيرك ماكنتش هتعمل أللي بتعمليه دة
ملك: حبيبي انا لازم اكون جمبك في الظروف دي مش بعد الظروف دي وبما اني كدة كدة هبقي مراتك يبقي خلاص اكون معاك من دلوقتي مش من بعد دلوقتي لانك هتكون محتاج ليا دلوقتي اكتر من اي وقت وواجب اني مراتك يبقي واجبي اني اشيلك في الفترة دي فترة تعبك مش بعدها
أحمد: ربنا يخليكي ليا يارب ..أنا موافق بس بشرط
ملك: شرط ايه دة !!
أحمد: مش هتنازل عن الفرح مهما حصل
ملك: وجودك جمبي وكويس بألف فرح عندي
أحمد: ومش هقرب منك غير يوم الفرح
ملك: أللي انت شايفه
أحمد: جهزي نفسك بقي لكتب الكتاب
ملك وتمسك بيديه: واخيرا حلم سنين بيتحقق
أحمد: واخيرا هتبقي مدام احمد شاهين وحلالي
"يقولون أن الحب تضحية ومن يحب حقًا يضحي من اجل من يحب وملك فعلت ذلك إلي هذه الدرجة تحبه لتضحي بهذا الشكل !! لاتريد تركه في أوقاته الصعبة بل تريد أن تكون بجانبه دائمًا في تلك الفترة وفي اصعب تلك الأوقات هذا هو الحب الحقيقي حقًا الذي يتحدثون عنه ..ماأجمل الحب الصادق الصافي الخالي من اي شوائب تقوم بتعكيره"
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
ياسمينا: الو ..صباح الخير
أدهم: صباح النور ..عاملة ايه
ياسمينا: الحمد لله ..انت في المستشفي ولا ايه !!
أدهم: لا انا روحت الشركة هخلص شوية شغل متعطل كدة وأجي علطول ساعتين زمن بإذن الله
ياسمينا: تمام وانا كمان اقوم افوق كدة وألبس وانزل
أدهم: لو احتاجتي حاجة كلميني
ياسمينا: ربنا يخليك ليا خلي بالك من نفسك
أدهم: وانتي كمان
"وبعد أن أغلقت مع أدهم رأت هاتفها يرن مرة أخري لتقل: مين دة بس !! لتنظر لشاشة الهاتف لتراها أمل لتقول بتذكير: يالهوي انا ازاي نسيتك ياأمل
ياسمينا: ايه ياأمل عاملة ايه
أمل: ايه يابنتي فينك كدة
ياسمينا: اسكتي ياأمل أحمد خطيب ملك عمل حادثة وكان بين الحياة والموت وملك كانت دخلت في غيبوبة واغمي عليها كذا مرة والله دماغي مش فيا من يوم أللي حصل
أمل بخضة: امتي دة حصل !! وهما عاملين ايه دلوقتي !!
ياسمينا: من اربع ايام تقريبا ..الحمد لله احسن
أمل: طيب انتو في مستشفي ايه !!
ياسمينا: مالوش لزوم تتعبي نفسك وتيجوا وتقلقي خالتو
أمل: مفيش الكلام دة ..قولي يلا انتو في انهي مستشفي
ياسمينا: مستشفي .....
أمل: تمام اقفلي يلا انا هلبس ونيجيلكم
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
"كريم ومريم وهم يدخلون للبيت"
كريم: خشي برجلك اليمين ياعروسة
مريم: البيت وحشني اوي ياكريم
كريم: البيت بس اللي وحشك !!
مريم بخجل: وصاحب البيت قبل البيت
كريم: يالهوي ياناس علي حبيبي وهو بيتكسف
مريم بكسوف: بس بقي ياكريم
كريم: وانتي وحشتيني ووحشتي بيتنا
مريم: وانا وحشني وجودك في البيت ومعايا
كريم وهو يقبل يديها: ربنا مايفرقنا تاني ابدا يارب
مريم: يارب ياحبيبي ونربي ابننا أللي جاي سوا ..إلا صحيح قولي نفسك في ولد ولا بنت !!
كريم: كل أللي يجيبه ربنا كويس .. وأهم حاجة أنه هيكون منك وانتي هتكوني مامته
مريم بدموع: ربنا يخليك ليا يارب
كريم وهو يمسح دموعها: بلاش الدموع دي بقي ..وبمرح: عارفة نفسي في بنت تكون شبهك كدة وعيوطة زيك
مريم وهي تضربه: بقي انا عيوطة !!
كريم بمرح: واجمل عيوطة في حياتي
مريم: وانا نفسي في ولد يكون شبهك في كل حاجة عشان كل أما ابصله اشوفك فيه واكون بحبك مرتين
كريم: ولد او بنت مش هتفرق اهم حاجة انك هتكوني انتي أمهم مش حد تاني وهيكونوا منك ودة أللي فارق معايا
مريم: بحبك ..بحبك اوي
كريم بحب: وانا كمان بحبك اكتر
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
سوسن: عامل ايه دلوقتي ياحبيبي
أحمد: الحمد لله احسن
شاهين: ربنا يتم شفاك علي خير يارب يابني
أحمد: كنت حابب اقولكم علي حاجة
سوسن: في ايه !!
أحمد: انا موافق علي كتب الكتاب في معاده من غير تأجيل
حسين: إن شاء الله يابني
أدهم بمكر وينظر لياسمينا بالجنب: تمام واحنا كمان نكتب كتابنا معاكم
ياسمينا بصدمة: كتاب مين !!
ادهم: هيكون مين يعني !! انا وانتي طبعا
ياسمينا: أدهم انت بتهزر !!
أدهم: طيب ليه لا !!
ياسمينا: أدهم ماتهزرش احنا لسة مبقلناش شهر ولا حاجة مخطوبين يبقي كتب كتاب ازاي دلوقتي !!
أدهم: مش مهم دة كله المهم الحب
ياسمينا: بطل هزار بقي ياأدهم
"الجميع كانوا يضحكون عليهم"
أحمد ب: خلاص ..فزعت كنا قفلنا الفصل أللي فات علي أما كريم راح لمريم وقولنا ياتري قرر أنه يسامحها ولا لا ورد فعل مريم هيكون ايه !! تعالوا بينا يلا نكمل نشوف أللي هيحصل ..قراءة ممتعة♥️
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
تجلس مريم وتستمع فجأة لجرس الباب يدق فتذهب لتفتح وتري من الذي يأتي إليها فتتفاجئ بوجود كريم
كريم: وحشتيني
مريم بصدمة: كريم !!
كريم: هتفضلي موقفاني كدة علي الباب كتير !!
