STILL WITH YOU # Completed#

chapter 18

LEE SO RA pov

Ka in rawlh vat a ngai tih ka hria, Jungkook kut hum ruh em vanga a thisen sam pawng tulh tulh te chu ka hmuh hmaih hoh lo, Tae hi a ngai thei vak lo tih ka hria, he thil hi ka tih tawp vat lo chuan buaina a chhuak ngei ang.

"Jungkook Tae hi Busan ah hian an rawn transfer a, ka haw na lam tur a ni bawk nen min rawn drop a " zawhna pawh min zawt lemlo chuan ka ti nghal thlawr a.
Jungkook chu ka lam lo hawi in rum fe hian min melh a, min melh nat em vang in  thu sawi leh tum a ka kà ka âng zuau pawh ka chip leh ta zawk a.

"Ka chhuak dawn, in duh dan dan khan lo awm teh u" ati deuh hmuk a, en pawh min en tawh lo chuan a kal chhuak nal nal a, kei chuan a hnung lam atangin ka thlir reng thung.

"Tae" ka in thlahrun em vang chuan ka aw pawh
a ring thei lo.
Tae chu lo hawi in min nuih deuh suk a, a awm dan ah chuan ani pawh jungkook awm dan vang khan nuam a ti bik chiah lo tih ka hria, a ngaih that nan ka nuih let ve mai a.

"I chau ngawt ang ti raw?, coffee ka siam ang che aw" ka sawi tur hre lo chuan ka'n ti ringawt a.

"Immm," tiin a bu nghauh nghauh a, ka thawmhnaw khai chu a rem chang lai ah ka dàh a, coffee siam tur in choka lam ka pan san nghal a.

Coffee ka siam chhung zawng in jungkook awm dan chuan ka awm a ti nuam lo a, engvanga tianga Tae chunga awm nge a nih?
A ruk tak chuan ka hmuh loh na a rei ve tawh bawk nen,ka ngaih ve em vang in ka haw ve a, tiang khan min tilungawi lo leh em em a.

Coffee nen chuan Tae awmna chu ka pan a, kan thil in dun pah chuan kan ti ti dun malh malh a.
.
.
.
"Tae, i hman a piang in rawn leng ziah rawh aw"

"Tehreng mai, i phal te chuan" ati a, a nui leh suk hawk. Tae nuih dan hi chu damlo tan pawh dam pui vawng vawng na tur khawp a mawi leh hmuhnawm tham ani.
.
.
.___________

Tae haw hnu chuan ka room ah chuan ka lut a, ka room chu ka lo ngaihtuah loh dan daihin ka hmu a fai lutuk tlat, kan awm lohna a rei ve tawh bawk nen a lo pâwt ther thur ka rin teh reng nen..tu in nge lo tifai ni?
Ngawi teh ka room hi Jungkook!

Ka room atang chuan ka chhuak a, ka room chiah ni lo inchhung hmun tin te chu a fai em em vek a nichin khan ka lo en chiang hlom reng reng hleinem.

Jungkook thil tih ngei a ka rin vang in keimah chuan làwm ni si lo chuan ka nui ver ver a.

Hriat loh kar a hnuai lam atanga ka pum rawn ri ka hriat chuan chaw ka la ei lo tih ka hre chiah, choka lam ka pan a, chawhmeh kan nei dawnlo tih ka hriat sa vanga ka lei haw  ho chawhmeh chu ka siam a, mak tak mai chu ka thil siam chhung zawng in jungkook in ka thil siam hmel a hmuh a a hmel awm dan tur chiah ka ngaihtuah  a, ka thil siam engkim chu a duh a ngem? A ei hun ah engtik nge a awm ang? Tih chauh ka ngaihtuah.
Lee So Ra hian enge ka ngaihtuah hi??

Kan zanriah tur ka siam zawh hnu chuan ei mai theih tur in dawhkan ah chuan ka dah a, tunah chuan a ei tu tur ber Jungkook lo nghah chiah a ni tawh mai.

Sana chu ka en a dar 7 a ri tawh, "ti nge maw a rawn la haw miah loh le" tia ka sana ka en zawh chiah chu kawngkhar rawn in hawng ri ka hriat chuan chuan kawngka lam chu ka pan nghal a.

"Jungkook ilo thleng ve ta maw ka lo nghak che a, zanriah ila ei lo ang ti raw, ti rawh zanriah ka siam peih vek tawh nia" ka phur vang nge maw, ka thil sawi tur chu ka sawi nghal hmiah hmiah a.

"I bialpa chu a haw tawh em ni" ka zawhna pawh chhang lo chuan a ti a,
Ngawi teh, Bialpa ah!! A la rui deuh bawk emaw ni.

"Bialpa mawh!!"
Ka ti ri thrat a.

"Immmmmm, i bialpa ni lom ni kha pa Kim..ngawi teh! eng Kim nge ni kha"

Thil ngaihtuah ni awm fahran chuan chunglam chu a melh vang vang a.
"Awww... Kim Taehyung  maw le"