أبو البنات

الجزء 17

تاني يوم كانت عزومتنا فطور وناس ياسر عشاء انا ورقيه مشينا الكوفير من 7ص رسمو ليها وانا عملت نقش في يديني الضهر كدا هديل جات مع حمد جابت لينا الفطور قلت ليهم ما اوصيكم على التصوير قالو لي كويس ومشو

وبعدها بقينا في التجهيزات تلفون رقيه ضرب لقيتا ماما قالت لي عقدو طوالي فكيت الزغروته ورقيه بكت قلت ليها لسه وقت البكا ما هسي اصبري شويه😂كانت جاده شديد في البكا قلت ليها رقيه استهدي بالله دا يوم فرح ما تبكي قالت لي امي لو كانت قاعده كان فرحت لي وخلتني ابكي معاها وبكينا بنات الكوفير💔الا وحده كبيره في العمر شويه قالت ليها استهدو بالله يابنات كلو لي خير ما تبكو وحنستنا لمن سكتنا

تاني بدوا ليها ميكب وانا طلعت برا تميت بكيتي وغسلت وشي وجيت داخله بضحك عشان ما تبكي تاني بعد خلصو ليها وبدو لي ركبت عدسات رماديه وزمام لاصق تسريحتي كانت وحده لكن الضفيره البعملوها بي اربعه شعرات ديك وفيها دبابيس بالفضي حلوه خلاص ومطلعين لي خصلتين بالجمبه فستاني منقاوي ضيق من النص وفيو حزام اسود ويدينو معرجات زي حركه المويه مع هيلز واسواره وحلق كبير بالاسود البت المكيجتني قالت ما شاء الله لونك رهييييب شديد اوعك تخربي بالفسخ قلت ليها ما خاتاو في بالي والله قالت لي احسن ليك خليك في خلقه ربنا وكدا انت سمحه وتجنني قلت ليها باقي سماحتك🙈💛

بعد خلصنا المغرب كان جاء طلعنا برا في صاله الاستقبال منتظرين ناس ياسر يجو ضربت ليو قال لي قربنا نصلكم قلت ليو خلاص استعجلو عشان رقيه دي متوتره شديد😂قال لي طيب شويه كدا وسمعنا صوت بوري عالي برا جريت تاوقت لقيتو جاء ياسر ومعاو اصحابو اتنين بسم الله ما شاء الله التقول شاردين من الجنه دخل سلم على رقيه في يدها قامت صرت وشها ما عارفه مالا طلعنا مشينا على الاستديو وهناك لقينا ناس ماما وملاذ واولاد عمي قاعدين

هناء:سمرا والله ما اتعرفنا شنو السماحه دي😍

-باقي سماحتك والله🙈

روان:الليله شلعتي شلع😍

هديل:ناار الضلع والله😂

-خلاص يااخ خجلتوني عديل😍🙈

حمد:بتكم دي دايره تجلطني بي سماحتها دي ولا شنو ما ممكن يابت متأكده انك بشر ما ملاك😴

-واااي دي عيونك السمحه🙈

=والله لو سمحه زاتو ما زيك انت قمر عديل😍

ختيت يديني في وشي وقعدت اضحك

احمد جاء قال لي انت العروس وانا ما عارف مالك مكتره البتاع الفي وشك دا كدا وطرحتك وين(حيي غاار🙈)قلت ليو عرس اختي امشي مبهدله يعني😕قال لي ما مبهدله لكن ما تعملي كدا قلت ليو هووي اطلع من راسي ما فاضيه ليك صرا لي وشو ومشى اسامه قال لي الليله لو ما جبتي عريس ما بتعرسي تاني😂قلت ليو لو ما لقيت انت قاعد حمد قال لي وانا واقف برضو😂قلت ليم خلاص ضمنت نفسي ما ببور دخلت رقيه مع ياسر يتصورو ونحن انتظرناهم برا