مريم: آسفة ..اتفضل ياكريم
كريم وهو يجلس: وحشتيني يامريم
مريم وهي تجلس بجانبه: لو كنت وحشتك فعلاً زي مابتقول مكنتش قولتلي الكلام أللي قولتهولي ولا قسيت عليا بالطريقة دي وكنت اتطمنت عليا بعد ماطلعت
كريم بحنان: انا آسف ياحبيبتي آسف علي كل حاجة كانت سبب في دموعك وحزنك وكسرتك
مريم بعدم فهم: ايه غيرك فجأة كدة وايه لزمته الكلام دة !!
كريم بحنان ويمسك يديها: أللي غيرني فجأة إن قلبي انتصر علي عقلي ورفض بعدك ..أما بالنسبة ايه لزمة الكلام دة فهو اني جاي اقولك اني نويت ارجعك ليا واتمني ماترفضيش وتسامحيني علي أللي فات
مريم بصدمة وهي تقف من مكانها: انت بتتكلم جد !!
كريم وهو يقف أمامها: انا اول مرة اتكلم جد دلوقتي
مريم: كريم أنت كويس !! في وعيك يعني !!
كريم: انا عمري ماكنت كويس اد دلوقتي طول فترة غيابك انا عمري ماكنت كويس
مريم: ايه غيرك فجأة كدة عاوزة افهم ..دة انا جيتلك لحد عندك
كريم: حبك ..حبك في قلبي مقدرتش اموته ولا اخفيه كان بيظهر ويكبر مع الوقت أللي كنت فاكر فيه أنه بيموت جوايا
مريم بدموع: انت وجعتتي ..وجعتني اوي ياكريم وجعتني يوم ماجيت لحد عندك ووجعتني يوم ماشوفت دموعي في المستشفي ومافرقش معاك
كريم وهو يمسح دموعها: وانا من امتي كانت  دموعك بتهون عليا !!
مريم: ماهانت وخلاص
كريم: كنت بتقطع من جوايا مليون حتة وانا شايفك كدة ومشيت علطول عشان مضعفش قدام دموعك بس لقيت نفسي بضعف حتي وانا بعيد عنك ومفيش حل غير اني ارجعك لحضني من تاني
مريم: انا مش حمل وجع ياكريم مابقاش فيا مكان للوجع انا شوفت كتير في حياتي واتوجعت كتير وكله من أقرب الناس ليا
كريم: وانا عمري ماهكون سبب في وجعك ياعمري كله
مريم: بحبك
كريم: وانا بموت فيكي ..وبعدين يلا بقي خشي جهزي هدومك والبسي عشان نروح للمأذون اردك ونرجع علي بيتنا بقي
مريم بسعادة ودموع: حاضر ..حالا ..واكلم هند اقولها دي هتفرح اوي
كريم: أما نرجع بيتنا كلميها خليها مفاجأة
مريم: أيوة صح ..هدخل اجهز علطول
"كريم في نفسه بعد مادخلت مريم: ربنا يقدرني واسعدك واعوضك عن كل اللي شوفتيه في حياتك واشوف دايما ابتسامتك دي علي وشك وربنا يجعلني سبب دايما في اني اقدر افرحك"
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
ملك: عامل ايه دلوقتي !!
أحمد: الحمد لله احسن
ملك: الحمد لله ربنا يقومك بالسلامة يارب
أحمد: انتي لسة زعلانة !!
ملك: لا هزعل من ايه !!
أحمد: من موضوع تأجيل كتب الكتاب
ملك: لا مادام دة يريحك خلاص
أحمد: انا كل دة والله عشان بحبك
ملك: وانا كمان بحبك وانت عارف كدة وعشان بحبك عاوزة ابقي جمبك
أحمد: انتي جمبي اهو
ملك: ياحبيبي انت مش فاهمني ..اللي يخلينا نأجل كتب الكتاب وابقي بعيد عنك مانكتبه وابقي معاك
أحمد: مينفعش ميتعملكيش فرح
ملك: ياحبيبي افهمني انا مش فارق معايا حاجة غيرك انت وبس ..انا قصدي مش هو كدة كدة كنا هنكتب الكتاب !! يبقي ايه يخلينا نأجل دة كله ونلغي نكتبه في معاده عادي وابقي معاك في الظروف دي مش بعد الظروف دي والأصول بتقول كدة بتقول اني اشيلك في ظروفك وتعبك
أحمد: طب والفرح !!
ملك: الفرح نبقي نعمله بقي اي وقت أما تبقي كويس المهم دلوقتي انت
أحمد: ازاي بقي مش هينفع
ملك: لا هينفع لأننا لسة ماحجزناش القاعة ولا حددنا المعاد إنما كتب الكتاب كل حاجة جاهزة فاللي يخليني ألغي طيب مانا اعمله في معاده احسن والفرح بعدين بقي بعد مانعدي من الظروف دي
أحمد: انتي قصدك نكتب الكتاب ونطلع علي بيتنا بعد كتب الكتاب علطول ومن غير مانعمل الفرح !!
ملك: اه عشان الظروف دي مينفعش فيها فرح ولا غيره وبعد ماتبقي كويس نبقي نعمل فرح براحتنا فرحة رجوعك بالسلامة وفرحة جوازنا ..وعلي فكرة في ناس اتجوزت من غير ماتعمل فرح بسبب ظروف عندها برضو يعني في واحدة اعرفها اتجوزت من غير الفرح عشان حماتها كانت تعبانة وعاوزة تدخل ابنها واخت جوزها كانت تعبانة وعاوزة تفرح باخوها برضو فمكنش ينفع يعملوا فرح فهل يأجلوا !! طيب وبعدين !! ..إنما أنا بقول بدل مانلغي الترتيبات دي كلها لا نخلي كل حاجة في معادها هتكون خرجت بالسلامة إن شاء الله ونروح علي بيتنا وابقي معاك
أحمد: فهمتك ياحبيبتي ..انا كل يوم بحمد ربنا علي نعمة وجودك في حياتي اي واحدة غيرك ماكنتش هتعمل أللي بتعمليه دة
ملك: حبيبي انا لازم اكون جمبك في الظروف دي مش بعد الظروف دي وبما اني كدة كدة هبقي مراتك يبقي خلاص اكون معاك من دلوقتي مش من بعد دلوقتي لانك هتكون محتاج ليا دلوقتي اكتر من اي وقت وواجب اني مراتك يبقي واجبي اني اشيلك في الفترة دي فترة تعبك مش بعدها
أحمد: ربنا يخليكي ليا يارب ..أنا موافق بس بشرط
ملك: شرط ايه دة !!
