#بقلمي دينا الربيعي
شمنتظر مني بعد الشفته منك، اگلك عفيه عليك ماصدگت كل هذا البدر منك، جنت ازامط بيك لو صارت لمه وگعدنه اگلهم محبوبي هذا بقربه جنت اتمنه، هنا ضحكنه هواي هنا گعدنه ما فكرت لو نشدون عنك دموعي تهل واگلهم افترگنه، تالي الاحلام تبخرت والصدگ تمل منه، ماتحب الصريح وياك تبتعد عنه، مرات اغشم روحي واگول يعود مثل الطفل صرت وياك يسكت بحضن امه، هيجي روحي وياك تفرفح بدونك ويمك انسه كل الامنيات بس بيك اتمنه
بقلمي دينا الربيعي ♥
شلونكم بنات شخباركم ♥ شنو رأيكم نكمل بارت يوم الغفران ويوم الماسة مو هيج احسن لو نكمل بارت واحد بخصوص الأثنين صوتولي على هاي الفقره وراح اشوف شلون اكمل
الي رادوا صور للأبطال راح انزل الكم صور بعد هذا البارت ان شاء الله
وبالنسبة للأخطاء الأملاء اكتب سريع اتمنى ماتركزون واطفال ومسؤولية عبرولي 😑🤣
بسم الله نبدأء معكم البارت ♥
ماسة، رفع وجهي باثنين اديه ومركز بعيوني
وهمس
خالد، اليوم الگمر نازل يمنه ومنورنه
ماسه، عيني بعينه والضحكه مافارگت
شفافه ورجع طبع بوسه بجبيني وگال
خالد، اليوم احلى يوم بحياتي ماستي
اليوم اني اسعد انسان الظروف جمعتنه
بمشكلة وضحية اغلى انسان عندي
بس خلاني انجمع بيج صرتي حبيبتي
وام بيتي وان شاء الله ام جهالي
اوعدج مثل ما خليتي گلبي يدگ الج
ويشوف الحياه من جانب ثاني بعد
ماجنت كاره كلشي حياتي المملة
وحتى شغلي يومي جان فارغ
وكمل بيج بحنيتج وحبج للكل
الجبير والصغير صار يحبج
ويحب حنيتج وبرأتج اما
اني شي ثاني اخذتيني العالمج
وغيرتيني صرت احب كل شبر
بيج ماستي من احجي وياج
باوعي بعيوني الخجل بينه
ما أله مجال ابددد ماكو
وحواجز بينة من بعد اليوم
ولا أريدها ماشي حبيبي
ماسة، الخجل احتل كل
جزاء بجسمي عبالك أول
مره اشوفه كلامه غزله
تصرفاته طيبة گلبة وحنيته كلشي
بي ثبتلي هو الأنسان الصح الي
ربي خلى بدربي
صدگ وعسى ان تكرهوا شيء وهو خيرآ لكم
وعسى ان تحبوا شيء وهو شرآ لكم
ماجنت اتخيل بيوم من الأيام
هذا الأنسان الي جان كتله من
البرود والتكبر جنت احسه
متكبر ولهذا السبب مامرتبط
بس الحمد لله جان مضموم الي
ههههه جان من احلى أيام
حياتي هو يوم الي لبست
الأبيض لأغلى انسان عندي
خالد، حبيبتي تعالي نصلي
ونتعشة اكيد جوعانة انت
ماسه، ي والله جوعاانه
واعذرني ما راح استحي منك
راح اكل واعوض مال وجبتين
الغده والعشه
VOUS LISEZ
بريئة بين أنياب كافلي
ChickLitرواية جميله ومختلفة تتحدث عن القدر الذي جمع بين ابطال الرواية من محافظتين مختلفتين تحمل الكثير من المعاناة هل ياترئ القدر ينصف المظلوم ام الحظ يبقى للظالم تابعوا معي الأحداث
