STILL WITH YOU # Completed#

chapter 24

So Ra pov cont....

"Tae" ka tih rual chuan ka mittui chu a rawn tla ngiai a.
Tae chuan hlauhthawn hmel fe hian "So Ra enge thleng" a rawn ti a.

In ka chhuahsan thu chu ka hrilh a, Tae chuan a rawn kal tur thu leh ka awm na a lo awm tur in min ti a. Ka hma a thingkung bula long chair ah chuan Tae lo thlen hun chu ka lo nghak a.

Vawiin thil thleng chu ka ngaihtuah na ah alo lut a, ka hmangaih ber chu tun ah chuan ka chhuahsan ta, ka ngaihtuah zawng ringawt pawh in ka mittui a tla a, a tello hian ka awm thei tak tak a ngem tih chu ka ngaihtuah ngut ngut a mahse kei min hmangaih miah lo tu bul a awm chu hrem hmun tluk zet a hrehawm ani dawn tih ka hre tho si.

A hma lawk a a thu sawi "nanghi ka hmangaih hnuhnung ber tur ini" a tih tum a a hmel a atih tak tak hmel chu ka mit thla ah a rawn lang nawn ûn ûn a, kha tih hun lai a ka hlim zia kha mahse tun ah chuan khang a thu sawi kha min tinatu thu mai a chang ta si.

Motor ri ka hriat rual chuan ka hawi vat a, motor light in min rawn chhun khalh tlat vang chuan ka hma mi chu engmah ka hmu theilo, ka mit pakhat zawk chu ka chhing a, motor light off rual a kawngkhar hawng a rawn chhuak chu ka en a. Tae chu ka lam pan in a rawn tlan a.

Ka bul a rawn thlen chuan ngún fe chuan min melh a.

"So Ra i tha em?'' a rawn ti nghal a.

Ka mittui rawn tla tur chu inhnit in ka nui lui a, tawngkam a chhang lo in ka lu chu ka bu zauh ringawt.

"Awle zanin atan chuan ka in ah awm phawt ila, naktuk ah kan inbe tha dawnia" a ti a, ka luggage ken lai chu min lak sak a, a motor hnungah chuan a dah a, passenger seat lam a kawngkhar chu min hawn sak in ka thu lut nghal a, ani pawh a rawn lut ve vat a.

Kawngtluan chuan kan in be lo a, motor glass chu down in pawn lam atanga thli rawn thaw heuh heuh chu ka dawng a, ka mittui ka biang atanga rawn luang thla chu thli thaw in arawn thawtpui ve niawm tak chuan a rawn hit chem chem a.
.
.
.
.
Motor a din chuan ka seatbelt hren chu ka phelh a, Tae chuan ka luggage chu a
rawn la chhuak in "Lut ang le" tih pah chuan kawngka lam min kawh hmuh chu rual in ka lut nghal a.

In chhung kan luh chuan room lam ah a lut a, ka zui ve zel ringawt a.

In chhung chu a zau lutuk lova mahse pakhat chauh awmna a tan chuan a tha tawk viau. Buaina cu room pakhat chauh a awm chu ni.

"Hetah hian i mu dawnnia" tih pah chuan khum lam chu a kawk a, ka luggage chu a dah fel mawlh mawlh bawk.

"Mahse..." Ka ti lawi rút a, dik tak chuan ka in thlahrung ani.

"A pawilo, keichu sofa ah ka riak thei alom" a ti a, min nuih suk bawk. Ka in thlahrun loh nan a ti anih ka ring.

Ka chhang tawh lo, a tih ang chu ka pawm tawp mai.
Vawin chu ka chau em a mut hilh vang vang a heng buaina zawng zawng hi muthilh san vek ka duh.

Shower ka nei zo chu ka mu nghal mai a,muthilh ka tum a mahse ka thei nganglo, ka mit ka chhin apiang in khang thil duhawmlo kha an rawn lang zut zut a, ka hmangaih mipa khan engtin nge tiang em em a min tih nat theih le??
Ka puansin lai chu thram in ka tap a, a nat em vang in ka tap chhuak hial ani...

TAEHYUNG POV....

Room kawngkhar ka kik tur chiah chu chhunglam a tanga nâ tih hriat ngawih ngawih a tap mek ri chuan min ti ding chawt a. A tah dan a tang pawh in thinlung nà tak a tap a ni tih hai rual anilo.
Room chhung ah chuan lut lo chuan ka kal san leh ta rih a.

.
.
.
Room kawngkhar chu zawi muang a hawng in ka lut a, ka hma a hmeichhe mu mek chu en in a bula chhuat ah chuan ka thu a, a hmel duhawm na a khat chu ka thlir reng a.
A mittui a biang a luang vang a val kalh chu ka kut chuan ka hru a.