أحمد: مش هتنازل عن الفرح مهما حصل
ملك: وجودك جمبي وكويس بألف فرح عندي
أحمد: ومش هقرب منك غير يوم الفرح
ملك: أللي انت شايفه
أحمد: جهزي نفسك بقي لكتب الكتاب
ملك: واخيرا حلم سنين بيتحقق
أحمد: واخيرا هتبقي مدام احمد شاهين وحلالي
"يقولون أن الحب تضحية ومن يحب حقًا يضحي من اجل من يحب وملك فعلت ذلك إلي هذه الدرجة تحبه لتضحي بهذا الشكل !! لاتريد تركه في أوقاته الصعبة بل تريد أن تكون بجانبه دائمًا في تلك الفترة وفي اصعب تلك الأوقات هذا هو الحب الحقيقي حقًا الذي يتحدثون عنه ..ماأجمل الحب الصادق الصافي الخالي من اي مصالح"
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
ياسمينا: الو ..صباح الخير
أدهم: صباح النور ..عاملة ايه
ياسمينا: الحمد لله ..انت في المستشفي ولا ايه !!
أدهم: لا انا روحت الشركة هخلص شوية شغل متعطل كدة وأجي علطول ساعتين زمن بإذن الله
ياسمينا: تمام وانا كمان اقوم افوق كدة وألبس وانزل
أدهم: لو احتاجتي حاجة كلميني
ياسمينا: ربنا يخليك ليا خلي بالك من نفسك
أدهم: وانتي كمان
"وبعد أن أغلقت مع أدهم رأت هاتفها يرن مرة أخري لتقل: مين دة بس !! لتنظر لشاشة الهاتف لتراها أمل لتقول بتذكير: يالهوي انا ازاي نسيتك ياأمل
ياسمينا: ايه ياأمل عاملة ايه
أمل: ايه يابنتي فينك كدة
ياسمينا: اسكتي ياأمل أحمد خطيب ملك عمل حادثة وكان بين الحياة والموت وملك كانت دخلت في غيبوبة واغمي عليها كذا مرة والله دماغي مش فيا من يوم أللي حصل
أمل بخضة: امتي دة حصل !! وهما عاملين ايه دلوقتي !!
ياسمينا: من اربع ايام تقريبا ..الحمد لله احسن
أمل: طيب انتو في مستشفي ايه !!
ياسمينا: مالوش لزوم تتعبي نفسك وتيجوا وتقلقي خالتو
أمل: مفيش الكلام دة ..قولي يلا انتو في انهي مستشفي
ياسمينا: مستشفي .....
أمل: تمام اقفلي يلا انا هلبس ونيجلكم
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
كريم ومريم وهم يدخلون للبيت
كريم: خشي برجلك اليمين ياعروسة
مريم: البيت وحشني اوي ياكريم
كريم: البيت بس اللي وحشك !!
مريم بخجل: وصاحب البيت قبل البيت
كريم: يالهوي ياناس علي حبيبي وهو بيتكسف
مريم بكسوف: بس بقي ياكريم
كريم: وانتي وحشتيني ووحشتي بيتنا
مريم: وانا وحشني وجودك في البيت ومعايا
كريم وهو يقبل يديها: ربنا مايفرقنا تاني ابدا يارب
مريم: يارب ياحبيبي ونربي ابننا أللي جاي سوا ..إلا صحيح قولي نفسك في ولد ولا بنت !!
كريم: كل أللي يجيبه ربنا كويس .. وأهم حاجة أنه هيكون منك وانتي هتكوني مامته
مريم بدموع: ربنا يخليك ليا يارب
كريم وهو يمسح دموعها: بلاش الدموع دي بقي ..وبمرح: عارفة نفسي في بنت تكون شبهك كدة وعيوطة زيك
مريم وهي تضربه: بقي انا عيوطة !!
كريم بمرح: واجمل عيوطة في حياتي
مريم: وانا نفسي في ولد يكون شبهك في كل حاجة عشان كل أما ابصله اشوفك فيه واكون بحبك مرتين
كريم: ولد او بنت مش هتفرق اهم حاجة انك هتكوني انتي أمهم مش حد تاني وهيكونوا منك ودة أللي فارق معايا
مريم: بحبك ..بحبك اوي
كريم بحب: وانا كمان
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
سوسن: عامل ايه دلوقتي ياحبيبي
أحمد: الحمد لله احسن
شاهين: ربنا يتم شفاك علي خير يارب يابني
أحمد: كنت حابب اقولكم علي حاجة
سوسن: في ايه !!
أحمد: انا موافق علي كتب الكتاب في معاده من غير تأجيل
حسين: إن شاء الله يابني
أدهم بمكر وينظر لياسمينا بالجنب: تمام واحنا كمان نكتب كتابنا معاكم
ياسمينا بصدمة: كتاب مين !!
ادهم: هيكون مين يعني !! انا وانتي طبعا
ياسمينا: أدهم انت بتهزر !!
أدهم: طيب ليه لا !!
ياسمينا: أدهم ماتهزرش احنا لسة مبقلناش شهر ولا حاجة مخطوبين يبقي كتب كتاب ازاي دلوقتي !!
أدهم: مش مهم دة كله المهم الحب
ياسمينا: بطل هزار بقي ياأدهم
الجميع كانوا يضحكون عليهم
أحمد بضحك: خلاص ..فزعت البت ياأدهم حرام عليك ..خلاص ياياسمينا هو أدهم بيحب يهزر بس
أدهم: انت ليه بتقولها ماكنت تسيبها كدة شوية
أحمد: حرام عليك والله دي اتخضت
ياسمينا: انا هيحصلي حاجة بسببه انا عارفة
أدهم: نعم ياحبيبتي بتقولي حاجة
ياسمينا: لا ياحبيبي بقول مش عارفة من غيرك كنت هعيش ازاي
أدهم: اه بحسب
ياسمينا: لا مقدرش
"وضحكا الجميع معًا في جو من البهجة والسرور"
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
في المساء
مريم: ايه ياهند عاملة ايه
هند: روما حبيبتي طمنيني عنك
مريم بإبتسامة: انا الحمد لله بخير
هند: يارب دايما ..ليه صوتك بيقول إن في حاجة !!
مريم: طب حلوة ولا وحشة !!
هند: لا حلوة صوتك بيقول انك مبسوطة
مريم بسعادة: اصل انا وكريم رجعنا لبعض
هند بسعادة: بجد !! احلفي كدة !!
