STILL WITH YOU # Completed#

chapter 2

"A tha e, a rang lam in Korea ah rawn let ka tum ang, chu mi hun ah chuan kan in hmu dawnnia"
Kan in biakna chu kan ti tawp nghal a.
Ka phone ka dah rual chuan ka room kawngkhar chu a rawn ri zui nghal a.

"Bawihi, lo hawng tehh,, inbiak kan ngai ani"ka nu chuan a rawn ti lauh lauh a.

"Ka nu, biak duh na che ka nei rih lo khawngaih in kal rawh"
Tunah chuan ka be chak hlawl lo a ni, a ni kha nei tur in min thlem dawn tih ka hre vek, ka nu hi chu ka pa lam trang a ni tlat ani.

Ka nu chu kal sawn lo chuan ka kawngkhar chu ka rawn la beng dawt dawt a, a tawp a tawp ah hawn sak tum chuan ka tho chhuak leh ta nge nge.

"Bawihi" ka nu chuan a rawn ti tham triau a, ni chin a ka tah na ka mit la bui vek chu ka hmel ah a lang chhuak a niang ka nu pawh ka hmuh tum loh deuh chuan a hmel ah chuan min khawngaih na hmel ka hmu tlat.

Ka nu hmel a min khawngaih na lo lang ka hmu chu enge chhan hriat tur pwh awm lo in ka mittui a rawn far fap fap a.

Ka nu chuan min rawn pan hnai in min kuah ta thlawp a, duat tih hriat em em in ka hnung a chhul heuh heuh bawk.

Khum lam min pan pui a, ka kut a chul hliau hliau bawk.

"Bawihte, i pa kha hrethiam hram rawh aw,, khatia kut thlak che kha a tum vang ani lo ania"

"Nu ka hria lom,
Mahse nu,, ka pa in ka pasal tur a a tih kha ka nei duh lo, Nilo, ka thei lo, Nu, keihian hmangaih ka nei ani"

Ka nu chuan min en nghal vat..

"Maw,, enge i thil sawi kha!!"

''Nu,,keihian ka ti tak tak ani. Kei hian hmangaih ka nei tawh ani.
A ni chu ka hmangaih em em a,ani pawh in min hmangaih bawk"

Ka pa thinrim tih hriat tak a kan lam pan a lo kal chu ka nu nen chuan kan thlir a, ka thu sawi kha alo hre ngei ani tih a hmel a min thah chak na nei ni awm tak ka hmuh chuan ka hre thiam nghal.

"Engthil maw i sawi kha!!"
Ram hmak chuan a rawn ti,
Dik tak chuan kut min thlak leh kha a hmel ka hmuh a trang kha chuan ka lo ring tawh zawk.

"Pa!!
Keihian hmangaih ka nei ani."sehchilh nawk chuan ka ti a, ka hnuai lam ka bih ngar bawk.

"Min en rawh" arawn ti leh a.

Ka hlau lutuk chu ka khur der der.
Muangchang chuan ka pa chu ka melh chho a,,a hmel hmuh chu hrehawm tak ani.

"Pa!! Khawngaih in ka pasal tura min neih tir i tum hi ka nei thei lo ani,, Pa, keihian hmangaih ka lo nei tawh ni"

"Engang chhungkua nge a nih?" A aw ah chuan thinrimna a lang tawh lo.

"Pa, ka hre lo"

"Enghna thawk nge anih"

"Ka hrelo Pa"

"Maw, a hnathawh i hre lo a chuan eng ang chhungkua atranga chhawr chhuak nge anih i hre lo bawk amawh!!" A àw ki chu a vin leh hle tawh.

"Chuan engtia in hria nge innih"

"Phone atrang in"
Zawi deuh tak chuan ka ti a, sawi rin ngam pawh a ni lo hrim hrim bawk nen.

"Phone a trangin in in bia a, chuan in in hmangaih a
Ahhhhh,,,i phone kha min rawn pe teh" akut chu a rawn phar chhuak a, keipawh in ka lo pe ve nghal bawk.

"I phone ka la tawh a,tun ah chuan in in hmangaih na chu a tawp a ni tawh ani mai.
Jeon jungkook chu i nei khawp ang" tih leh chhuah a rual a.
Min hre pha nge phalo tih pawh hre lo chuan ka pa chu ka au a ka tap vak bawk.

Ka nu chu lo kal hnai in min rawn kuah a.
"Bawihi, I pa thu chu zwm mai ta che"

Engmah pawh ka sawi thei tawh lo, ka au na leh tah na lam ah ka hrawk pawh a na vek thei.