بقلم دينا أسعد الربيعي 🌺
فرحت لكي أتت النهاية ولكن نهايتي على بدايه اشخاص لايعرفوا الرحمه قلوبهم غلف بالقسوة والظلم والتجبر هل ياترى يأتي يوم وأنتصر أم ابقى هكذا بيديهم كاللعبة..
بقلمي المتواضع دينا ❤️
ماسة . عافني وراح دخل للغرفه ورگع الباب حيل وراح طفه التلفزيون حته لا اباوع عليه شبي هذا عرفت نفسي دخلت بدوامه وورطه الها اول مالها تالي بقيت نايمه عله القنفه لا غطه ولا مخده وراسي يريد ينفجر بقيت ابجي الليل كله ماعرف شنو اخبار اهلي هسه لو امي الي دعت عليه من كل گلبها لان كسرتها وماسمعت كلمتها تندمت الف مره لو باقيه بدون موبايل هواي احسنلي لعبت بروحي لعب
ما حسيت بعد اله عله صوت ودفره برجليه يحجي من بين سنونه وعيونه حمر احسه يريد يذبحني من يحجي وياي هيج لا من هو معاقبني ومخلصه من عقابي ولا من عايفني عد اهلي ماعرف شلون اتصرف ويا ماصار يومين وحسيت نفسي تعبت ونفسيتي تعبت شلون لو اخلص عمري ويا
خالد . گومي لجججج نايمه ومرتاحه واخوي كتال اخوج بت الن…. انه راح اطلع شكو ضحكه ضحكتيها شكو فرحه فرحتيها راح اصير ملك الموت الج تتمنين الموت بس مارحمج وخليج ترتاحين
كومي سوي زقنبوتتت ..
ماسة . بسرعه رحت غسلت وطلعت حته ما اعرف شنو ياكل رحت فتحت الثلاجه كلشي مابيها صفنت هو البارحه مو جاب عشه ليش ماجاب ويا ريوگ مو يدري الثلاجه فارغه بعدني احجي بيني وبين نفسي ما احس اله الباب انرگع مال شقه گلت هسه العالم تطلع تتعرك ويا لان من يرگع الباب احس العماره كلها تهتز
رحت اخذت القوري غسلته وخدرت الجاي بين ما وصل فات للمطبخ خزرني بعيونه بسرعه رجعت دنگت خله العلاليگ عله الميز وطلع بيده جگاره شلون يشربها من الصبح عله ريگه ما اعرف عجيب هذا الرجال فتحت العلاگه الاولى بيها صمون حاار والثانيه بيها بيض واجبان وگيمر ومربى .
بسرعه طلعت طاوه خليت بيها شويه زيت وگليت اثنين سويت بيض بس اله اني ما احب البيض الصبح حته ريحته ما احبها واخذت صحن خليت بي جبن والثاني خليت بي گيمر ومربى وحضرت اله استكان وخليتهم عله الميز اترددت اروح اصيحه اخاف منه بس خفت الاكل يبرد وانضرب صدگ رحت گتله
يله تعال تريگ راح يبرد
جان وجها عله التلفزيون وضهره الي ماشافني همزين بسرعه درت وجهي منه
اجه اتريگ بسرعه اكثر شي شرب الجاي خلص جان يگول
خالد . يله اتسممي ورايه طريق .
ماسة . عافني وراح بسرعه سويت لفه جبن وجاي خفت اتأخر عليه ماخلصتها واني جنت جوعانه لان البارحه ماكلت بس انجبرت اكل شويه بعدين صاح عليه لمي الاغراض راح نطلع بسرعه لميت وعزلت طلع گدامي
خالد . نزلي راسج لا اكسره الج مترفعي مفهوم وشالج عدلييي
ماسة . اكيد بخزره وحده سويت كلشي يريده الدمعه تلالي بعيني شلون راح اخلصها ويا ما اعرف وخايفه من المجهول طلعنه واني طول الطريق الدموع ماوكفن واخاف اطلع صوت ويأذيني من شفت بعد الطريق عن بيت اهلي گلت رحت للموت برجليه لو محترمه نفسي وگاعده جان ماصار هيج بيه
أنت تقرأ
بريئة بين أنياب كافلي
ChickLitرواية جميله ومختلفة تتحدث عن القدر الذي جمع بين ابطال الرواية من محافظتين مختلفتين تحمل الكثير من المعاناة هل ياترئ القدر ينصف المظلوم ام الحظ يبقى للظالم تابعوا معي الأحداث