مريم: اه والله وانا في البيت دلوقتي اهو
هند: مليون مبروك ياحبيبتي وربنا يسعدكم يارب ويهدي سركم
مريم: الله يبارك فيكي ياحبيبتي وعقبال يارب مافرح بيكي ويتمملك بخير يارب انتي ومصطفي
هند: يارب ياحبيبتي ربنا يخليكي ليا ..المهم دلوقتي افرحي بقي وانسي اي حاجة والماضي وخليكي في دلوقتي كريم وبقي معاكي اهو وكلها كام شهر ويبقي معاكم النونو أللي حلمتوا بيه
مريم: شكرا لكل حاجة عملتيها معايا ووقفتك جمبي وربنا يخليكي ليا يارب
هند: يابت انتي هبلة انتي اختي مفيش شكر مابين الاخوات ..المهم بقي اسيبك دلوقتي لكريم يقولك اقطعي علاقتك بيها
مريم بضحك: هههههه لا ميقدرش
هند: المهم خلي بالك من نفسك
مريم: وانتي كمان ياحبيبتي
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
ناهد: ازيك ياياسمينا ياحبيبتي ..ملك عاملة ايه دلوقتي وأحمد !!
ياسمينا وهي تحتضنها: الحمد لله احسن ياخالتو
ناهد: بقي كدة دة كله يحصل ومعرفش كلامي معاكم بعدين انتي وأمك
ياسمينا: والله ياخالتو غصب عننا اعذرينا دماغنا كان فيها مليون حاجة والله من يوم ماعرفنا خبر حادثة احمد واحنا كلنا متلغبطين وجت ملك كمان بقي ودخلنا في كذا حاجة
ناهد: ربنا يقومهم بالسلامة يارب ..ووجهت نظرها لادهم: ازيك يابشمهندس معلش اعذرني اني مسلمتش عليك علطول
أدهم: لا ماتقوليش كدة ولا يهمك
ياسمينا: صحيح ماعرفتكوش دي خالتو ناهد ياأدهم بص اطيب واحدة في الدنيا ..ودة أدهم ياخالتو خطيبي اكيد عارفاه
ناهد: اه طبعا عارفاه يوم الخطوبة تشرفت بيك يابني وكان نفسي اكون بتعرف عليك في ظروف احسن من كدة
أدهم: ربنا يخلي حضرتك واكيد الشرف ليا
ياسمينا: ودول ولاد خالتو ناهد ..أمل خريجة أسنان وانتيمتي وهشام خريج تجارة انجلش
أدهم: أهلا وسهلا تشرفت بيكم
أمل وهشام: شكرا الشرف لينا اكيد
ياسمينا: ثانية واحدة هندهلك ماما ياخالتو
أدهم: وانت بتشتغل فين بقي ياهشام !!
هشام: انا خلصت وروحت الجيش وأما رجعت بدور علي شغل وكل يوم انترفيو مع شركة واهو ربنا يوفق
أدهم: طب انا عندي استعداد اشغلك معايا في الشركة همسكك الحسابات
هشام بسعادة: ربنا يخلي حضرتك يارب والله
ناهد: ربنا يباركلك يارب يابني
هشام: انا متشكر اوي لحضرتك بجد
أدهم: علي ايه بس انا ماعملتش حاجة استحق الشكر عليها ..المهم شوف انت فاضي امتي وابقي تعالي عشان انزلك وشوف انت حابب تنزل امتي
هشام: لو عليا انزل من بكرة مفيش مشكلة
أدهم: تمام بكرة إن شاء الله هتلاقيني في انتظارك ولو انا مش موجود او مجتش ماتقلقش حازم صاحبي وماسك الشغل هناك مكاني هكلمه واقوله
هشام: يبقي متشكر جدا لحضرتك والله ودة جميل هشيلهولك فوق راسي العمر كله
أدهم: انا ماعملتش حاجة .. وربنا يوفقك يارب
سهير: أهلا اهلا ياناهد تعبتي نفسك ليه بس
ناهد: انا كلامي معاكي بعدين مش دلوقتي
سهير: والله ياناهد انا كنت شبه الغريقة اللي في نص البحر اللي هي ولا عارفة تنقذ نفسها ولا عارفة تطلب من حد ينقذها .. ماتزعليش مني بس والله من يوم اللي حصل دة وانا دماغي مقلوبة
ناهد: ايه اللي حصل وازاي
سهير: احنا كنا قاعدين عادي فجأة لقينا ياسمينا بتعيط وألحقي ملك ياماما احمد عمل حادثة ونزلت ملك تجري .. طبعا قومنا جري ونزلنا وملك بعد كدة بقي تعبت مننا واغمي عليها
ناهد: لاحول ولا قوة الا بالله قدر الله وماشاء فعل
سهير: الحمد لله
ناهد: وهما عاملين ايه دلوقتي !!
سهير: اهو الحمد لله احسن
ناهد: الحمد الله ربنا يتم شفاهم على خير يارب ..ينفع ندخلهم ولا ايه !!
سهير: اه طبعا تعالي
"وذهبا كل من سهير وناهد واولادها ولم يتبقي سوي ياسمينا وادهم"
ياسمينا: دي بقي خالتو ناهد أخت ماما ودول ولادها هشام وامل ..أمل دي مش بس بنت خالتي دي اختي وصحبتي وأقرب حد ليا وقت ضيقتي ووقت حزني ووقت فرحي معايا في كل خطوة وكل حركة
أدهم: ربنا يخليكم لبعض يارب ياحبيبتي
ياسمينا: ويخليك ليا يارب
أدهم: ويخليكي ليا ..صحيح انا قولت لهشام ابن خالتك أنه ييجي يقابلني واشغله معانا في الشركة
ياسمينا بفرحة: بجد !!
