ياربي هسي بكون بعمل في شنو اتصل ليو ولا اصبر شويه اوووف يااه بتصل اشتقت ليو😢
جاري الاتصال..My Love
مالو ما برد يااخ يكون مشغول دايما هو كدا ولا زعلان مني خير ما مشكله برجع ليو بعدين
كملت محاضراتي وطلعت على البوابه لقيت مؤيد ومعاو الزفته بتاعتو😑
-مؤيد ارح وصلني البيت
منار:طالعين عندنا مشوار
-انا قلت مؤيد انت مؤيد لمن بتردي😑
+انا ومؤيد واحد على فكره😏
-خلاص يا مؤيد مع السلامه
اتحركت من جمبهم قام جاء لاحقني
مؤيد:مستحيل يعني يعدي موقف واحد من غير ما تتناقرو فيو شفع انتو😴
-ح توصلني ولا امشي بالمواصلات😑
=ح نوصلك
-نوصلك شنو الجمع لي😕
=لانو منار ح تمشي معانا ورانا مشوار مهم
-احيي من زفت منار دي ارح خلصني😑
وصلوني والطريق كلو تمسك يدو وتخت يدها في كتفو وعولاق شديد خلاص الفرحانه مستجده النعمه😑
-انزل سلم على ابوي
منار:مستعجلين قلت ليك بتفهمي بوين انت😕
-للمره الدلشيون بقول ليك ما اتكلمت معاك ما تردي عشان ما ابلعك لسانك دا😒
منار:شايفها بتتكلم معاي كيف يرضيك اتهان قدامك😑
-مالك غلبك وما قدرتي تردي معليش ختي ليو شطه😌👋
=صبرني ياربي صبرني امشي يا سمرا ووصلي ليو سلامي لي الحاج بجيكم في وقت اوسع
-طيب اصلا ما عاجباني الوقفه يلا بااي
دخلت البيت واول حاجه سألت منها امي وين عاينت يمين شمال ما لقيت زول البيت فاضي شربت مويه وقلعت جزمتي وطرحتي ورقدت في السرير وغمضت عيوني لمن بديت اغفى بعد مسافه حسيت بي يد بتهبش كتفي فتحت عيوني مخلوعه لقيتو ابوي
-دا شنو يا ابوي خلعتني😢
خليل:معليش يابتي اعفي لي
-لا عادي عادي😂انت الليله اتاخرت لي ولا كان عندك درس
=تامن بكره عندهم امتحان وقعدت راجعت ليهم
-الله يديك العافيه💜جيعان اخت ليك تاكل
=انت اكلتي
-لسه ما لقيت زول اكل معاو
=خلاص امشي غسلي يدك وانا بخت الاكل
-بختو انا ما تتعب نفسك😢
=جيتي من الجامعه تعبانه خليك قاعده انا بختو
