بعدها فعلت وضع الطيران وختيت التلفون😂
مشيت قعدت مع حمد وعمران
عمران:كل سنه وانت طيب
-وانت طيب ياارب
رقيه عاينت لي تلفونها ونادتني مشيت معاها المطبخ
رقيه:بطلي البتعملي فيو دا
-ابييت خليو بستاهل في زول قال ليو اتأخر وما تعايدني بدري دا عقابو😑
+انت لي راسك ناشف وما بتسمعي الكلام
-عشان انا كدا
+حاولي غيري من نفسك شويه وما تكوني صعبه في التعامل للدرجه دي
-الطبع بغلب التطبع انا كدا لو عايزني اهلا وسهلا غير كدا الباب يفوت جمل
(اياك تغيري في نفسك ولا اصغر تفصيل عشان زول لانو صدقيني ما بستاهل الا لو التغير دا للاحسن هنا انا بدعمك)
ماما ضربت لي رقيه فيديو كوول وعايدتني قالت لي ضربت ليك تلفونك مقفول قلت ليها اتناقشت مع احمد عشان كدا قفلتو روان خطفت التلفون وعايدتني وادتني هديل اتكلمت معاهم شويه ودعو لي كتير تاني ابوي شال التلفون(مستحيل ينسى عيد ميلاد واحده فينا❤)
خليل:بتي الشافعه كبرت سنه
-انا ما شافعه ياابوي بقيت بت كبيره وواعيه
رقيه:هاك الوعي دا😂
-ابوي اتكلم مع ام رغو دي
خليل:رقيه روقي سااي
رقيه:طبعا رقيه هي الغلطانه كالعاده😕
خليل:لسه بتذكر يوم ولدوك وشيلوني ليك كنت صغيره شديد مع انو شلت اخواتك قبلك لكن لمن شلتك خفت تقعي مني كانت يدينك ورجلينك صغيره شديد كنتي مشاغبه اول ما شلتك عملتيها فيني ووسختي ملابسي😂
-ابوي كنت ما واعيه ما تخجلني
=ما بخجلك دي اولى ذكرى بينا وكانت حلوه شديد
-حلوه زيك ولا زي🙈
=زيك انت طبعا😍
بعد ونسه طويله مليانه ذكريات حلوه قفلت منهم وكنت نعسانه شديد فمشيت نمت
تاني يوم صحيت متأخره لقيت رقيه وعمتو بجهزو في الفطور
نعمات:افتحي التلاجه بتلقي جبنه شيلي احشي ليك عيشه مسافه ما الفطور يجهز
-ما جيعانه يانعومه
رقيه:اسمعي الكلام
-حااضر
حشيت عيشه واكلتها حتى ارتاحو تاني مشيت ادوشت وقعدت اطبز في تلفوني ورديت على الناس العايدتني لقيت اسامه مرسل لي رديت عليو ودردشنا مسافه ما ختو الفطور