أدهم بإبتسامة: أيوة بجد ..يلا كله عشان خاطرك
ياسمينا: ربنا يخليك ليا يارب
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
كريم: مساء الخير كل دة نوم
مريم وهي تنهض: دة انا كأني بقالي سنة مانمتش
كريم: نوم الهنا ياحبيبتي ..يلا عشان تتعشي
مريم: عملهولي بنفسك وجيبهولي لحد السرير كمان ؟! لا انا كدة هتعود بقي واتدلع
كريم: ياباشا انت تعمل اللي انت عاوزه ..يلا كلي
مريم: ربنا يخليك ليا يارب
كريم: ويخليكي ليا ..واقدر اسعدك واعوضك عن كل حاجة
مريم: وجودك جمبي اكبر عوض بالنسبة ليا وربنا عوضني بيك وفيك
كريم: سامحيني لو يوم جيت عليكي غصب عني
مريم: عمري ماعرفت ادعي عليك أو اكرهك ولا عمري عرفت ازعل منك ..مسامحاك لاني بحبك
كريم: انا آسف علي كل حاجة بجد
مريم: انا أللي اسفة اني ماوثقتش فيك ..بس انا اتعذبت كتير في حياتي واتخدعت في اقرب الناس ليا ..طيب اقولك علي حاجة !! انا ماليش صحاب ومعرفش حد غير هند لأنها اختي أللي اتربيت معاها معرفش في حياتي حد غيرها كنت كل أما اصاحب حد يقعد معايا شوية ياخد مني ومن طاقتي ومن حبي واهتمامي وبعد كدة يمشي بدون اسباب وميكملش معايا الطريق لحد اما اتعودت اني ابقي لوحدي مش معايا حد بس من جوايا كانت بتصعب عليا نفسي اوي واقعد اعيط واقول انا عملتلهم ايه وحش عشان يبعدوا عني فجأة كدة !! وأما هما ناويين يبعدوا كانوا بيقربوا وياخدوا مني ومن طاقتي ليه من البداية !! وجعوني بقربهم وجرحوني ببعدهم لحد اما بقيت لوحدي وبقي أي حد يدخل حياتي ابقي عارفة أنه اي وقت هاييجي ويخرج ومن غير أما أعرف ليه ..كنت بقعد لوحدي واعيط وتصعب عليا نفسي اوي لحد في يوم هند سمعتني وانا بعيط وقعدت تتكلم معايا
#فلاش_باك
هند بفزع: ايه دة مالك بتعيطي ليه كدة في ايه !!
مريم وهي تمسح دموعها: ها لا مفيش حاجة انا كويسة اهو
هند: لا انتي مش كويسة انتي عينيكي وارمة من العياط
بكت مريم بشدة حتي أسرعت هند لاحتضانها وهي تقول: طب اهدي طيب وفهميني حصل ايه !!
مريم وهي ترفع راسها: هو انا وحشة ياهند !!
هند وهي تمسح دموعها: لا طبعا ياحبيبتي ليه بتقولي كدة
مريم ببكاء: اومال انا ليه لوحدي ومفيش حد معايا !!
هند: ايه اللي بتقوليه دة انا جمبك اهو وكلنا جمبك
مريم: انا ماليش صحاب ياهند زي باقي الناس انا لوحدي وطول الوقت حاسة بالوحدة حتي في الكلية حاسة اني لوحدي وصحابي اللي كانوا معايا من ايام المدرسة مابقوش موجودين وفجأة اختفوا معرفش ليه من غير سبب وبدأوا يتغيروا معايا وطريقتهم تتغير معايا وفجأة لقيتهم بعدوا ولقيت نفسي بقيت لوحدي ..اتوجعت في اقرب الناس ليا ياهند وقولت اعوض الوجع بالصحاب وجعوني أضعاف وكأني جيت للدنيا عشان اتوجع وبس
هند: ماتقوليش كدة يامريم ربنا احن عليكي اكتر من اي حد وربنا أما بيحب حد بيبتليه والابتلاء بيكون علي اد الحب يعني كل ماكان الابتلاء صعب اعرفي إن حب ربنا ليكي كبير وربنا عمره مابيبعد حاجة عننا إلا لو كانت شر لينا حتي لو كنا احنا فاكرينها خير بنكتشف بعد كدة أنها لو كانت فضلت موجودة مكناش هنعرف نعيش في وجودها والناس أللي بعدت عنك ربنا بعدهم عنك عشان مش خير ليكي ووجودهم كان هيأذيكي ..ويمكن كمان ربنا بيبعدهم عنك عشان يعوضك بحد بيهم كلهم
مريم: نفسي ربنا يعوضني وانا واثقة أنه هيعوضني يديني شخص يحبني ويخاف عليا واحس إن في حد بيحبني واني مهمة عنده وخايف أنه يخسرني
هند وهي تحتضنها وتقبل رأسها: صدقيني إن شاء الله ربنا هيعوضك وبكرة تشوفي عوض ربنا من كتر الفرحة أللي هتحسي بيها كأنك عمرك مازعلتي يوم
#باك
مريم بدموع: لحد مانت جيت ودخلت حياتي واتخطبنا وحسيت بس ساعتها إن ربنا استجاب لدعائي وعوضني بيك وحمدت ربنا كتير أنه عوضني بيك وكأنه كان بيبعد عني كل دول عشان يعوضني بيك انت .. من يوم ماحبيتك ودخلت حياتي وانا حسيت إن ربنا باعتك ليا دواء لكل الوجع وأنه بعد كل دول عني عشان يبعتك ليا وان انت بيهم كلهم واتجوزنا وعيشت معاك اسعد ايام حياتي وحسيت بحنانك عليا وحبك ليا لحد اما أللي حصل دة حصل وكأن كل حاجة اتعادت قدامي من تاني زي شريط الفيلم افتكرت كل حاجة من يوم أما فقدت امي وابويا لحد اما مامة هند ربتني وكانت صدمتي اكبر كانت اكتر مرة اتوجعت فيها مع اني اتوجعت كتير بس المرة دي حسيت وكأني لأول مرة اعرف يعني ايه وجع وكان بالنسبالي كل الوجع اللي مريت بيه دة كله كوم ووجعي منك انت كوم تاني
كريم وهو يمسح دموعها: انا اسف .. آسف علي كل حاجة آسف اني مافهمتش ومقدرتش دة من البداية آسف اني جيت عليكي ووجعتك ..بس اوعدك هعوضك ..هعوضك عن كل دة وعن كل وجع شوفتيه في حياتك وكل وجع بسببي
مريم: وجودك جمبي ومعايا ونربي ابننا سوا ورضا ربنا علينا اجمل عوض بالنسبة ليا
كريم: ربنا يخليكي ليا ويباركلي فيكي يارب
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
سامية وهي تدخل للمنزل: اهلا اهلا ..ازيك ياماما عاملة ايه ياحبيبتي ايه النور دة كله
هدي وهي تسلم عليها: الحمد لله ياحبيبتي
سامية: قاعدة بقالك كتير ولا ايه !!
هدي: لا لسة جايين بقالنا ربع ساعة كدة مثلاً
سامية: طب تعالي تعالي اقعدي ..بابا فين اومال مجاش معاكي ولا ايه !!
هدي: لا جيه بس دخل يصلي ..وقاطع حديثهما خروج صابر وهو يقول بإبتسامة: انا اهو جيت ماتقلقيش
سامية بإبتسامة وتسلم عليه: حرمًا يابابا .. ووحشتني جدا يابابا
صابر: جمعًا إن شاء الله ياحبيبتي ..وانتي اكتر والله
هدي: انتي جاية منين كدة يابنتي وسوسن اختك بنتصل بيها مش بترد ومش عارفين نوصلها وقلقنا عليها اوي كانت بتكلمنا كل يوم وبقالها بتاع ٣ ايام او اكتر متكلمتش
صابر: اكيد مشغولة بطلي انتي قلق بس
هدي: مشغولة ٣ ايام لدرجة أنها مبتبصش في التليفون ولا فاضية خمس دقايق حتي !!
