طبعاً كتبت ابريل بالعنوان لان مكتوب هيج بتقويم الموبايل وماعرف احنه بيا شهر بالارقم ف اتس اوك
المهم ف هاليوم چان مميز وشاق بنفس الوقت شقني وصلتين بس الحمد لله😂 بعد عناء طويل لگيت شغل، اول البارحة چنه گاعدين ف جابو طاري انو ولد صديقنا عندو بسطية مال فواكه بمكان زين بس ماعندو احد يشتغل معا كلما ينزل عامل معا ثاني يوم يترك لان شغل متعب، ف ابو الفهود حمى وگال : افااا لعد اني ليش صاري 6 ايام بالجم غير للاشغال الشاقة🤡 ف رحت اليوم الصبح (وكت الشغل من ال9 الى اذان المغرب) وفعلاً طلع شاق، جابو مسواگ نزلت بكم رگي وبكم بصل وفطرت بعد مااقاوم😂💔 وبقية الشغل بس ابيع العالم عادي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سماحتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اليوم لاحظت شي ملاحظو قبل بس انعاد مرة الخ جا واحد ابو سيارة كمارو 2020 مدري19 تسوگ وكمل وگام يعامل عالربع دينار تخيلو😂وهو المربح اكثر شي يطلع خمسمية دينار ، والناس العاديين يجون يشترون حتى مايعاملون خطية گبل يورق ويطلع وذولة مرات ننطيهم زيادة نص كيلو ربع كيلو لان مايعلعلون الگلب.
وبس هيچ
____________________________
ردت انوه على شغلة بس، انو حلقة اليوم مال كمامات وطن اللهجة مالها ماتقرب للهجة الغربية لا من بعيد ولا من قريب ولا سامعها قبل اصلا لان ممصخينها بالكلمات مثلا بحرف ال(و) وال(چ) مسوينها اوڤر حتى حسيتهم گعد يستهزئون😂 بس فكرة الحلقة چانت فدشي👌🏻