سامية بحزن: سوسن بخير ياماما ماتقلقيش هي بس عندها ظروف اليومين دول غصب عنها
هدي بقلق: مالها اختك !!
سامية بتنهيدة: أحمد عمل حادثة وفي المستشفي بقاله ٣ ايام تقريبا ولسة فايق وملك خطيبته كانت دخلت في غيبوبة برضو وسوسن في دوامة مش دارية بحاجة
هدي بخضة: كل دة وانا معرفش !!
سامية: تلاقيها مارضيتش تقولك عشان خافت عليكي بس ياماما من الصدمة
صابر: إن لله وإن إليه لراجعون ..ومش تقولنا طيب كان زماننا معاها
سامية: انا نفسي لسة عارفة النهاردة ولولا بكلمها بالصدفة زي ماقولتلك ياماما هي في دوامة
هدي: لا اله الا الله ..طيب انا عاوزة اروحلها اطمن علي احمد
سامية: حاضر نتغدي واخلي مصطفي ولا مختار يودوكي
هدي: لا انا هروحلها دلوقتي قوليلي هي مستشفي ايه !!
سامية: استني ياماما مصطفي جاي اخليه ييجي معاكي تكوني اتغديتي
صابر: احنا معانا العربية قوللنا هي فين بس واحنا هنروح
سامية بقلة حيلة: ماشي تعالوا انا جاية معاكم اوديكم
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
ياسمينا: هو احمد مالوش اخوات ياطنط !!
سوسن وتنظر لها بحزن: لا ليه
ياسمينا باستغراب: اومال هما فين مشوفتهمش
سوسن بحزن: لأنهم مش موجودين ..احمد كان ليه اخت واتوفت في حادثة وأخوه الكبير اتجوز ومابقاش يعرفنا
ياسمينا وهي تحتضنها: انا اسفة ياطنط اني فكرتك لو كنت اعرف مكنتش سألت
سوسن: ولا يهمك ياحبيبتي انا أصلا عمري مانسيت
ياسمينا: انا آسفة بجد ياطنط وربنا يرحمها يارب
سوسن بتنهيدة: رامي ابني أخو احمد الكبير اتجوز من خمس سنين ومراته بقي الله يسامحها كرهته فينا وهو للأسف سمع كلامها ومابقاش يعرفنا وكأنه ولا ليه اب ولا ام ولا أخ حتي وكأننا مش أهله ولا يعرفنا وخسرنا عشان مراته مقوية قلبه علينا
ياسمينا: الله يسامحها علي اللي هي بتعمله دة وقاطع حديثهما لتتفاجئ بدخول والدها ووالدتها للمستشفي لتذهب مرحبة بهم
‏سوسن وهي تقبلهم: وحشتوني اوي ..تعبتوا نفسكم ليه بس
‏هدي: بقي كدة ياسوسن ماتقوللناش
‏صابر: مش معقول يابنتي يحصلك دة كله ومنبقاش جمبك
‏سوسن: محبتش اقلقكم بس خوفت عليكم
‏هدي: وأحمد عامل ايه دلوقتي !!
‏ ‏سوسن: الحمد لله احسن .. تعالوا ادخلوله
‏٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
حازم: انا آسف اني طلبت اقابلك
حنين: لا مفيش اي مشكلة
حازم: انا بشكرك جدا علي اللي عملتيه معايا ووقفتك وعرفت انك انتي أللي دفعتي حساب المستشفي
حنين: لا مفيش حاجة دة واجبي وانا غلطت وكان المفروض اصلح الغلط دة
حازم: اتفضلي دي حاجة بسيطة
حنين: لا انا مش هقدر اقبلها
حازم: من فضلك دي حاجة بسيطة شكر مني ليكي علي وقفتك معايا
حنين بقلة حيلة: ماشي شكرا
‏٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
وبعد مرور شهر تقريبا كان قد خرج أحمد من المستشفي وبدأ أن يتحسن مع الوقت وياسمينا وادهم يزداد حبهم لبعضهما وتقربا أكثر إلي بعضهما وحازم بدأ يفكر في حنين كثيرا وبدأت تشغل تفكيره كثيرًا
وفي يوم من الايام
‏حازم: انا بصراحة كدة كنت عاوز اتكلم معاكي في موضوع كدة
‏حنين: تحت امرك
‏حازم: انا مش عارف اجبهالك ازاي
‏حنين: اتكلم علطول
‏حازم بتوتر: ب..ب..بصي بصراحة أنا بحبك وعاوز اجي اتقدملك وماتسألنيش امتي وازاي لأني أنا نفسي معرفش وماتسألنيش ليه برضو لأن الحب الحقيقي بيكون من غير اسباب ..ومش عاوز رد دلوقتي خدي وقتك وفكري وردي عليا براحتك بس بلاش تتأخري واتمني يكون بالقبول .. بس كدة قولت الحمد لله
حنين اكتفت بالضحك والإبتسامة علي طريقته
‏٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
‏شاكر: سوزان ..سوزان
‏سوزان وهي تخرج من المطبخ: حمد لله علي سلامتك جيت بدري يعني النهاردة !!
‏شاكر: الله يسلمك ياحبيبتي ..اه ادخلي البسي
‏سوزان باستغراب: ليه في حاجة ولا ايه !!
‏شاكر: لا ياحبيبتي هروح ازور احمد ابن خالتك عشان ماروحتلوش في المستشفي
‏سوزان بإبتسامة: حاضر ثواني واكون جاهزة
‏٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
‏سوسن: اقعد ياحبيبي ارتاح وقولي عاوز ايه بس وانا اعملهولك
‏احمد: راحة ايه بس ياماما كتب الكتاب كمان أسبوعين
‏سوسن وهي تجلس بجانبه: كبرت ياأحمد وهتتجوز خلاص
‏احمد وهو يمسح دموعها: دموعك أغلي من حياتي ومحبش اشوفها ياأمي ومهما كبرت هيفضل حضنك هو آمن مكان بالنسبة ليا وهفضل محتاجلك
‏سوسن: ربنا يخليك ليا يارب ياحبيبي ويسعدك
‏احمد: ويخليكي ليا يارب ياحبيبتي ويطولي في عمرك يارب
‏سوسن وهي تعطيه حلق: خد دة يابني ينفعك
‏احمد باستغراب: ايه دة ياماما !!
‏سوسن: دة حلق بتاعي مش محتاجاه خده بيعه وفلوسه انت أولي بيها اليومين دول ولو كان معايا اكتر من كدة مكنتش أتأخر عنك ابدا
‏احمد: شيلي دهبك ياماما ابنك راجل ويقدر يصرف علي نفسه وعلي مراته وبعدين دة انا ازودهولك ياماما مش اخد منك والحمد لله مستورة
‏سوسن: انا عارفة إن الحِمل تقيل عليك يابني
‏احمد: وربك عمره مابيحمل حد فوق طاقته ولا بيحمل حد حاجة إلا أما بيكون واثق أنه يقدر يتحملها .. وأللي يقبل ياخد فلوس من امه عشان يتجوز بيها مايستاهلش أنه يكون راجل ..وبعدين مانتو كمان الحِمل كان تقيل عليكم في تربيتنا واتحملتوا كتير جيه بقي الوقت أللي اشيلكم انا فيه ..وكتر ألف خيركم علي كل حاجة وأنكم جبتولي الشقة المفروض في ايه تاني تعملوه !! لو في حاجة تاني فهيبقي انا أللي اعمل مش انتو
‏سوسن: أنا ربنا عوضني بيك وعوضني عن قسوة اخوك بحنانك عليا
‏احمد: اخويا مسيره ييجي ويفوق ولو مكنش دلوقتي فهيكون بعدين أما يلاقي عياله بيعملوا فيه نفس أللي عمله دة
‏سوسن بتوتر: ربنا يهديه يارب يابني ..بس هو انت مش ناوي تقوله انك هتكتب كتابك دة مهما كان اخوك الكبير
‏احمد: اكيد هقوله وهروحله لحد بيته واعزمه بنفسي وكل دة عشان خاطرك انتي بس ولأنه في الأول والآخر اخويا وكلمة اخويا دي كبيرة اوي
‏سوسن: ربنا يباركلي فيك يارب يانور عيني
‏أحمد: ويخليكي ليا ياست الكل
‏"وقاطعها رنين هاتف أحمد ليمسك بالهاتف وينظر إلي شاشته ليقول: مرات ابنك بتتصل أهي
‏سوسن بضحك: لسة مابقتش مراتك كلها ايام خلاص
‏احمد بضحك: مراتي من أول يوم شوفتها فيه وكلها ايام والحلم يبقي حقيقة
‏سوسن: ربنا يسعدكم يارب ويهنيكم هي طيبة وبنت حلال وبتحبك ..رد عليها وانا هقوم احضرلك الغدا
‏أحمد: أهلا زوجتي العزيزة
‏ملك بضحك: لسة شوية
‏أحمد: اتقل ياجميل براحتك ..وشوية ايه بس كلها اسبوعين
‏ملك: كلها اسبوعين واكون مدام احمد شاهين
‏احمد: ربنا يخليكي ليا ياأغلي حاجة في حياتي
‏ملك: ويخليك ليا يارب ..طمنني عليك انت عامل ايه دلوقتي !!
‏أحمد: الحمد لله احسن
‏ملك: ربنا يتم شفاك علي خير يارب ويفرحنا
‏"وظلا ملك وأحمد يتحدثان بالهاتف لوقت طويل  من المرح والضحك والسرور والحب"
‏"ماأجمل الحب عندما يكون قائم علي الصدق فيه والثقة المتبادلة ..حب صافي نقي خالي من الشوائب"
‏٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
‏ادهم: مالك سرحانة في ايه !!
‏ياسمينا: كتب كتاب ملك وأحمد كمان اسبوعين وانا متلغبطة ومشغولة معاها بقي وكدة
‏ادهم: ربنا يتمملهم علي خير يارب
‏ياسمينا: يارب إن شاء الله
‏ادهم: طيب تحبي تاخدي إجازة لبعد كتب الكتاب
‏ياسمينا بإحراج: مكسوفة الصراحة منك وحاسة تقلت عليك
‏ادهم وهو يجلس أمامها: وانا مش قولتلك قبل كدة لو احتاجتي اي حاجة اطلبيها مني وماتتكسفيش !!
‏ياسمينا: احنا بس عشان كنت تقلت عليك الفترة أللي فاتت دي
‏ادهم: مفيش حاجة من الكلام الاهبل دة وخدي إجازة لحد بعد كتب الكتاب ولو حبيتي تقعدي في البيت كمان موافق
‏ياسمينا: انت بتهزر بقي يا أدهم
‏ادهم: أيوة كدة اضحكي بقي
‏ياسمينا: ربنا يخليك ليا
‏ادهم: ويخليكي ليا يارب
‏٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
‏أحمد: السلام عليكم ..رامي موجود اقدر أقابله !!
‏ثريا بقلة ذوق: لا مش موجود ..اي خدمة تاني !!
‏أحمد: لا شكرا ابقي قوليله اني سألت عليه وعاوزه ضروري
‏ثريا بتريقة: تعالي اتفضل اشرب حاجة طيب
‏"وأحمد لسة هيمشي سمع صوت رامي أخوه وهو بيقول: مين ياثريا
‏ثريا بتحدي: دة البواب ياحبيبي جاي ياخد الزبالة ويسألني إذا كنت عاوزة حاجة يجبهالي ولا لا
‏رامي وهو يذهب للباب: طب كويس انا عاوز سجاير ..وذهب إليه وهو يخرج فلوس من جيبه: بقولك والنبي ياعم عبده هاتلي علبة سجاير ك...وبصدمة: احمد !!
‏أحمد: عامل ايه يارامي
‏رامي وهو يدخله: تعالي تعالي ياحبيبي واقف برة ليه كدة ومالك ماشي بعكاز ليه !! تحب تشرب ايه !!
‏احمد: ولا حاجة انا بس جاي عاوزك في موضوع
‏رامي: خير ياحبيبي ..ومال دراعك ورجلك !!
‏أحمد: لا دي حادثة بسيطة ابقي اقولك عليها بعدين
‏رامي: اتكلم ياحبيبي انا سامعك
‏أحمد بتوتر: انا كتب كتابي كمان اسبوعين إن شاء الله وكان نفسي تبقي موجود اوي وانا جاي لحد بيتك عشان اعزمك بنفسي وعشمي فيك انك متكسفنيش وتيجي وتكون معايا في يوم زي دة لاني مقدرتش اعمل يوم زي دة وانت مش موجود معايا
‏رامي بصدمة: كتب كتابك !! خطبت امتي ولا ايه اللي حصل !!
‏احمد: خطبت بقالي سنة اهو وهنكتب الكتاب ونأجل الفرح شوية عشان الحادثة أللي حصلتلي دي
‏رامي: كل دة وانا معرفش حاجة
‏احمد بحزن: قبل الخطوبة كلمتك ومراتك ردت علينا بأسلوب مش كويس وقالت انك مش موجود واستنيتك تكلمني بس انت متكلمتش ويوم الحادثة ماما كلمتك برضو وقفلت السكة في وشها فعشان كدة قررت اجيلك بقي عشان كتب الكتاب ومينفعش تكون مش موجود
‏رامي بصدمة: ثريا عملت كدة !! استني أنت كدة يا أحمد .. وبصوت عالي: ثريا ..ثريا
‏ثريا ببرود: نعم يارامي في ايه عاوز ايه !!
‏رامي: انتي قولتي لأحمد اخويا اني مش موجود ليه وتضحكي عليا وتقوليلي دة البواب !! وكمان أما اتصل بيا ماقولتيش ليه !! وامي كلمتك تقولك اخويا عمل حادثة تقفلي في وشها وماتقولليش !!
ثريا واقفة ببرود ماردتش
رامي بزعيق: ماتنطقي ايه أللي عملتيه دة
ثريا: انت عارف اني مش عاوزة حد من اهلك يخش بيتي
رامي وصفعها علي وجهها بقوة: اخرسي يازبالة ..ومسكها جامد من شعرها: اهلي دول أللي ربوني وكبروني وخلوني اتجوزك وخلوني راجل اقدر اصرف عليكي لولاهم ولا كنت اتجوزتك ولا كان زمانك عايشة العيشة أللي انتي عايشاها دي اهلي دول بمليون واحدة زيك ومن عينتك وعينة اهلك ..عمالة تتفرعني ونسيتي اصلك وصبرت عليكي كتير كل شوية اصل اهلي جايين فاتحة البيت لاهلك بس !! انا مالي ومال اهلك
ثريا وهي تسلك نفسها من بين يديه وبزعيق: انت بتمد ايدك عليا انا ..انا يارامي !! اهلك !! اهلك اللي طردوك من بيتهم !!
رامي وصفعها بقوة مرة اخري: ياشيخة انتي السبب منك لله قومتيني علي اهلي وخلتيني اعصاهم وابعد عنهم والحمد لله اني فوقت في الوقت المناسب لأني قرفت منك
احمد وهو يهدأ بينهما: خلاص ..خلاص يارامي اهدي
ثريا بعصبية وزعيق: وحياة امي لاندمك علي اليوم أللي مديت ايدك عليا فيه
رامي بعصبية وهو يحاول ضربها ولكن احمد ممسك به: انتي بتهدديني !! طز فيكي وفي اهلك وفي أي حد يتشددلك ..واعملي حسابك هاتيجي ونروح لامي وتوطي وتبوسي علي ايديها ورجليها وتطلبي أنها تسامحك ..وتعتذري لاحمد اخويا حالا والا هتشوفي معايا ايام سودة
ثريا بزعيق: ولا هعتذر ولا هبوس علي ايد حد
احمد: خلاص يارامي عشان خاطري
رامي بتعب وهدوء ويأخذ نفسه بسرعة ويشهق: يعني كدة !!
ثريا: أيوة واعلي مافي خيلك اركبه مش ثريا أللي توطي وتبوس علي ايد امك وتعتذر لاخوك
رامي بهدوء ويأخذ نفسه: تمام ..تمام ياثريا ..انتي طالق
ثريا بصدمة: انت طلقتني !!
رامي: أللي مالوش خير في أهلي مالوش خير فيا وانا لو مش هيبقالي خير في أهلي مش هيبقالي خير فيكي ..اذا كنتي مش قابلة اهلي وبتعملي معاهم كدة يبقي هتحافظي عليا انا !!
ثريا بعصبية: ماشي ..ماشي يارامي لو مجتليش راكع وتتمني مني نظرة مابقاش انا ثريا
رامي: أللي تقدري تعمليه اعمليه ..واتفضلي يلا خدي هدومك وعلي بيت أهلك خليهم يصرفوا عليكي
ثريا: هتدفع تمن اللي عملته دة غالي اوي
رامي: استني ..وذهب لفتح الباب: اتفضلي اخرجي من غير ولا حاجة زي ماكنتي جيالي بالظبط
ثريا بتوعد: ماشي ..ماشي يارامي
"ورزع رامي الباب خلفها بقوة"
احمد: اهدي كدة
رامي: انا تمام ..تمام ياحبيبي
أحمد: ليه كدة يارامي خربت البيت !! انا آسف مكنتش اقصد كل دة يحصل
‏رامي: البيت كدة كدة خربان من زمان انا أللي كنت بكابر ومكنتش واخد بالي ..بس جبت اخري منها خلاص ودة المفروض أللي كان يحصل من زمان ..وانت مالكش ذنب في أي حاجة دة المفروض اللي كان يحصل من ٥ سنين فاتوا
أحمد: قدر الله وماشاء فعل هدي نفسك انت بس وإن شاء الله كل حاجة هتبقي تمام
رامي: المهم قولي كتب الكتاب فين وامتي ومحتاج ايه وانزل معاك
أحمد بإبتسامة: ربنا يخليك ليا يارب
‏٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
‏وبعد مرور أسبوعين جاء اليوم الذي ينتظره الجميع وخصوصا احمد وملك ..وكان يجلس الجميع في سعادة لاتوصف وكان قد جاء المأذون وذهبا إليه
‏المأذون: الف مبروك وربنا يتمم بخير ..فين والد العريس والعروسة واتنين شهود
‏ادهم: وهو يعطيه البطاقة اتفضل يا مولانا
‏المأذون: كويس دة الشاهد الاول فين الشاهد التاني !!
‏شخص وهو يرمي البطاقة علي الطرابيزة أمام المأذون وهو يقول: انا الشاهد التاني يامولانا
‏سوسن بصدمة: رااامي !!!!!!!!
‏٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
وقفلنا الفصل الثاني والعشرون علي إن رامي راح كتب الكتاب وصدمة سوسن اول أما شافته

-ياتري ايه اللي هيحصل في كتب الكتاب !!
-ياتري ثريا ناوية علي ايه !!
-ياتري حنين هي كمان بتحب حازم وهتوافق ولا هترفض !!

وأسئلة كتير جدا بتدور في دماغنا وعاوزين ليها اجابات وهنعرف كل دة في الفصول والاحداث الجاية إن شاء الله ♥️♥️🌻
وطبعا مستنية رأيكم وتوقعاتكم في الكومنتات ♥️🌻

وإلي اللقاء في الفصل الثالث والعشرون إن شاء الله ♥️🌻
انتظروني في الفصل الثالث والعشرون♥️🌻
#بقلم_صباح_وحيد ♥️🌻